Éxodo 12:25 - Kashibo-Kakataibo Biblia

²⁵ Usa ꞌain kamina Nukën ꞌIbun ax kikësabiokin mitsu ꞌinánti me anu kuanx anu tsókinbi ax kikësabiokin ënë fiesta, kamabi baritia ꞌirukëbëtan ꞌai ami sinánti ꞌain.

Éxodo 12:25 Iomraidhean Croise

Éxodo 12:24

Ënëx ka mitsun a tanti bana ꞌikën, ꞌimainun mitsun rëbúnki kamanribi xënibua ꞌaínbi tanti bana ꞌën ꞌinánkë ꞌikën.

Éxodo 12:26

Usakin ꞌaia ka mitsun bakë bëchikëkaman ënë ñu iskin mitsu ñukati ꞌikën: ¿Añu ꞌanux karanuna ësai timë́ti ꞌain?

Éxodo 3:17

ꞌImainun ka ësokinribi ꞌë kaxa, an isa Egipto me anuaxmi tëmërakankë ënua mitsu chikínbiankin anua cananeos, hititas, amorreos, ferezeos, heveos ꞌimainun jebuseos; unikama ꞌikë me anu mitsu buánti ꞌikën, ax ka me achúshi anua ñuinanën xumañukama a ꞌimainun a piti ñu ꞌitsaira ꞌianan ñu ꞌaisamaira ꞌikë a ꞌikën.

Éxodo 3:8

Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Deuteronomio 4:5

ꞌËn kana mitsu usai ꞌiti ꞌimainun ax kikësai ꞌiti bana Diosan mitsu kanun ꞌë kakë banakama a ñuixuan, usa ꞌain kamina a menu tsóxun ax kikësokinbi ꞌakánti ꞌain.