Éxodo 13:21 - Kashibo-Kakataibo Biblia

²¹ Anuax kuankëbëtan ka Nukën ꞌIbun a isiania kuanun kuin nëtën anúan kuanti bai anu rëkuë́nmiakëxa, rëkuë́nmianan ka imë́ribi tsin rëkirukin pë́kakësa ꞌitánun an imë́ atu kuania pë́kati ꞌimiakëxa. Usakian ꞌakëbë ka, nëtën kuananbi imë́ribi kuankëxa.

Éxodo 13:21 Iomraidhean Croise

Nehemías 9:12

Usakin ꞌanan kamina a isiania min unikama kuanti nëtën kuin ꞌimianan imë́ribi tsi rëkirukësa ꞌixuan anun kuanti pë́kanun ꞌimiakën, ꞌimikëxuan anúan kuanti a pë́kakëbë ka anun atux kuankëxa.

Nehemías 9:19

usai ꞌiabi kamina min atu nuibakin, anu uni ꞌikëma menuxun uisa kara nitsia usai ꞌitánun ënkinma ꞌakiankën. Usokinmi ꞌakinkëbë ka nëtë kuinsa ax atu ënima nëtënbi a isbiania kuankanun rëkuë́nkiankëxa, ꞌimainun kamina imë́ribia tsi rëkirukësa ꞌixun anun kuankanun pë́kati ꞌimiakën.

Salmos 105:39

Diosan ka a isbiania kuanti nëtë kuin atu manámi ꞌimianan, tsi rëkirukësa ꞌixuan pë́kakëbë imë́ kuankanti aribi ꞌimiakëxa.

Éxodo 10:10

Kixun kakëxunbi ka ꞌapu faraónën kakëxa: —¡ꞌËn kana asérabi mitsun mi ꞌatimakin sinania ꞌunan, këmëkiani kamina kuainsatankanin! ¿Mitsun kaina sinanin min ꞌIbu kara mitsubë kuanti ꞌikë kixun, ꞌimainun karana mitsun bëchikëkama buanimi kuantanun xuti ꞌain?

Éxodo 16:10

Kixuan Aarónën atu kakëxun kuakian Israel unikaman bukuxun anu uni ꞌikëma me au bësukin iskankëxbi ka bënëtishi nëtë kuinsa mëuxuan, Nukën ꞌIbun ain kushin barin ꞌakësamaira okin pë́kakëx ichutia iskankëxa.

Éxodo 32:1

Usai Moisés aín bashinu kuanxbi panáirakëbëtan ka Israel unibunën anu rikianxun Aarón kakëxa: —Moisésnën ka nu Egipto menua chikínbëtsinkin bëaxa. ꞌAínbi kananuna uisai kara ꞌiaxa kixun ꞌunanima, usa ꞌain kamina achúshi dios an nu bërúanxun buánti ꞌaxúnti ꞌai kixun ka kakankëxa.

Números 10:34

Uisa nëtën kara anua ꞌikë anuax atux kuania a nëtënbi ka Nukën ꞌIbun ꞌimikëx kuin atu manámi kuankëxa.

Números 14:14

Kuakin ka Canaán menu tsókë unikama ñuixunti ꞌikën. Atúnribi ka min kamina ënë unikama atubë ꞌixun, ꞌakini kixun ñuikania kuaxa, ꞌimainun kamina an unánkë unibë uni bësúnax banakësari banain, ꞌimainunribi kamina min nëtë kuinsa axa atubë ꞌinun ꞌimin, ꞌimainun kamina nëtën kuinsa mëu rëkuë́n kiankin atu buánan imë́ribi tsi rëkirukësa a isia anunbi kuanun atu ꞌimian.

Deuteronomio 31:8

Nukën ꞌIbun ka mi kuania ꞌakinkin ëntima ꞌikën, usa ꞌain kamina rakuë́kin; kana ꞌaíma kixun sinántima ꞌain.