Éxodo 10:23 - Kashibo-Kakataibo Biblia

²³ usaía rabë́ ꞌimainun achúshi nëtë me bëánkikë ꞌain ka uinu ꞌikë uníxbi a rapasu ꞌikë uni isi kuainima ꞌianan uíxbi niama ꞌikën. Usai anu ꞌikëbëbi ka anua israel unibu ꞌikë, aín xubukama xabá ꞌiakëxa.

Éxodo 10:23 Iomraidhean Croise

Éxodo 14:20

Usakian nëbëtsi rabë́ okin kuinan pë́kakëx ka israel unikamax xabánu ꞌiakëxa, ꞌimainun ka egipcio suntárukama ax imë́nu ꞌixun iskasmakin a imë́ israel unikama nukunun nukumiama ꞌikën.

Éxodo 7:25

Usai ꞌian ka mapai achúshi ꞌimainun rabë́ nëtë ꞌinukëbëtan Nukën ꞌIbun amiribishi ꞌumpax imi ꞌikë a nëtë́miakëxa.

Éxodo 8:18

Usa ꞌoia iskin ka an ñunshinan ꞌamikëxun ñu ꞌunánkë unikama atúnribi usaribi okin ꞌakatsi kixun ꞌakinbi ꞌakamakëxa. ꞌAkasmamainun ka sëbën unikama aín ñuina ꞌarakakëkama këñunbi piakëxa.

Éxodo 8:19

Usa ꞌain ꞌakamakin an ñu ꞌunánkë unikaman ꞌapu faraón kakëxa: —¡Ënëx ka Diosan aín kushin ꞌakë ñu ꞌikën! ꞌAínbi ka faraónnën aín sinan iruarakin, Nukën ꞌIbun kakësabiokin kuaisama tankëxa.

Éxodo 8:22

ꞌAínbi ka anua ꞌën uni Israelkama ꞌikë Gosen kakë me anu añu ñubi ꞌaíma ꞌiti ꞌikën. Usa ꞌain ka anu achúshi chipërabi ꞌaíma ꞌiti ꞌikën. Usaia ꞌikëbëtan kamina ꞌunánti ꞌain ꞌëx kana asérabi min ꞌIbu kushiira ënë menu ꞌai kixun.

Éxodo 9:26

Usai anu pakëtibi ka Gosen kakë me, anua Israel unibu tsókë anu, matsin tita bëruñu achúshirabi pakëama ꞌikën.

Éxodo 9:4

ꞌAínbi ka Nukën ꞌIbun Israelkaman ꞌarakakë ñuina uisaibi ꞌinun ꞌimitima ꞌikën, ꞌimikinmabi ka Egiptonu ikë unikaman ꞌarakakë ñuinakamaishi maë rakátanun këñumiti ꞌikën.

Isaías 42:16

Usakin ꞌanan kana bëxuñu unikama aribi atun ꞌunánkëma bain, buánkin anua niama bain buánti ꞌain. Uankin kana bëánbëankibukë aribi atun ismainubia xabá ꞌinun ꞌimiti ꞌain, ꞌimianan kana me nankë́kë axribia mëníokati upiti rakanun ꞌimiti ꞌain. Ënë ñukama kana, kana ꞌaíma kikínma asérabi ꞌati ꞌain.

Amós 4:7

ꞌImainun kana mitsun ñu ꞌapákë pëkë́misa tankëbëtanbi ꞌuí ꞌibúnun ꞌimiama ꞌain. “ꞌImianan kana bëtsi ëmanu ꞌuí ꞌibúmianan bëtsinu uí ꞌibúnun ꞌimiama ꞌain; usokin ꞌakëbë ka anua ꞌuñe ꞌibúkë ni ax chabá ꞌimainun anua ꞌibúkëma ni ax ꞌumpax ꞌaíma ꞌain me ë́skiakëxa;

Malaquías 3:18

Usa ꞌain kamina mitsun amiribishi uisa ñux kara upí ꞌikë, uisa ñux kara upíma ꞌikë a ꞌunankanti ꞌain, ꞌimainun kana uin kara Dios ꞌikë asérabi ꞌë rabia, uin kara ꞌë rabima akamaribi ꞌunánkanti ꞌain.

Colosenses 1:13

Ñu ꞌatima ꞌatishi sinánan nux cuëëncësabi oíshi ꞌiisa taniabi ca Nucën Papa Diosan aín nuibacë Bacë Bëchicënan ꞌinun nu ꞌimiaxa.

Josué 24:7

Usokëxuan atun ꞌakinun kixun ñukákëxun kana, bëánkibukë chaiiran atu bëaranun ꞌamianan parúmpapan kuaniabi mapukin egipcio unikama këñunun ꞌamiakën. Usakin ꞌaia ka nun chaitiokëman Egipto menuxun isakëxa. Usai pain ꞌitankëx ka raírinëx ñumainun ꞌitsa baritia ꞌimi anu uni ꞌikëma menu niakëxa,

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.