Éxodo 12:12 - Kashibo-Kakataibo Biblia

¹² A imë́ kana ꞌëx kamabi Egipto menu inúkin kamabi egipcio unikaman xubunua aín rëkuë́n bëchikë ꞌanan a unikaman ñuinanën rëkuë́n tuákama ñumiti ꞌain, ꞌëx kana Dios a ꞌain. ꞌImainun kana Egiptonu ꞌikë unikaman rabikë dios ꞌatima oti ꞌain. ꞌËx mitsun ꞌIbu ꞌaish kana ësai kin.

Éxodo 12:12 Iomraidhean Croise

Salmos 91:7

usai ꞌikëbëbi ka mil uni min mëmiu bamai këñuti ꞌikën ꞌimainun ka diez milribi min mëkeu ñui këñuti ꞌikën, usai ꞌimainun kamina mix uisa ñubi ꞌinútima ꞌain.

Salmos 95:3

Ax ka Dios chaiira ꞌikën, usa ꞌaish ka bëtsi bëtsi dioskama atun ꞌapuira ꞌikën.

Éxodo 12:23

Usokin ꞌakë ka Nukën ꞌIbun egipcio unikaman rëkuë́n bëchikë bamatanun këñumi inúkinbi xubu xëkuë imin shikë isi ka a ꞌurama oíma amotan kuainti ꞌikën. Usa ꞌain ka Nukën ꞌIbun an uni bamamitia xukë aín ángel mitsun xubunu atsínun ꞌimitima ꞌikën.

Éxodo 6:2

Amiribishi ka Diosan abë banakin Moisés katëkëankëxa: —ꞌËx kana min ꞌIbu ꞌain.

Éxodo 9:6

Usai kionxun ka a pëkarakëbëtan Nukën ꞌIbun usakinbi ꞌakëxa. ꞌAkëbë ka kamabi egipcio unibunën ꞌarakakë ñuinakama aín ꞌinsínan ꞌi këñuakëxa; usai ꞌikëbëbi ka israel unikaman ꞌarakakë ñuinanëxëshi achúshirabi bamama ꞌikën.

Amós 5:17

Kamabi uvas ꞌapákë naëkamanuax ka ꞌën atu tëmëramiti ukëbë inkanti ꞌikën.” Usai ka Dios kiaxa.

1 Samuel 5:3

Nónkë a pëkarakëma ꞌaínshi anuxun Dagón rabikë xubunu kuankinbi ka Asdodnu tsókë unikaman pakëax menu anua Nukën ꞌIbun bana kuënëokë ꞌarukë bunántisa okin ꞌakë kurin ratakakakë a bëtánain rakákë mërai ratúkankëxa, ratúkin ka biruxun anua ꞌikë anubi nitsintëkëankëxa.

1 Samuel 6:5

Usokin kamina ku tankin kuri ꞌanan makún tankinribi ꞌati ꞌain, nun menu ñu ꞌapákëkamama këñuia ꞌati ꞌain, usokin kamina Israel unikaman Dios rabiti ꞌain; usokin ꞌakëbëtan sapi ka nu ꞌatima okë ëanan nun diosribi ꞌanan me ꞌatimokë a ënti ꞌikën.