Éxodo 12:13 - Kashibo-Kakataibo Biblia

¹³ Ñuinakan imi ax ka anúnmi mitsun xubu xëkuë anumi ꞌikë a ꞌunántiokin shiti ꞌiti ꞌikën. Usakin ꞌakin ꞌën egipcio unikaman rëkuë́n bëchikëkama këñúmikëbëbi ka mitsun bëchikëkama achúshirabi bamatima ꞌikën, imin xubu xëkuë shikë a isi ꞌëx amotan inúkëbë ka këñutima ꞌikën.

Éxodo 12:13 Iomraidhean Croise

Génesis 17:11

ꞌUnántiorakakin kamina aín nëtokë ñu rëbu aín maxaka ꞌikë a tëati ꞌain, ënëx ka ꞌën mibëtan ꞌakë achúshi ñu a ꞌunánti ꞌikën, ësokin ꞌakin kamina ꞌunánti ꞌain nun kananuna achúshi ñu ꞌa kixun.

Éxodo 12:11

Ënë nëtëx ka anun kamabi Dios kikë ꞌati ꞌën mitsu kakë ꞌikën, usa aín kamina bërámashi mitsun chupa pañuanan mitsun taxaka tañuanan kuantishi ꞌixun bënë́kinshi mitsun tsati mëtikixun piti ꞌain, ꞌanan kamina Pascua kakë nëtë Nukën ꞌIbu rabikin ñuina nami xaronan a piti ꞌakë a piti ꞌain.

Éxodo 12:23

Usokin ꞌakë ka Nukën ꞌIbun egipcio unikaman rëkuë́n bëchikë bamatanun këñumi inúkinbi xubu xëkuë imin shikë isi ka a ꞌurama oíma amotan kuainti ꞌikën. Usa ꞌain ka Nukën ꞌIbun an uni bamamitia xukë aín ángel mitsun xubunu atsínun ꞌimitima ꞌikën.

Éxodo 12:7

Rëkin ñuina aín imi bitankëxun kamina mitsun xubu anuxumi nami pikë aín xëkuënu ꞌikë i, anun atsínkiantinu a unántiokin shiti aín.

1 Tesalonicenses 1:10

Acama ñuianan ca mitsun camina Nucën Papa Diosan Bëchicë Jesús bamacëbia anbi baísquimia, axa naínuax uti caini quixunribi ñuia. Ax ca an Nucën Papa Diosan, uni aín ꞌucha cupí castícancëbëtanbi, ainan ꞌicë nu ië́miti a ꞌicën.

Hebreos 11:28

Madianuax Egipto menu cuantëcëntancëxun ca Moisésnën —Nucën Papa Diosan ca ax quicësabi oquin asérabi ꞌati ꞌicë —quixun sinánquin, an cacësabi oquin judíos unicaman xubucama ꞌunánti oquin, aín xëcuë ëman carnero imi shimiacëxa, Nucën Papa Diosan ángelnën atun rëcuën bëchicëcama ꞌatin rabanan.

Josué 2:12

Usa ꞌain kana mi ñukatin ënuxunbi kamina Nukën ꞌIbun anën sinanátëkëntimokin asérabi ꞌë kati ꞌain, ꞌën aintsikama kamina mitsu bërí ꞌën ꞌakësaribi okin ënë ëmanu ꞌikë unikama ꞌakinbi ꞌatima ꞌain. Asérabi karamina këmëima ꞌunánnun kamina ꞌë kati ꞌain,

Josué 2:18

ꞌAínbi kamina nux ënë menu bëbai ukëbëtainshi, itsi achúshi xónsa anun nux ꞌibúkë ënë min xubu xëkuë chukúma ënu bënë́kinshi bëntanti ꞌain. Usakin ꞌanan kamina min xubunu min papa min tita ꞌimainun min xukë́n min rarëbakëkama ꞌimainun min papan aintsikamaribi bënë́kinshi timëti ꞌain.

1 Juan 1:7

Usa ꞌaínbi cananuna axa ꞌicësaribiti ñu ꞌatima ꞌati sináncëma ꞌianan Nucën Papa Diosbë upí ꞌaish, axa ami catamëcë unicamabëribi upiti nuibananin. Usaínu ꞌia ca an, aín Bëchicë Jesucristo aín imi ꞌapati bama cupí, uisa ñu ꞌai caranuna ꞌuchai, abi nu tërë́nxunia.