Éxodo 12:26 - Kashibo-Kakataibo Biblia

²⁶ Usakin ꞌaia ka mitsun bakë bëchikëkaman ënë ñu iskin mitsu ñukati ꞌikën: ¿Añu ꞌanux karanuna ësai timë́ti ꞌain?

Éxodo 12:26 Iomraidhean Croise

Salmos 145:4

Usa ꞌikë kananuna aín papa ꞌixun nun bakë bëchikëkama min ꞌa ñukama ñuixunkin, min kamina kushiira ꞌixun kamabi ñu ꞌakë kixun atúnribi ꞌunánun ñuixunti ꞌain.

Éxodo 10:2

usakin ꞌën ꞌaia isá ꞌixun kamina min bakë bëchikëkama ꞌimainun min xutakama ñuixunti ꞌain, uisakin karana ꞌën egipcio unibumi kuaikin atun uínsaranbi isama ñu chaiirabu ꞌën kushínbi ꞌakë kixun. Usakin ꞌën ꞌakë, ꞌain kamina ꞌëx kana asérabi Nukën ꞌIbu ꞌai kixun mitsun ꞌunánti ꞌain.

Éxodo 12:25

Usa ꞌain kamina Nukën ꞌIbun ax kikësabiokin mitsu ꞌinánti me anu kuanx anu tsókinbi ax kikësabiokin ënë fiesta, kamabi baritia ꞌirukëbëtan ꞌai ami sinánti ꞌain.

Éxodo 13:22

Kuani ka nëtë kuin axa rëkuë́nkiankëbë a ënima atux a isbiani anunbi nëtën kuankëxa, ꞌimainun ka imë́ribi tsin rëkirukin pë́kakësa ꞌitanun pë́kanëakëxa.

Efesios 6:4

Bëchicëñu unicama, mitsuribi cana cain, min bëchicë camina nishmitima ꞌain. Min bana parë́quinma min cacësabi oquin ꞌanun camina canioti ꞌain. Usoquin canioquin camina a ñuixunquin Nucën ꞌIbu Jesucristo cuëëncësabi oquian ꞌanun ꞌunánmiti ꞌain.

Deuteronomio 32:7

Bëráma ꞌia ñukama kamina amiribishi sinántëkënti ꞌain, sinánkin kamina uisai kara nëtë ióñu ñu ꞌiakëxa kixun; min papa ꞌianan min tita ñukánan kamina an bana ñuia kua uni apankama mi ñuixunun ñukáti ꞌain:

Deuteronomio 6:20

Uínsaran kara mitsun bakë bëchikëkaman mitsu ñukatia: ¿Uisa kikë kara Diosan ax kikësai ꞌiti bana ꞌimainun a tanti banakama Nukën ꞌIbu Dios kia bana ax ꞌik?

Deuteronomio 6:7

ꞌimainun kamina mitsun bakë bëchikëkama ënkinma ꞌunamiti ꞌain; a kamina uinu kara min xubu ꞌikë anuxun ꞌanan uinu kaina kuani anuxunbi ñuixuanan uinu kaina uxi anuxun ꞌanan anumi ꞌuxonkë anuax pëkarakuatsinkëbë nirunuxun ñuixunti ꞌain.