Éxodo 12:41 - Kashibo-Kakataibo Biblia

⁴¹ ꞌimainun ka anúan cuatrocientos treinta baritia, aín chaitiokëkama Egipto menu tsónux bëba a nëtë sënë́nkë a nëtënbi ka Israel unibu atún ꞌIbun a menua chikíankëxa.

Éxodo 12:41 Iomraidhean Croise

Génesis 50:24

Achúshi nëtën ka Josénën aín xukë́nkama kakëxa: ꞌËx anun ñuti nëtë ka ꞌurama ꞌikën, usa ꞌain ka Nukën ꞌIbu Diosan mitsu ꞌakinti ꞌikën, usa ꞌixun ka ënë nëtënua anbi mitsu chikinbiakin a ꞌinánuxuan Abraham kanan Isaac ꞌimainun Jacob ka me anubi mitsu buánti ꞌikën.

1 Reyes 6:1

Salomónnën ka anuxun Dios rabiti xubu axa Israel unikaman ꞌapu ꞌikë rabë́ ꞌimainun rabë́ baritia ꞌirukëbëtan, ka Abril ꞌuxë itsi ꞌirukë anun ꞌakëxa, anúan israel unikama Egipto menuax chikíküatsini ukan cuatrocientos ochenta baritia sënë́nkëbëtan ka ꞌakin pëuakëxa.

Éxodo 12:17

Anun chamiti ñukëñunma pán ꞌati nëtë ꞌikëbëtan kamina mitsun a nëtë sinánkin kamaxunbi timë́xun achúshi fiesta ꞌakin ꞌë rabiti ꞌain, a nëtëx ka anun ꞌën mitsu Egipto menua chikían nëtë ꞌiti ꞌikën. Usa ꞌain ka ënë bana kikësabiokin ënkinma mitsun ꞌásabiokin min bëchikë ꞌimainun min babakaman a sinánti ꞌikën.

Éxodo 3:10

Usa ꞌain kamina, mi kuanun mëníokati ꞌain, ꞌën kana faraónnu kuantanun mi xuti ꞌain, usa ꞌain kamina ꞌën uni Israelkama Egipto menua chikini kuanti ꞌain.

Éxodo 3:8

Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Éxodo 6:6

Usa ꞌain kamina Israel unibu anu kuanxun kai kuanti ꞌain, ꞌëx min ꞌIbu ꞌixun kana tëmëramikian ñu mëëkë anua chikínti ꞌain. Usa ꞌain kana ꞌaisamaira egipcio unibunën ñu mëëmikin tëmëramikë anua chikínti ꞌain; ꞌimainun kana ꞌën kushi atu ismikin ꞌëx upí ꞌixun mitsu ꞌakësamaira okin atu tëmëramiti ꞌain;

Éxodo 7:4

Usakinmi kakëxunbi ka faraónën kuaisama tankin mitsu xutima ꞌikën. ꞌËnbi kana usaía ꞌinun ꞌimiti ꞌain, usa ꞌain kana ꞌaisamaira atun iskëma ñu ꞌën kushínbi Egipto me ënu ꞌakin atu ꞌatima ꞌoti ꞌain, usa atu okin kana ënë menua Israel unikama aín kushikaman suntáru chikínbiankin uankësa usaribi okin buánti ꞌain.

Daniel 9:24

Setenta semana ax ka (cuatrocientos noventa baritia inuti ñui kikë ꞌikën) min unikama ꞌimainun min ëma upí a inuti ꞌikën, inutankëxun ka ax bana kuaisama tani ꞌikëkama ꞌimainun aín ꞌuchakë kamaribi ënti ꞌikën. Usai ꞌia ka Diosan aín ꞌuchakëkama unikama tërënxunti ꞌikën, usakin ꞌakin ka uníxa bëtsibë bëtsibë xënibua ꞌaínbi nuibananti a nanti ꞌikën. Usai ka min namákësokin iskë ꞌimainun an bana ñuikë Jeremías ax kiásabi oi ꞌiti ꞌikën, ꞌianan ka upíira kakë anu ꞌikë ax upíira ꞌitánun mëníokë ꞌiti ꞌikën.

Levítico 23:43

usai ꞌiá ꞌikë ka kamabi mitsun rëbúnkikaman ꞌunánti ꞌikën, Egipto menua ꞌën chikínbëtsinkin bëkëx ka Israel unikamax ꞌuta ꞌatankëx anu ꞌiakëxa kixun. ꞌËx kana mitsun ꞌIbu Dios ꞌain.

Habacuc 2:3

Kamina kuënëoti ꞌain, anúan ꞌiti nëtë ka ꞌikëmapan ꞌikën, usa ꞌaínbi kana anúan ꞌiti nëtë ꞌikëbëtan mi ismiti ꞌain; ꞌaínbi kana ꞌëx kikësa okinbi ꞌati ꞌain. Usa ꞌain kamina min basikëbëtanbi uisaran kara a ñukama ꞌia kaínti ꞌain. Usa ꞌain ka anúan ꞌiti nëtë aka ꞌiti ꞌikën.

Números 23:22

Dios an Egipto menua atu chikínbëtsinkin bëa ax ka, vaca aín bënë raëkëma aín kushisamaira atunan ꞌikën.

Juan 7:8

ꞌËx anun anu ꞌiti nëtë ca ꞌicëma pain ꞌicën. Usa ꞌain cana cuaniman. Mitsux ca cuantan.

Hechos 1:7

Cacëxunbi ca Jesusan atu cacëxa: —ꞌËn Papa Diosan ca an sináncësabi oquin uinsaran cara usai ꞌiti ꞌicë quixun mëníocëxa. Uinsaran cara usai ꞌiti ꞌicë quixun camina mitsun ꞌunaniman.

Hechos 7:36

Xucëxun ca Egiptonu cuanxun Moisésnën Israel unicama anua buáncëxa. Buánquin ca Egiptonuxun ꞌanan, parúnpapa Xonsa anuxun ꞌanun, cuarenta baritian anu uni ꞌicëma menuxunribi Nucën Papa Diosan ꞌamicëxun uni itsin ꞌacëma ñu ꞌacëxa.

Deuteronomio 4:37

An ka nun chaitiokëkama nuibakëxa, ꞌimainun ka aín rëbúnkikamaribi ainan ꞌinun kaískin, aín kushínbi Egipto menua chikíankëxa.

Josué 24:5

Usai ꞌiá ꞌain kana ꞌitsa baritia inúkëbëtan ꞌën mitsun chaitiokë Moisés ꞌimainun Aarón xuakën, ꞌimainun kana mitsux chikinuxun Egipto menu ꞌikë unikama ꞌitsaira ꞌën tëmëramiakën.

Josué 5:14

—ꞌËx kana axa mimi nishkë uni a ꞌianan axa mibë ꞌikë uni ama ꞌain —kixun ka axa ami mërakë uni an kakëxa—. ꞌËx kana Nukën ꞌIbun suntárukama aín ꞌapu ꞌain. Ësakian uni an kakëxun ka Josuénën rantinpuruni aín bëmánanën me tikai tsóbukin ñukákëxa: —¿Añu ꞌaxúnumi ꞌë kanun kara Diosan mi xuax?