Éxodo 1:7 - Kashibo-Kakataibo Biblia

⁷ ꞌaínbi ka Israel unikama atun ꞌaisamaira ꞌinun Egipto menuxunbi bëchipakëxa, usa ꞌaish ka atux ꞌaisamaira ꞌinun ꞌuakamë ꞌëoi kushiirabu ꞌiakëxa. Usa ꞌain ka atu xëshi a menu ꞌuakamë ꞌëokëxa.

Éxodo 1:7 Iomraidhean Croise

Génesis 1:20

Usakin ꞌatankëx ka Nukën ꞌIbu Dios kiakëxa: Baka ꞌukëmëu ka bëtsi bëtsi ñuina ꞌaisamaira ꞌuakamë ꞌëoti ꞌikën, ꞌimainun ka me manánmi nuanti pëchiñu ñuinakama uniti ꞌikën. Kikëbë ka usai ꞌiakëxa.

Génesis 1:28

Uniotankëxun ka upíokin sinánxunkin kakëxa: Bakë bëchipati kamina mekama tsitsirui ꞌuákamë ꞌëoti ꞌain; baka mëu ꞌikë ñuinakama ꞌimainun manan nuánkë pëchiñu ñuinakama, ꞌimainun axa men niríkë ñuinakama aín ꞌibu kamina ꞌiti ꞌain.

Génesis 12:2

Min rëbúnki kamabëtan kana achúshi ëma chaiira ꞌanuxun ꞌain; ꞌanan kana upíokin sinánxunti ꞌain, usakin ꞌaia iskin ka bëtsi unikaman a unikamax ka sinánñuira ꞌianan kushiirabu ꞌikë kiax kiti ꞌikën, mi kupín kana kamabi menu ꞌikë unikama upitax bukunun upíokin sinánxunti ꞌain.

Génesis 13:16

ꞌËn kana min rëbúnkikama ꞌaisamaira menu ꞌikë masin bërusa ꞌinun ꞌimiti ꞌain. Usa ꞌaish ka masi bëru tupuntisama usaribi ꞌiti ꞌikën, ꞌianan ka tupuntisamaira min rëbúnkikama ꞌiti ꞌikën.

Génesis 15:5

Usokin katankëxun ka Nukën ꞌIbun Abram ëman, buánxun ësokin kakëxa: —Upiokin ka naí manámia ꞌispakama is, iskin kamina min tupuntisa ꞌikë tupunti ꞌain. Usaribi ka min rëbúnkinëx tupuntisamaira ꞌitsaira ꞌiti ꞌikë kixun kakëxa.

Génesis 17:16

ꞌËn kana upíokin sinánxunin, usa ꞌain kana achúshi tuá mi ꞌaxúnun ꞌimiti ꞌain. ꞌËn upíokin sinánxunkëx ka kamabi menu ꞌikë unikama aín rëbúnki ꞌiti ꞌikën. ꞌImainun ka aín rëbúnkinëx kamabi menu ꞌikë unikaman ꞌapu ꞌinuxun ꞌaia, kixun ka Nukën ꞌIbu Diosan kakëxa.

Génesis 22:17

usa ꞌain kana ꞌën upíokin sinánxunkin min rëbúnkinëxa. ꞌAisamaira ꞌispa imë́ naínu iskësa usaribi ꞌianan masi bëru parúmpapa kuëbínua iskësaribi ꞌinun ꞌimiti ꞌain. Usa ꞌain ka bëtsi ëmanu ꞌikë unikama ax ami nishkë akama ꞌën ꞌamikëxun abë ꞌakanankin atun abámikin ꞌati ꞌikën,

Génesis 26:22

Usaia aín unikama ꞌitëkënkëbë ka anuax Isaac ꞌura kuani chikíakëxa, usai chikíkin ka aín unikama ꞌimainun kamabi aín ñuina kamabi buani kuankëxa, kuantankëxun ka anua tsóti me anu bëbaxun achúshi kini anua ꞌumpax biti aín unikama naëmiakëxa, usa ꞌain ka anuax ꞌumpax kupín mëëananiama iskin Isaacnën anuax mëanantëkënima upitax tsoti kakin anëakëxa, usakin ꞌatankëx ka ësai kiakëxa: Bërí ka Nukën ꞌIbu ënu nu ëanxa, usa ꞌain kananuna ënë menuax nishananima ñuñuira ꞌiti ꞌain.

Génesis 26:4

ꞌAnan kana ꞌën min rëbúnkikamaribi naínua ꞌaisamaira ꞌispa iskësa usaribi ꞌitánun ꞌimiti ꞌain, ꞌimainun kana ënë me kamabi mi ꞌinánti ꞌain. ꞌInánan kana kamabi menu ꞌikë unikamaribi upíokin sinánxunti ꞌain, min rëbúnki kamasaribi ꞌinun,

Génesis 28:14

Usa ꞌain ka atux ꞌaisamaira ꞌuakamë ꞌëoi me putu iskësaira ꞌi aín tsipumiki ꞌimainun aín rëbumiki kuanan amiaxa bari urukë au ꞌimainun amia bari kuabúkë amiki amami amami kuankanti ꞌikën, usa ꞌain ka kamabi menu ꞌikë unikama upíokin sinánxunkë ꞌiti ꞌikën mi ꞌimainun min rëbúnkikama kupí.

Génesis 35:11

anëkin ka ësokin kakëxa: ꞌËx kana Dios kamabi kushiñuira a ꞌain; usa ꞌain kamina bëchipati mebi tsitsirui ꞌuakamë ꞌëoi bukuti ꞌain, min rëbúnkikamaribi ka bëtsi bëtsi ëma ꞌai aín ꞌapuñu ꞌapuñu bukuti ꞌikën.

Génesis 46:3

Kakëxun ka Diosan kakëxa: —ꞌËx kana Dios min papan rabia a ꞌain. Usa ꞌain kamina Egipto menu kuanti rakuë́tima ꞌain: Anuxun kana ꞌën min rëbúnkikama achúshi ëma kushiira ꞌianan chaiira ꞌitánun ꞌuákamë ꞌëomiti ꞌain.

Génesis 47:27

Usa ꞌain ka israel unikamax Egipto menu tsóti bërúakëxa. Anu bërúax ka Gosen kakë me anuax ꞌaisamaira ꞌinun ꞌuakamë ꞌëokëxa.

Génesis 48:16

usa ꞌixun ka Dios an uisai kara ꞌiti ꞌikëbi an ꞌë bërúankë anribi ënë tuákamaribi bëruánti ꞌikën. Usa ꞌain ka ënë tuákama kupín ꞌën anë sinanan ꞌën xuta Abraham ꞌimainun Isaac aín anë sinánti ꞌikën. Usa ꞌain ka atux ꞌaisamaira bakë bëchipati ꞌuakamë ꞌëoanan kamabi menu kuani aín ëmaitsi ëmaitsi ꞌai tsókanti ꞌikën.”

Génesis 48:4

ënë bana ꞌë kakëxa: Ka kuat, ꞌën kana mixmi ꞌaisamaira min bakë bëchikë ꞌimainun min rëbúnki kamaxribi amami amami ëma oi bukunun ꞌimiti ꞌain. Usai ꞌia ꞌikë kana min rëbúnkikama ënë me ꞌinánti ꞌain. Atunan ka ënë me xënibua ꞌaínbi ꞌinuxun ꞌaia.

Génesis 9:1

Nukën ꞌIbu Diosan ka upíokin sinánxunkin Noé ꞌimainun ain bëchikëkama, ësokin kakëxa: Kamina bëchipati mebi tsitsirui ꞌuákamë ꞌëoti ꞌain.

Nehemías 9:23

Usonan kamina atúxa ꞌitsaira bëchipati naínua imë́ ꞌispa iskësa ꞌitanua bakë bëchipanun ꞌimianan, atunan ꞌinun a ꞌinánnuxumi nun chaitiokëkama ká me a bitsi kuanun minbi a menu kuanun atu buánkën.

Salmos 105:24

Usai ꞌia ka Diosan ꞌaisamaira ꞌia ꞌuakamë ꞌëonun an kaískë unikama ꞌimiakëxa, usakin ꞌimikin ka egipcio unikamasamaira ꞌia kushiirabu ꞌinun ꞌimiakëxa.

Salmos 107:38

Usakin ꞌaia ka Diosanbi bakë bëchipatia kaínu ꞌimianan atun ꞌarakakë ñuinakamaribi ꞌaisamaira kaínun ꞌimiakëxa.

Éxodo 1:12

ꞌAínbi ka ꞌitsaira ꞌatima okankëxbi atiainra, ꞌaisamaira ꞌinun ꞌuakamë ꞌëokëxa. Usai ꞌikëbë ka egipcio unikamax atumi ꞌitsaira rakuë́akëxa.

Éxodo 12:37

Usa ꞌain ka Israelkama Ramsés kakë ëma anuax taën kuani Sucot kakë ëma anu kuankëxa. Usa ꞌaish ka xanu ꞌimainun uniakë xukama ꞌakëñuma tupúnkëx, seiscientos mil uni axa suntáruisa uni kamaishi ꞌiakëxa.

Éxodo 5:5

Ësakinribi ka faraónën amiribishi katëkëankëxa: —Bërí ka ënë menu ꞌaisamaira Israel unibu ꞌikën, ¿Min kaina atun tëëti ëmitisa tanin?

Hechos 13:17

Nucën Papa Dios, Israel unibunën Dios, an ca nucën raracama ainan ꞌinun caísacëxa. Caístancëxuan an ꞌimicëx ca Egipto menu pain tsoti anuax uácëxa. Uatia ca Nucën Papa Diosan aín cushínbi atu Egiptonua bëacëxa.

Deuteronomio 10:22

Usa ꞌain ka mitsun chaitiokëkama Egipto menu bëbakë atux setenta unishi ꞌiakëxa, ꞌaínbi ka bërí Nukën ꞌIbu Diosan atúxa ꞌuakamë ꞌëonun ꞌimikin ꞌispa naínua imë́ iskësaira ꞌinun ꞌimiakëxa kixun ka Moisésnën kakëxa.

Deuteronomio 26:5

usakin nani ka Nukën ꞌIbu Diosan kuamainun ësai kiti ꞌikën: ꞌËn rarakamax ka ꞌitsamashi ꞌaíshbi arameo ꞌikësa achúshi menushi tsótima kuaínbëkini tsótankëx Egipto menu kuantankëx anu tsóti bërúakëxa, anuax ka ꞌitsa baritia ꞌikëbë achúshi ëma chaiira ꞌianan kushiirabu ꞌimainun ꞌaisamaira ꞌinun ꞌuakamë ꞌëokëxa.