Éxodo 1:14 - Kashibo-Kakataibo Biblia

¹⁴ Tëmëramikin ka ꞌaisamaira ñu mënun ꞌamikin ami xuamati nishkin atu mëakëxa, ꞌimainun ka me tëi ladrillo ꞌati mëskuti ꞌamianan, atun naënu ꞌikë ñu mëëtiribi ꞌamiakëxa. ꞌAmikin ka Israel unikama atun ꞌatimaira okin tëmëramiakëxa.

Éxodo 1:14 Iomraidhean Croise

Génesis 15:13

Usai rakuë́tia ka Nukën ꞌIbun kakëxa: —Min kamina ꞌunánti ꞌain, min rëbúnkikamax ka aín menu tsótima bëtsi menu tsónuxun ꞌaia, ꞌimainun ka anuxun ꞌaisamaira okin ñumëmikë ꞌinuxun ꞌaia, ꞌimainun ka ꞌaisamaira okin ꞌatima okë ꞌiti ꞌikën, cuatrocientos baritia sënë́ntamainun.

1 Reyes 12:14

kakin ka usakin kanun bëná unikaman kakë usakinbi kakëxa: ꞌën papan ꞌitsaira ñu mëëmikin achúshi ñu ꞌië ꞌamia ꞌikë kana, ꞌën bëtsi usamaira ꞌië́ra mitsu ꞌamianan chaiirabu ꞌamiti ꞌain, ꞌën papan anúan tsitëkërëkikë anun rishkia ꞌikë kana mitsu ꞌën mëxi aín rëbunu manë tëkërëkakë anúnribi rishkiti ꞌain.

Éxodo 1:11

Usakin sinánxun ka Egiptonu ꞌikë ꞌapun an ñu mëëia bërúanxun israel unikama timëti uni anëakëxa, anëkëxun ka a unikaman ꞌaisamaira okin ñu mëëmiakëxa. Usakin ñu mëëmikin ka Pitón ꞌimainun Ramsés kakë ëma aribia ꞌanun ꞌamiakëxa, ax ka anua Egiptonu ꞌikë ꞌapun, anu piti bukúnti ꞌamikë ꞌiakëxa.

Éxodo 1:13

Usa ꞌain ka egipcio unikaman Israel unibu ꞌaisamaira okin ñu mëëmikin tëmëramiakëxa.

Éxodo 1:15

Usa ꞌain ka Egipto menu ꞌikë ꞌapu ax Sifrá kakë ꞌimainun Puá kakë abë banakëxa, ax ka hebrea xanukama an nachikitia ꞌakinkë xanu rabë́ ꞌiakëxa:

Éxodo 2:23

Usa ꞌain ka ꞌitsa baritia ꞌinúkëbë Egiptonu ꞌikë ꞌapu ñuakëxa. Ñuanka, Israel unibunëx ꞌaisamaira ñu mëëmikëx uisa kupín kara ësokinra nu ñu mëëmia kiax kikankëxa. Ësaia kikania ka Diosan kuakëxa.

Éxodo 20:2

ꞌËx kana min ꞌIbu Dios an, Egipto menuxun tëmërakin ñu mëëiabi mitsu chikían a ꞌain.

Éxodo 6:9

Ësokian kakëxun ka Moisésnën usakian Diosan kakë banakama israel unikama ñuixuankëxa, ñuixunkëxunbi ka ꞌaisamaira ñu mëi atsanxun aín bana kuaisama tankankëxa.

Isaías 52:5

Bërí ka ësai Dios kia, ¿uisa ñu karana isin? ꞌËn unikama ka uisa ñu ꞌatima ꞌakëmabi Babilonianu ꞌikë unikaman ain menu uanxa. An buánkë unikama ax atumi kuai kuënkëni kushin rabiakati ki, ꞌëmiribi nëtë́timaira kuëëreti kia.

Isaías 58:6

ꞌAínbi ka usakin ꞌakë ax ꞌën iskëx usama ꞌikën. ꞌËx a isi kuëëntisabi ꞌitánun piti mëti ax ka ësokin ꞌati ꞌikën, bëtsi unikamax ka upíokin nuibakë ꞌiti ꞌikën, usa ꞌaish ka anun uni ñu ꞌatima ꞌakëmabi tëkërëkakë manë risi të́kakë usa ꞌianan, vaca bënë tëatsimixun i anun tëkërëkakë risi churukë usaribi mitsunan ꞌiti ꞌikën; ꞌianan ka bëtsi unin tëmëramikë axribi ñankáishi ꞌitánun këñúkë ꞌiti ꞌikën, usakin ꞌakëx ka ꞌapukamaxa unimi an kuëënkësa okin ꞌakë ax këñúkë ꞌiti ꞌikën;

Miqueas 3:3

Mitsun kamina ꞌën unikama unima ꞌikë ꞌakësokin ꞌakin; aín bëxi tukapanan aín xokama tëkënpakësokin ꞌanan; ñuina nami ñutënu ꞌaruti tëapakësa usakin ꞌakanin.

Números 20:15

Nun chaitiokëkamax ka Egipto menu kuanx anu ꞌitsa baritia tsóakëxa, ꞌaínbi ka egipcio unibunën atu ꞌasaribiokin nuribi ꞌatima okëxa, nun chaitiokëkama ꞌasaribiokin;

Hechos 7:19

Usa ꞌixun ca a ꞌapux uni paránti ꞌunáncë ꞌianan upíma ꞌixun, bëbuaquin bëchicë tuácama bamatanuan ꞌura racánun quixun nucën raracama cacëxa.

Hechos 7:34

Egipto menuaxa ꞌën unicama tëmëraia isanan cana atúxa unin bëtsi bëtsi ocëx nuibacati banaiaribi cuan. Cuaxun acama tëmëraiabi ië́mi cana uan. Ië́minuxun cana mi pain Egiptonu xutin”.

Deuteronomio 26:6

Usai ꞌikëbë atumi rakuë́kin ka egipcio unikaman ꞌaisamaira ñu mëëmikin ꞌatimaira okin atu tëmëramiakëxa.

Deuteronomio 4:20

Usokin a ñukama unio ꞌixun ka Nukën ꞌIbun mitsu Egipto menuax ꞌaisamaira ñu mëëi anuxun manë xaroti ꞌakë anuax ꞌikësai tëmëraiabi Diosan chikínxun ain uni ꞌinun mitsu ꞌimiakëxa, usa ꞌikë ka ain uni ꞌinun nu ꞌimiaxa.

Rut 1:20

Kiabi ka Noemínën atu kakëxa: —ꞌË kamina bërí Noemí kakin anëtima ꞌain; Mará kakin kamina ꞌë anëti ꞌain, Dios kamabi kushiñu an ka ꞌaisamaira ꞌëx nishkë anunbi tëmëranun ꞌë ꞌimiaxa.