Éxodo 10:22 - Kashibo-Kakataibo Biblia

²² Kakëxuan Moisésnën aín mëkën manámi sanani mëshpakëbëishi ka kamabi Egipto menu bëánkibukë chaiira ꞌiakëxa,

Éxodo 10:22 Iomraidhean Croise

Job 5:14

¡usa ꞌaish ka uin kara bëtsi unikama ꞌatima oti sinania a unikamax nëtë xabánu nitsibi imë́ bëánkibukënu nikësa ꞌikën!

Salmos 105:28

ꞌAkin ka Diosan bëánkibukë chaiira an anu ꞌibúkin a me mapunun ꞌamiakëxa usakin ꞌakëbëtanbi ka egipcio unikaman atun kakëxun aín bana kuaisama tankëxa.

Éxodo 20:21

Usakin kakëxa Israel unikama bashi ꞌura ꞌimainun ka Moisés amiribishi anua kuin këxtuira tunan ꞌikë anu Diosbë banai mapërakëakëxa.

Isaías 8:22

mëuküaribi isbëkinkin iskanti ꞌikën, usakin iskinbi ka añu ñubi ꞌaíma ꞌikë isanan, tëmërati ashi ꞌain bë́anbëankibukënu ꞌikësa isti ꞌikën. Usa ꞌaish ka kamabi imë́nu ꞌikësashi ꞌiti ꞌikën, usa ꞌain ka bëtsían tëmëramikë uni ax uinubi kuani abátima ꞌikën.

Joel 2:2

a nëtëx ka imë́ ꞌianan, bëánbëankibukë ꞌiti ꞌikën, ꞌianan ka a nëtë kuinan tupë́onkë nëtë ꞌiti ꞌikën. Suntáru kushibu ꞌimainun ꞌitsaira an ka aín bashikama tsitsiruti ꞌikën, usokin ꞌakin ka barin urukin pë́kabëtsinkë usaribiokin ꞌati ꞌikën. Uinsaranbi ka usai ꞌia ñu uínbi isáma ꞌikën, usa ꞌain ka uínsaranbi bërí ꞌikë ësai ñu ꞌia uínbi istëkëntima ꞌikën.

Joel 2:31

Usa ꞌain ka bari pë́kaima bënamainun ꞌuxën pëkakë axribi imi ꞌiti ꞌikën, usai ka Diosan nëtë chaiira ax ami rakuë́ti ꞌiti ꞌikën.”

Amós 4:13

Nukën ꞌIbu Dios an bashikama unionan suñu bëkinun ꞌimikë, ꞌimainun uisa ñukama kara ꞌakatsia akama uni ꞌunánmikë, ꞌianan an bë́anbëankikë anubi nëtë xabá ꞌimianan, kamabi menu ꞌikë bashi manankama a manami anubi ꞌikë ax ka kamabi kushiñuira Dios a ꞌikën, ax ka ain anë ꞌikën.

Amós 4:7

ꞌImainun kana mitsun ñu ꞌapákë pëkë́misa tankëbëtanbi ꞌuí ꞌibúnun ꞌimiama ꞌain. “ꞌImianan kana bëtsi ëmanu ꞌuí ꞌibúmianan bëtsinu uí ꞌibúnun ꞌimiama ꞌain; usokin ꞌakëbë ka anua ꞌuñe ꞌibúkë ni ax chabá ꞌimainun anua ꞌibúkëma ni ax ꞌumpax ꞌaíma ꞌain me ë́skiakëxa;

Deuteronomio 4:11

Mitsúxmi aín bashi Sinaí kakë a ꞌurama ꞌain ka anuax tsi rëkiruia iskësa ꞌinun a manámi kuarui anuax kuin xapu ꞌunënkësa ꞌianan tunan ꞌinun ꞌiakëxa;

Apocalipsis 16:10

Usai ꞌicëbëtan ca bëtsi ángelnënribi aín xanpanu ꞌicë ñu, anua parúnpapanuax uax ꞌirucë ñuinacanꞌëo ꞌicë, anu tutucaxa. Tutucacëbë ca anua an ꞌibuacë unicama ꞌicë ax bëánquiaxa. Usai ꞌicëbëtan ꞌaisamaira oquin paë tani ca aín unicama bënë́axa.