Éxodo 1:17 - Kashibo-Kakataibo Biblia

¹⁷ Usakian kakëxunbi ka an nachikitia xanukama ꞌakinkë Sifrá ꞌimainun Puá an Diosmi rakuë́kin ꞌapu faraónën kakësabiokin akinma bëbu tuákama kanitanun ëankëxa.

Éxodo 1:17 Iomraidhean Croise

Génesis 20:11

ësokian kakëxun ka Abrahamnën kakëxa: —ꞌËn kana ënë menu ꞌikë unikaman Nukën ꞌIbu Dios kikësama oi ꞌikësa sinan, usa ꞌixun ka ꞌën xanu Sara bikin ꞌë ꞌakánti ꞌikë kixun.

Génesis 42:18

usakin sipuaxunbi ka rabë́ ꞌimainun achúshi nëtë ꞌikëbëtan atu kakëxa: —ꞌËx kana Dios kikësabi oi ꞌikë uni ꞌain. Usa ꞌain kamina mitsun ꞌën kakësabiokin ꞌati ꞌain, mitsúxmi nu këmë kuatsinxun ꞌutuni ukë ꞌikëbi:

Éxodo 1:18

Usoia kuakin ka ꞌapu faraónën a xanu rabë́ kamiakëxa: —Kamikëxa anu kuankë ka ësokin kakëxa. ¿Uisa kupín kaina bëbu tuákama kanitanun ënin?

Éxodo 1:21

Usaia ꞌiabi ka Diosmi rakuë́kin an xanu bakëmikë rabë́ an tuapatia aín aintsikamabëbi ꞌuakamë ꞌëonun ëankëxa.

Proverbios 8:13

Uin kara Diosan kakësokin ꞌaia an ka ñu ꞌatimakama a timati ꞌikën. ꞌËx kana rabiakakë ꞌimainun, bëtsi unibëtan sënë́nma kana ꞌai kikë uni ami ꞌianan, ꞌatima ñu ꞌakë ꞌimainun këmëi banakë uni amiribi nishin.

Daniel 6:13

Usa ꞌain ka a unikaman karaishikin ꞌapu kakëxa: —Achúshi uni ñatanbëtsinkin bëa Daniel kakë judíos uni an ka mix ꞌapu ꞌixunmi usai ꞌiti nankë bana a tanima, nun kananuna isan rabë́ ꞌimainun achúshi okían nëtë́tibi ꞌain Dios ñukatia mëran kixun ka ax ami manánkin unikaman kakëxa.

Oseas 5:11

Israelnën rëbúnkikama an ka bëtsi dioskama rabia usa ꞌikë ka uínbi atun bana tankin usa ka atux ꞌikë kixun katima ꞌikën.

Mateo 10:28

An uni bëtsi bëtsi oquin bamamicë unicamami camina racuë́tima ꞌain. Usoquin ꞌaquinbi ca unin bëru ñunshin bamamitima ꞌicën. Usa ꞌain camina usa unimi racuëtima Nucën Papa Dios, an uni aín cushínbi bamamianan aín bëru ñunshínribi manë tsi anuaxa xënibua ꞌaínbi tëmërati anua ꞌinun ꞌimiti amishi racuë́ti ꞌain.

Lucas 12:5

A unicamamimi racuë́tima ꞌaínbi cana uimi caramina racuë́ti ꞌai quixun mitsu cati ꞌain. Nucën Papa Dios, an uni aín cushínbi bamamianan uni manë tsi anua ꞌinun ꞌimiti, amishi camina racuë́ti ꞌain. ꞌËn cana mitsu cain, camina asérabi ami racuë́ti ꞌain.

Hechos 5:29

Ësai quia ca Pedrobëtan Jesusan aín bana ñuixunun caíscë unicaman cacëxa: —Unin cacësa oquin ꞌaquinbi cananuna Nucën Papa Dios, a ꞌati cuëëncëma ñu a ꞌaquinma, a ꞌatia ax cuëëncë, a ñu cuni ꞌati ꞌain.