Éxodo 11:4 - Kashibo-Kakataibo Biblia

⁴ Ashikin ka Moisésnën aín xubunuxun ꞌapu faraón kakëxa: —Ësai ka Nukën ꞌIbu kiaxa: Ënë ñantan imë́ naëx, kana kamabi Egipto menu kuainakëti ꞌain,

Éxodo 11:4 Iomraidhean Croise

2 Samuel 5:24

Anu bëbakin kamina anun nikiani kuankëbëa bálsamo i pëi chushirukë banaia kuati ꞌain; ax ka rëkuë́nkiani kuankësa ꞌiti ꞌikën, usai ꞌikëbë kuankin kamina min suntárukamabëtan, filisteo suntárukama ꞌati ꞌain.

Éxodo 12:12

A imë́ kana ꞌëx kamabi Egipto menu inúkin kamabi egipcio unikaman xubunua aín rëkuë́n bëchikë ꞌanan a unikaman ñuinanën rëkuë́n tuákama ñumiti ꞌain, ꞌëx kana Dios a ꞌain. ꞌImainun kana Egiptonu ꞌikë unikaman rabikë dios ꞌatima oti ꞌain. ꞌËx mitsun ꞌIbu ꞌaish kana ësai kin.

Éxodo 12:23

Usokin ꞌakë ka Nukën ꞌIbun egipcio unikaman rëkuë́n bëchikë bamatanun këñumi inúkinbi xubu xëkuë imin shikë isi ka a ꞌurama oíma amotan kuainti ꞌikën. Usa ꞌain ka Nukën ꞌIbun an uni bamamitia xukë aín ángel mitsun xubunu atsínun ꞌimitima ꞌikën.

Éxodo 12:29

A imë́ naëx ka Nukën ꞌIbun egipcio unikaman rëkuë́n bëchikëkama këñumiakëxa faraónën rëkuë́n bëchikë aín papa ꞌikësaribitia ꞌapu ꞌiti aribi amiakëxa, ꞌimainun ka sipunu ꞌikë unin rëkuë́n bëchikë kamakëñunbi ꞌain ñuinanën rëkuë́n tuákamaribi këñumiakëxa.

Isaías 42:13

Usa ꞌain ka Nukën ꞌIbu ax uínbia uisakinbi kakëma ꞌianan, axa ꞌakánanti ꞌunánkëira uníxa bëtsibë ꞌakanani kushikë usai ꞌiti ꞌikën; munuma kuënkëni axa ami nishkë unikama an ñusmokin ꞌai ꞌiti ꞌikën.

Amós 4:10

“Usa ꞌain kana ñu ꞌatima Egipto menu ꞌimiasaribi okin atunu ꞌimiakën; uni bënábukama anuax ꞌakanankë me anuax bamanun ꞌimiakën, usakin ꞌanan kana atun caballokama axa ami nishkë unikama atunan ꞌinun ꞌibuanun ꞌamiakën, ꞌamianan kana anua atux ꞌikë anuaxa ñukë unin ꞌisha xënun xëmiakën, ¡usa ꞌaínbi kamina mitsux ꞌëmi sinántëkëntisama tankankën!” Usai ka Dios kiaxa.

Amós 5:17

Kamabi uvas ꞌapákë naëkamanuax ka ꞌën atu tëmëramiti ukëbë inkanti ꞌikën.” Usai ka Dios kiaxa.

Miqueas 2:13

Usai ꞌikëbë rëkuë́nkiani kuania ka atun Dios nuibiankanti ꞌikën, nuibiani ka anun ëmanu atsínti xëputi anun chikikanti ꞌikën. Usai ꞌikankëbë ka Dios aín ꞌapu ax kamaxunbi atun ismainun kuanti ꞌikën.

Mateo 25:6

ꞌUxánbia imë́ naëx a uni aia isi ca raírinëx cuëncëni quiaxa: An xanu biti uni ca aia. Ca bitsi cuan.