Esdras 1:1 - Kashibo-Kakataibo Biblia

¹ Anúan Ciro kakë uni Persia menu ꞌikë ax ꞌapu ꞌikin pëutabakë anun ka usai ꞌitia Dios kia bana ꞌikëa Jeremías kiásabi oia a bana sënë́nkëbëtan, Ciro kakë an Diosanbi sinánmikëxun, banan kananbi kirikanu kuënëoxun ënë bana buámiakëxa:

Esdras 1:1 Iomraidhean Croise

Esdras 1:5

Usa ꞌain ka Judá ꞌimainun Benjamínën rëbúnkinën unikaman kushibu akama ꞌimainun sacerdotekama ꞌianan, levita unikama Diosanbia sinánmikëxua ꞌapun bana ñuikë kuati Jerusalénnua ꞌikë anuxun Nukën ꞌIbu rabiti xubu birukin ꞌatëkëni kuanux kuëëni mëníokakankëxa.

Esdras 6:14

ꞌAkin ka Judíos unibu an ñu mëia ꞌakinkë akaman anuxun Dios rabiti xubu a ënkinma an Dios kikë bana uni ñuixunkë Hageo ꞌimainun Zacarías Idó kakë uni aín bakë bëchikënën kakësabiokin ꞌakëxa. Usakin ꞌaxun ka Israel unibunën Diosan kásabiokin ꞌakin, ꞌapu Ciro, Darío ꞌimainun Artajerjes Persianu ꞌikë ꞌapu ax kikësabiokin ꞌakëxa.

Esdras 6:22

Usakin rabikin ka mapai achúshi ꞌimainun rabë́ nëtë fiesta ꞌai kuëënkin anun chamiti ñukëñunma ꞌakë pán pikankëxa, usakin ꞌai ka uinsaranbia ꞌikësamairai kuëënkin Diosanbia sinánmikëxua Persianu ꞌikë ꞌapun atu nuibakin ꞌakinkëxua anuxun Dios rabiti xubu ꞌatëkënxun sënë́on ka usai ꞌikankëxa.

Esdras 6:3

Anúan ax ꞌitabati ꞌapu ꞌikë baritia anun ka Ciron ësokian ënë bana kikësabiokin ꞌanun ꞌamiakëxa: Anuxun Dios rabiti xubu a ka amiribishi Jerusalénnu ꞌatëkënti ꞌikën. Usakin ꞌakin ka ami birukin ꞌati akama pain nantankëxun ꞌatënkënkin xubu a sënë́onxun ka anuxun ñuina xarokanti ꞌikën. A xubu ka veintisiete metro chaxkë́ ꞌianan veintisiete metro aín naxba ꞌiti ꞌikën, ꞌianan ka aín manámi trece metro ꞌimainun medio aín buarukë ꞌiti ꞌikën;

Esdras 7:27

Usakin kirika uamikë a isi banatankëxun ka Esdrasnën Dios ñukákin kakëxa: Nukën ꞌIbu Dios nun rarakaman rabia mix kamina upíokin rabikë ꞌiti ꞌain, min kamina ꞌapu anuxun mi rabiti xubu amiribishi Jerusalénnu ꞌamitëkënun sinánmia,

Isaías 44:28

ꞌËn kana Persianu ꞌikë ꞌapu Ciro a kan: min kamina bërúankësa ꞌixun, min kamina ꞌën kuëënkësokin kamabi ꞌati ꞌain; ꞌianan kana ꞌën Jerusalén kan: mix kamina amiribishi birutëkënkë ꞌiti ꞌain; ꞌimainun ka anuxun ꞌë rabiti xubu aribi ꞌatëkënkë ꞌiti ꞌikën: ꞌAkin ka aín tapúmixun an ñu mëëkë unikaman maxax purutëkënti ꞌikën.”

Isaías 45:1

Nukën ꞌIbun ka Ciro kakë uni ꞌapu ꞌimixun, aín mëkënan tuínxun ꞌakësokin, bëtsi menu ꞌikë unikama ꞌakin ꞌamiakëxa, ꞌanan ka ꞌapukama anun ꞌakánanti bikuanun ꞌamiakëxa. Nukën ꞌIbun ka Ciro kakë ꞌapun ismainunbi anun ëma kënëara xëpútikama uínbi xëputëkëntisama ꞌinun xëókinun ꞌimiakëxa. Usa ꞌain ka Diosan kakëxa:

Jeremías 1:1

Achúshi uni anuaxa aín aintsikama sacerdote ꞌikë anu ka achúshi uni Jeremías kakë ꞌiakëxa, aín papax ka Hilquías kakë ꞌiakëxa, ax ka Anatot kakë ëma anua Benjamínën ñaká bukukë me anu tsókë ꞌiakëxa, ënëx ka usakin ñu ꞌanan usai Jeremías kia bana ꞌikën.

Daniel 1:21

Usa ꞌain ka Daniel Ciro kakë uni axa persianu ꞌapu ꞌikë achúshi bari ꞌain anu bërúakëxa.

Daniel 2:1

Anúan ax ꞌapu ꞌikë rabë́ baritia ꞌirukë anun ka Nabucodonosornën ꞌitsokin namákëxa, namákin iskëkama a ꞌitsaira sinani ka ꞌuxtisama tankëxa.

Daniel 6:25

Usa ꞌain ka ꞌapu Daríonën kamabi menu ꞌikë unikama ꞌimainun bëtsi menu ꞌikë unikama aín banan banakë akama ësakin kakin achúshi kirika kuënëokëxa: ꞌËx kana mitsúxmi ꞌupitax bukuti kuëënin,

Daniel 9:2

Axa ꞌapu ꞌitabakë baritia anun kana ꞌën an Dios kikë bana ñuikë Jeremías an kuënëo banakama a ꞌiskin ꞌakin ꞌunánkën, a ka Diosanbi setenta baritia ꞌimia uisai kara Jerusalén masókë ꞌiti ꞌikë kixun Nukën ꞌIbun ain bana uni ñuixunkë a kakëxa.

Juan 1:23

Cacëxun ca Juanën cacëxa: —ꞌËx cana axa anu uni ꞌicëma menuax munuma banacë uni a ꞌain, ësai qui: “Nucën ꞌIbu ca aia, camina axa anun uti bai mëníoquin racanati ꞌain”. An ënë bana cuënëo, Isaías, an Nucën Papa Dios quicë bana unicama ñuixuncë, axa quiásabi oi cana ꞌëx ꞌin.