Éxodo 10:12 - Kashibo-Kakataibo Biblia

¹² ꞌAínbi ka ësakin Nukën ꞌIbun Moisés kakëxa: —Min pëñan manámi okin kamina min tsatin Egipto me kamami okin sananti ꞌain, champu ꞌaisamaira unia kamabi ënë menu ꞌikë ñu ꞌapákë matsin titan ꞌakin tëokë abi këñui unitanun ꞌimiti ꞌain.

Éxodo 10:12 Iomraidhean Croise

Salmos 105:34

Usakin ꞌanun ꞌamitankëxa Dios kikëbë ka ꞌaisamaira champu uakëxa; ¡usa ꞌaish ka nun tupun tupun kaisamaira ꞌiakëxa!

Éxodo 10:15

ꞌain ka me istisama ꞌitánun ankëkin tsitsiruakëxa, usa ꞌixun ka champun kamabi me tsitsirukin ñu ꞌapákë ꞌain pëchi ꞌimainun aín bimiñu ꞌimainun ni matsin titan ꞌakin tëokë akamabi këñuakëxa. Usakian ꞌakëx ka pëi paxa achúshirabi iskëma Egipto menu: ꞌimainun ninubi pëi paxa ꞌaíma ꞌiakëxa.

Éxodo 7:19

Usakin kanan ka ësokinribi Nukën ꞌIbun Moisés kakëxa: —Aarón kamina aín tuinkë tsati bikian manámi okin anun sananbëkinkin kamabi Egipto menua ꞌikë baka, xëxá ꞌimainun ꞌian uinu kara ꞌumpax ꞌikë axbia xëatisama imi ꞌitánun ꞌanun kati ꞌain. ¡Usakian ꞌakëbëshi ka anu ꞌumpax nanti i ꞌanan maxá ꞌakë akamanu nankë ꞌumpax kamáxbi imi ꞌiti ꞌikën!

Éxodo 9:32

Usokin ꞌakë ꞌaínbi ka trigo ꞌimainun centeno kakë bimi ꞌapákë trigo iskësaribi ax uisaibi ꞌima amiribishi kotëkëankëxa.

Apocalipsis 9:3

A tsin cuínuax ca ꞌaisamaira chanpusaribi ñu chiquíaxa, mecamanu cuanux. Nucën Papa Diosan ꞌimicëx ca a chanpucaman paëx, nibantan paësaribi ꞌiaxa.