Éxodo 10:3 - Kashibo-Kakataibo Biblia

³ Usa ꞌain ka Moisés ꞌimainun Aarónën anu kuanxun ꞌapu faraón kakëxa: —Ësai ka hebreos unikaman Dios kiaxa: ¿Uínsaran kaina ꞌëx kana Diosmi rakuë́timami kikë a ëni ꞌëmi rakuë́ti ꞌain? ꞌËn unikama kamina, ꞌë rabi kuantanun xuti ꞌain;

Éxodo 10:3 Iomraidhean Croise

1 Reyes 18:21

Timëkamë ꞌëokë ka atu ꞌurama okin kamabi unikama Elíasnën kakëxa: —¿Uínsaran kaina mitsun rabë́ ñu sinankin ñu ꞌakë a ënkanti ꞌain? Dios axa Dios ꞌikë ashi rabikin kamina an kakësabiokin ꞌati ꞌain, ꞌanan kamina Baal axribia asérabi dios ꞌikë ashi rabikin an kakësokinshi ꞌakin rabikanti ꞌain. Ësokin kakëxun ka unikama timë́kë akaman achúshi banabi uínbi káma ꞌikën.

1 Reyes 21:29

“¿Min kaina Ahab ꞌuchatankëxbia ꞌëmi sinanati usai ꞌia isin? Usa ꞌain kana aín aintsikama ꞌatima okinma upitaxa bukunun ꞌimianan, ax ñukëbëa aín bakë bëchikë ꞌapu ꞌikëbë kunia atun ꞌikënu ꞌaisama ñu ꞌinun ꞌimiti ꞌain.”

2 Reyes 22:19

min kamina masá nuitukin ꞌëmi sinani ꞌën ënë mekama këñunbi anu ꞌikë unikama këñuti sinani, usai ꞌikin kamina min chupabi tukai masá nuituti ꞌën ismainunbi min unikama ꞌimainun min ꞌaintsikama ꞌianan min chaitiokëkama ënë bana kuatima ꞌucha a sinani ꞌian, usaími ꞌia kana ꞌënbi min bana kuan. ꞌËx Dios ꞌaish kana ësai kin.

Job 42:6

Usa ꞌain kana ꞌëx kikë banakama a sinani rabinin, chimapu kupúkënu tsóxun kana usai kiaxma ꞌinúma kana kia kixun sinan.

Éxodo 10:4

minmi ꞌën kakëxunbi ꞌën unibu xukëbëtama kana, imë́ishibi kamabi min me tsitsiruia champu uninun ꞌimiti ꞌain,

Éxodo 16:28

Atux usai ꞌia iskin ka Nukën ꞌIbun Moisés kakëxa: —¿Uínsaran kaina mitsux ꞌën bana kuaisama tanan ꞌën ꞌunánmikësabi oi ꞌiti ꞌain?

Éxodo 4:23

ꞌËn kana ꞌën unikamami ꞌë rabia kuantanun xunun mi kan; ꞌaínbi kamina min kuantanun atu xukëma ꞌain, usa ꞌain kana ꞌën min rëkuë́n bëchikë bamamiti ꞌain.

Éxodo 5:1

Usakin unikama katankëx ka Moisés ꞌimainun Aarón, ꞌapu faraónbë banai kuankëxa: —Kuanxun ka ësai ka Israel unikaman Dios kiaxa kixun kakëxa: ꞌËn unikama kamina anu uni ꞌikëma menu kuanxuan achúshi fiesta ꞌakin ꞌë rabitanun xuti ꞌai kixun mi kanun ka ꞌë kaxa kixun kakëxa.

Éxodo 9:17

Usakin ꞌën ꞌaia iskinbi kamina, ꞌën unikama min kuantanun xuisama tanin.

Proverbios 1:22

Uni bënákama mitsux kamina usai ꞌiti ka kixun bënë́kinshi ñu ꞌatima ꞌaisa ꞌianan, usakin ñu ꞌakëxa asábi ꞌikë kiax ami kuaianan bana kuakëma ꞌikanin, ¿usa sinanbu ꞌixun kaina uínsarainra mitsun usai ꞌikin ñu unántisama tani ami kuaikë akama ënkanti ꞌain?

Proverbios 1:24

Usa ꞌain kana ꞌën mitsu ënumi ukanun kan, ꞌaínbi kamina mitsun ꞌën kakëxunbi ꞌën bana kuaisamatan.

Isaías 1:5

Mitsux kamina uisaxun ñu ꞌatima ꞌati kara kixun sinani kushi kananin, usa ꞌain ka mitsun nami anu ꞌatima oti ꞌaíma ꞌikën. Usa ꞌain ka aín maxkánuribi ankëti chankukë ꞌaish, an ꞌimikëx kushiñuma ꞌikën.

Daniel 5:22

Usa ꞌaish kamina bërí mix aín bëchikë Belsasar, ꞌaish axa usai ꞌia ꞌunánxi upitax tsókëma ꞌain.

Números 14:27

—¿Uitishi okin karana Israel unikama an ꞌatima ñuishi ꞌati sinánkë ënëkamax ꞌatimati ꞌëmi banakëxun tënëti ꞌain? ꞌËnbi kana ꞌëmia ꞌatimati banaia kuan.

Romanos 2:4

Camina ꞌunánti ꞌain, Nucën Papa Diosan ca mi nuibaíranan, mi ꞌatima ñu ꞌacë ꞌicëbi ꞌatimoquinma mix sinanati ami sinánun cainia. ¿Axa usa ꞌaínbi caramina min ꞌatima ñu ꞌacë ëni ami sinántisama tanin?

Hebreos 12:25

Cananuna ꞌunanin, Moisésnëan Nucën Papa Diosan bana ñuixuncëxunbia an a bana timaquin cuaisama tancë, nucën raracamax ca castícancë ꞌiacëxa. Moisésnën ñuiá banasamaira ca Jesucristo ñui quicë bana, Nucën Papa Diosan naínu ꞌixun nu ꞌinan, ax ꞌicën. Usa ꞌain ca nucën raracamaxa ꞌiásamaira oi an Jesucristo ñui quicë bana timaquin cuaisama tancë unicama ië́tima ꞌicën. Usa ꞌain camina asérabi Jesucristo, Nucën Papa Diosan a aín nëtënua xua, a ñui quicë bana timaquinma upí oquin cuati ꞌain.

Santiago 4:10

—ꞌËx cana an iscëx ꞌaisamaira ꞌuchañu ꞌai —quixun sinánquinmi cacëxun ca Nucën ꞌIbu Jesucristonën mitsun ꞌuchacama tërë́nquin upíira ꞌaíshmi cuëënun mitsu ꞌimiti ꞌicën.

1 Pedro 5:6

Usa ꞌain camina aín bana timaima uisa ñu cara ꞌicëbëbi bënëtima Nucën Papa Dios ꞌApuira ami catamëti ꞌain. Usaími ꞌia ca an anúan ꞌati nëtë ucëbëtan uisai cara ꞌiquin tëmëracë ꞌaíshbimi usai ꞌicëmasa ꞌianan asábiira ꞌinun mitsu ꞌimiti ꞌicën.