Éxodo 13:18 - Kashibo-Kakataibo Biblia

¹⁸ Usa ꞌain ka Diosan Israel unikama anu uni ꞌikëma me anun kuankian parúmpapa xónsa kakë a ratanarati kuanun ꞌimiakëxa. ꞌImikëx ka Egipto menuax kuani Israelkaman suntáru kuankësa usarabi kiani kuankëxa.

Éxodo 13:18 Iomraidhean Croise

Génesis 50:25

Ësakin kakin ka José aín xukë́n kaman a sinanatëkëntima okin atun kanun kakëxa: Asérabi ka Nukën ꞌIbu Diosan mitsu ꞌakinti ꞌikën. Usa ꞌain kamina mitsun ꞌëx ñuia ënu maínkinma ënua ꞌë buánti ꞌain.

Salmos 107:7

Usokin pain ꞌatankëxun ka bai puntë ëma achúshi anu tsóti kuanti a mëramiakëxa.

Éxodo 14:2

Ësokin kamina israel unikama kati ꞌain, kuantëkëntankëxa Pi-hahirot bëtanain Migdol ꞌimainun parúmpapan nëbëtsionkë Baal-sefón kakë ëma a bëtanain. Anuxun aín chupa këxtú xubusa okin ꞌatankëxa parúmpapa kuëbí anu bukubunun kamina kati ꞌain.

Éxodo 14:9

Nuibiani kuani ka egipcio suntárukama, raírinëx caballonën nikinkë anun kuanmainun raírinëxribi ain caballo anuaxa ꞌakanankë anúnribi kuankin israel unikama nuibianxun nuküakëxa, parúmpapa kuëbí anua Pi-hahirot ꞌimainun Baal-sefón kakë ëma a ꞌukëmanan atun chupa xubusa okin ꞌax anu bukukëbi nuküakëxa.

Deuteronomio 32:10

Usa ꞌixun ka anu uni ꞌikëma menua ꞌunánkëxa, a mex ka ꞌumpaxñuma ꞌianan suñun bëkikin ꞌatimokë me ꞌiakëxa; anbi ka nu bërúankin uisai karanuna ꞌiti ꞌai akama nu ꞌunánmikin unían ꞌain bëru napu bërúankësaribi okin nu bërúankëxa.

Josué 1:14

Usa ꞌain kamina mitsun xanu min bakë bëchikë ꞌimainun ami ꞌarakakë ñuinakama këñunbi Moisésnën mitsu ꞌinan me Jordán kakë baka nëkë manan ënubi ëbianti ꞌain. Ëbiani kamina ax ꞌakanainsa unikamaxëshi aín manë xëtokë bibiani mitsun xukë́nkama ka ꞌakanania ꞌakini kuanti ꞌain,

Josué 4:12

Kuankëbë ka atu kaxuribi axa ꞌakánanti ꞌunáinrakë unibu Rubénën rëbúnki, akamabë Gadnën rëbúnki ꞌimainun Manasésnën rëbúnkikama ꞌitsamashi akamaribi. Anúan ꞌakánanti mëníokëishi ꞌaish sikarakëkiani Israel unibu kuankëxa, usaía ꞌinun Moisés kiásabi oi ka usai ꞌiakëxa.

Josué 4:13

Kuani ka atux cuarenta mil uni sënën ꞌiti urama ꞌiakëxa, usa ꞌaish ka ꞌakanantishi ꞌinun mëníokakëishi ꞌaish rëkuë́nkiani kuamainun a inubiani Nukën ꞌIbun ismainunbi anua Jericó me ꞌikë au kikiani kuankankëxa.