Efesios 5:3 - Kashibo-Kakataibo Biblia

³ Nucën Papa Diosnan ꞌixun camina mitsun uisa ñux cara ꞌatima ꞌicë a ꞌati sinántima ꞌain. Mitsun xanuma ꞌaínbi xanubë ꞌiti, xanúxmabi uni itsibë ꞌiti, minanmabi uni itsin xanu ꞌimainun ñu cuëënti, usa ñu ꞌati sinanima ꞌianan camina usa ñu ñui banatima ꞌain.

Nukën 'Ibu Diosan ain unikama 'inan ain bana

³ Nucën Papa Diosnan 'ixun camina mitsun uisa ñux cara 'atima 'icë a 'ati sinántima 'ain. Mitsun xanuma 'aínbi xanubë 'iti, xanúxmabi uni itsibë 'iti, minanmabi uni itsin xanu 'imainun ñu cuëënti, usa ñu 'ati sinanima 'ianan camina usa ñu ñui banatima 'ain.

Efesios 5:3 Iomraidhean Croise

Éxodo 20:17

Bëtsi unin xubu ꞌimainun anu ꞌikë aín ñukama kamina minan ꞌinun bisatantima ꞌain: usa ꞌixun kamina aín xanu an ñu mëëxunkë uni ꞌimainun an ñu ꞌaxunkë xanu aribi kuëëntima ꞌain, ꞌimainun kamina an ꞌarakakë ñuinakama, vaca ain asno akamaribi bisatantima ꞌain.

Ezequiel 33:31

Usakin min kakëx ka ꞌën unikama utankëx atux ꞌikësabi min bana kuati mi bëtánain tsóbukanti ꞌikën. ꞌAínbi ka atun mix kikë bana tankin usakinbi ꞌatima ꞌikën. Usa ꞌixun ka mix kikë banakama a tania, ꞌaínbi ka a banakama uníxa xanu ñui katakësokinshi ꞌaia, usai ꞌianan ka atun ꞌitsaira kuríkishi kuëënia.

Miqueas 2:2

Bëtsi unin mekama kuëënkin ka atun bikuankania; usakin ꞌanan ka xubukama aribi biti kuëënkin mëkamakania. ꞌAnan ka uni ꞌimainun ꞌain ꞌaintsi ꞌibukamabi, an kasunankë ꞌain ñukama binuxun ꞌatima oia.

Mateo 15:19

Aín nuitu mëu ca unin ꞌatima ñu ꞌati sinania, uni ꞌati, aín xanuma ꞌaínbi xanubë ꞌiti, xanu cuaioti, uni itsin ñu mëcamati, cëmëi uni itsimi manánti, uni itsi ñui ꞌatimati banati.

Lucas 12:15

Usaquin caxun ca anu ꞌicë unicama Jesusan cacëxa: —Ñu ꞌitsa ꞌain cana Nucën Papa Diosan iscëx upí ꞌianan upitax ꞌi cuëënti ꞌai quixun camina sinántima ꞌain. Usaquin sinanima camina ꞌitsa ñuñu ꞌiti sinánan uni itsin ñuribi cuëënti rabanan bërúancati ꞌain.

Lucas 16:14

Usaía quia cuaquin ca fariseo unicaman atux ꞌitsa curíquiñu ꞌiti cuëëncë ꞌixun, aín bana cuaisama tani a ñui ꞌatimati banaquin Jesús ꞌusáncëxa.

Hechos 15:20

Ësaquinshi caquin cananuna acama quirica buánmiti ꞌain: Unínbia uniocë ñu rabiquian ꞌacë ñuina a camina pitima ꞌain, ꞌimainun camina min xanuma ꞌain xanubë ꞌitima ꞌain, ꞌimainun camina tëtsë́cacë ñuina pitima ꞌain, ꞌimainun camina ñuina imi pitima ꞌain.

Hechos 20:33

ꞌËn cana curíqui ñucánan chupa uibi ñucácëma ꞌain.

Romanos 1:29

Usa ꞌixun ca uisa ñucamax cara ꞌatima ꞌicë acama ꞌaia, bëtsi uni ꞌatimonan, ainanmabi uni itsin ñu biisa tanan, aín xanuma ꞌaínbi xanubë ꞌianan, xanúxmabi bëtsi unibë ꞌianan, bëtsi uni ꞌicësamaira oi ñuñu ꞌiisa tania. ꞌIanan ca uni ꞌaisa tanan, bëtsibë cuëbicanánan, uni itsi paránan, uni itsimi ꞌatimati banaia. Usa ꞌaish ca a unicamax ꞌaisamairai banai uni itsimi manania.

Romanos 16:2

Usa ꞌicë camina mitsúxmi Nucën ꞌIbu Jesucristonan ꞌaish bëtsibë bëtsibë ꞌaquianancësabi oquin Feberibi upí oquin bixun ax cuëëncësabi oquin ꞌaquinti ꞌain, an ꞌitsa xanu ꞌaquianan ꞌëribi ꞌaquincë cupí.

Romanos 6:13

Cristonanma ꞌixun uisa ñu cara ꞌatima ꞌicë quixun ꞌunánquinbi ꞌá ꞌaíshbi camina Cristo cupí Nucën Papa Diosan uni ꞌaish usai ꞌiman. Usa ꞌaish camina mitsux Nucën Papa Diosbë ꞌitimoi bamati ꞌiá ꞌaíshbi bërí aín uni ꞌaish ax cuëëncësabi oi ꞌiti ꞌain. Usa ꞌixun camina mitsun mëcën, mitsun taë, mitsun namicama anun ñu ꞌaisama ꞌaquinma Nucën Papa Dios cuëëncë ñuishi ꞌati ꞌain.

1 Corintios 10:8

Usai ꞌianan ca a unicama raírinëx aín xanuma xanu itsibë ꞌi ꞌuchatancëx achúshi nëtë́inshi ꞌitsaira veintitrés mil uni bamacëxa. A unicama raírinëxa aín xanuma xanu itsibë ꞌiásaribiti cananuna ꞌitima ꞌain.

1 Corintios 5:1

ꞌËn cana ësoquian chanioia cuan, micama achúshinëx ismina min papan xanubë ꞌin. Usai ꞌiti ca ꞌaisama ꞌicën. An Nucën Papa Diosan bana ꞌunáncëma uníxbi ca usai ꞌima.

1 Corintios 6:13

Ësaía uni quicë ax ca asérabi ꞌicën: Piisa tanquin nun picë ñu ax ca nun pucunu atsíntancëxun nun nami cushioia, Nucën Papa Diosan mëníosabi oquin. Usa ꞌaínbi cananuna ënë menuxunu ꞌacësa oquin Nucën Papa Diosan nëtënu ꞌixun usa ñucama sinántëcëniman. Usa ꞌaínbi ca unin usai ꞌiti sinánquinbi tënëquin aín nami ꞌuchotima ꞌicën, aín xanuma ꞌaínbi xanu itsibë ꞌianan unix uni itsibë ꞌiquin. Unían ainan ꞌixun ax cuëëncësa oquinshi sinánun ca Nucën ꞌIbu Diosan camabi uni uniocëxa.

1 Corintios 6:18

Usa uni ꞌimainun usa xanumi camina ꞌunánti ꞌain. Aín xanu ꞌaímabi xanu itsibë ꞌicë uni ꞌimainun xanúxmabi uni itsibë ꞌicë uni an ca abi aín namibi ꞌuchoquin ꞌatimamia. Ñu raíri ꞌaisama ꞌaquinbi ca unin usoquin aín nami ꞌuchoima.

2 Corintios 12:21

Mitsu isi cuantëcënia sapi ca aín bana cuacë ꞌaíshbimi usai ꞌicancëbëtan Nucën Papa Diosan mitsu cupí ꞌë rabínmiti ꞌicë quixun cana sinanin. ꞌImainun cana sinanin, mitsu raírinën ñu ꞌaisama ꞌai mitsunanmabi xanu itsibë ꞌianan xanusa unibë ꞌianan ñunshinacëquin ñu ꞌatima ꞌaquin, a ñucama manuquin sinanacëma cupí sapi cana bëunan mëscúti ꞌai quixun.

Efesios 5:12

Usa ñua a unicaman unë́xun ꞌacë, ax ca a cuati rabínti ꞌaish ñuitisama ꞌicën.

Efesios 5:5

Camina asérabi ꞌunánti ꞌain, axa aín xanuma ꞌaínbi xanubë ꞌicë uni, axa xanúxmabi unibë ꞌicë uni, an ainanma uni itsin ñu cuëëncë uni, a unicamax ca Nucën Papa Diosmabi, unínbi ꞌacë ñuishi rabicësa ꞌicën. Usa unicamax ca Nucën Papa Diosan nëtë anua Cristoribi ꞌicë anu abë ꞌitima ꞌicën.

Filipenses 1:27

Ësaíshi ꞌiti camina sinánti ꞌain, ainan ꞌaish camina Cristo quiásabi oi ꞌiti ꞌain. ꞌËx mitsu isi cuananbi, cuanquinmabi cana, mitsux camina bëtsibë nuibanani Jesucristomi catamënun ꞌaquianani quixuan unin ñuia cuaisa tanin.

Colosenses 3:5

Usa ꞌain camina bërámami ꞌacansa oquin Nucën Papa Diosnanma unicaman ꞌacësa oquin ënë menu ꞌicë ñuishi ꞌati sinántëcëntima ꞌain. Unix ca aín xanuma ꞌaínbi bëtsi xanubë ꞌitima ꞌicën. Usaribiti ca xanu aín bënëma ꞌaínbi bëtsi unibë ꞌitima ꞌicën. ꞌImainun ca uni xanúxmabi bëtsi unibë ꞌitima ꞌicën. ꞌImainun camina ñunshinacëquin ꞌatima ñu ꞌati cuëëntima ꞌain. Camina ñuñu ꞌitishi sinántima ꞌain. Ñuñu ꞌitishi cuëëncë unix ca Nucën Papa Dios rabima, a cuëëncë ñuishi rabicësa ꞌicën.

1 Tesalonicenses 4:3

Nucën Papa Dios ca cuëënia mitsúxmi ainan ꞌaish ax cuëëncësabi oíshi ꞌiti. Ax ca cuëënia mitsun xanuma, xanu itsibë ꞌitima ꞌianan xanúxmabi bëtsi unibë ꞌitima.

1 Tesalonicenses 4:7

Nucën Papa Diosan ca usaquin ñu ꞌatima ꞌanux ainan ꞌinun nu ꞌimicëma ꞌicën. Ama. Ax cuëëncësabi oquin ꞌai upíshi ꞌinun ca nu ainan ꞌimiaxa.

1 Timoteo 2:10

Usai ꞌiquinma ca uisoquin cara axa Nucën Papa Diosmi catamëti ami cushicë xanun ñu ꞌati ꞌicë, usoquinshi aín nuitu upí ꞌixun ꞌanan nuibaquin ꞌaquinsa ꞌicë raíri ꞌaquinti ꞌicën.

1 Timoteo 3:3

Paë́ncëma ꞌianan ca unibë mëëananti sinánñuma ꞌiti ꞌicën. Usa ꞌaish ca bënëtima cuëmëninishi unibë bananan curíquiñu ꞌiisa tani bënë́tima ꞌicën.

1 Timoteo 6:10

Axa ñuñu ꞌianan ꞌaisamaira curíquiñu ꞌiti cuëëncë uni an ca masáquin sinan sinánquin, uisa ñu cara upíma ꞌicë abi ꞌaisama sinánñu ꞌixun ꞌaia. Usa ꞌain ca raíri unin Jesucristomi sináncë ꞌixunbi ꞌaisamaira ñu biti cuëënquin, Jesucristo manubianxun ñu ꞌaisama ꞌaia. Usa ꞌaish ca masá nuituti nitsia.

2 Timoteo 3:2

Usaía ꞌicëbë ca ësa uniribi ꞌiti ꞌicën: an ainanshia ꞌinun ñu cuëëncë, curíquishi biti cuëëncë, axa rabiacati —ꞌëx cana uni itsisama ꞌai —quicë, Nucën Papa Diosmi ꞌatimati banacë, an aín tita aín papan banabi cuacëma, axa ñu ꞌináncëxbi —asábi ca —canancëma, axa Nucën Papa Diosmi sinántisama tancë.

Tito 1:11

A unicaman ca curíqui biti cupíshi unicama parántisa tanquin bëtsi bana ñuixunquin, bëtsi bëtsi uni ꞌimainun aín xubunu ꞌicëcamaribi, atun sináncësa oquian sinánun quixun sinánmia. A unicama camina amiribishi uni parántëcëanxma ꞌinun cati ꞌain.

Tito 1:7

Usa ꞌicëmi mitsun caíscë unicaman ca atun cushi ꞌixun aín unicama Nucën Papa Dios cuëëncësabi oquin bërúanti ꞌicën. Usa ꞌaish ca upí ñuishi ꞌai —ñu ꞌaisama ca ꞌaia —quixuan unin ñuicëma ꞌiti ꞌicën. ꞌIanan ca bëtsi uni ñuuma ca quixun sinánquin ashi ñu ꞌaxunun cacë ꞌitima ꞌicën. ꞌIanan ca bënëtishi masáquin sinani nishtima ꞌicën. ꞌIanan ca paë́ntima ꞌicën. ꞌIanan ca unibë mëëananti sinánñu ꞌitima ꞌicën. ꞌIanan ca curíquiñu ꞌinuxun uni paránti sinántima ꞌicën.

Tito 2:3

Xanu apáncama camina usaribi oquin cati ꞌain, ami sinani ca Nucën Papa Dios cuëëncësabi oi upí nuituñu ꞌiti ꞌicë quixun. Bëbu ꞌimainun xanunbi ca cëmë bana ñuitima ꞌicën. Ca paë́ntima ꞌicën. Atúan aín sinan upí ꞌixun ñu upí ꞌaia isquin ca atun xanu tuácama ꞌimainun atun ñe xutacamanribi usaribi oquin ꞌati ꞌicën.

Hebreos 12:16

Uni aín xanubëishi ꞌitioquin mënío ꞌain ca micama ui uníxbi aín xanuma ꞌain, xanu itsibë ꞌitima ꞌicën, bëbúxribi ca xanúxmabi uni itsibë ꞌitima ꞌicën. Nucën Papa Dios ca uni ꞌimainun xanuribi usai ꞌiti cuëënima. Usai ꞌitin rabanan camina camáxbi upí sinánñu ꞌinun ꞌaquiananti ꞌain. Esaúnën ca Nucën Papa Diosan cacë bana sinánquinma, ax rëcuën ꞌixunbi aín piti cuëëncë cupíshi aín xucën aín rëcuën ꞌimiacëxa. Ax piti cuëëncë cupía Esaú ꞌiásaribiti camina ꞌitima ꞌain.

1 Pedro 5:2

Atun cushicama ꞌixun camina Nucën Papa Diosan unicama bana ñuixunquin, atúxa upí nuituñu ꞌaish chuámarua bucunun ꞌaquinti ꞌain. An carnero bërúancë unin aín carnero ꞌacësaribi oquin camina a unicama upía ꞌinun bërúanti ꞌain. Usoquinmi ꞌanúan mitsu unin caíscë cupíshima camina asérabi ꞌaisa tanquin ꞌati ꞌain. ꞌAnan camina curíqui biti sinánxuinshima minbi asérabi ꞌaquinsa tanquin ꞌati ꞌain.

2 Pedro 2:10

Nucën ꞌIbu Diosan ca anbia masáquin sináncë ꞌixun ñunshínquin ꞌatima ñu ꞌanan aín bana cuacëma unicama asérabi uisoquin cara ꞌati ꞌicë usoquin ꞌati ꞌicën. A unicaman ca rabínquinma ax cuëëncësa oquinshi ñu ꞌaisama ꞌanan, ami racuë́quinma Nucën Papa Diosan ꞌimicë ꞌicëbi unin cushicamaribi ꞌatimaquin ñuia.

2 Pedro 2:14

Usa ꞌaish ca xanu isíma isímashi anun cuëënia, aín ꞌucha ëníma ca amiribi amiribi ꞌuchaia. Atúxa ꞌicësaribitia ꞌinun ca axa Jesucristomi upiti sináncëma xanu ꞌimainun bëburibi sinánmia. Ax ñun cuëën ꞌaish ca ꞌitsa ñuñu ꞌiti cuëënia. A unicama ca Nucën Papa Diosan aín ꞌucha cupí uisoquin cara ꞌati ꞌicë, usoquin ꞌati ꞌicën.

2 Pedro 2:3

A unicaman ca mitsun curíqui biti cupíshi cëmëquin paránquin Nucën Papa Diosan banamabi, anbi sináncë bana mitsu ñuixunti ꞌicën. Usaquian ꞌacë cupí ca ië́tima cëñúti ꞌicën, usai atux ꞌitia Nucën Papa Diosan mëníosabi oi.

Apocalipsis 2:14

Mitsúxmi usa ꞌicëbi cana ësaquin mitsu cain: Micama raírinën camina unían Balaanën cacëxun ꞌatima ñu ꞌásaribi oquin ꞌain. Balaanën ca an Israel unicama ñusmoisa tancë capitán, Balac cacë, a ësaquin cacëxa: Min menu ꞌicë bënëñuma xanucama camina Israel uni parania atubë ꞌinun cati ꞌain. Usai abë ꞌiquin ca ax isa dios ꞌicë quixuan min unicaman rabicë ñu a rabiquian ñu pinun ꞌimiti ꞌicën. Balaanëan usoquin sinánmia ꞌaían usaribi oquin axa mitsubë ꞌicë uni raírinënribi sinánmicëxun camina mitsu raírinën usaribi oquin ñu ꞌatima ꞌain.

Apocalipsis 2:21

Axa usai ꞌiabi cana usa ñu ënía ꞌëmi sinánun caían. Caíncëxunbi ca ëmi catamëquin sinanaquin aín ñu ꞌatima ꞌacë ëncëma ꞌicën.

Apocalipsis 21:8

Usa ꞌaínbi ca racuë́quian an ꞌëmi sinánti ëncë unicama, ꞌimainun an ꞌëmi catamëcëma unicama, ꞌimainun an ñu ꞌatima ꞌacë unicama, ꞌimainun an uni ꞌacëcama, ꞌimainun aín xanuma ꞌicëbi bëtsi xanu cuëëncë unicama ꞌimainun aín bënëma ꞌicëbi bëtsi uni cuëëncë xanucama ꞌimainun ñu xëacë ñubë́ unicama ꞌimainun an Nucën Papa Diosmabi bëtsi ñu rabicë unicama ꞌimainun cëmë unicama, acamax anuaxa ꞌianëmëꞌëosa manë tsi azufrebë rëquirucë anu ꞌiti ꞌicën, anu bamatëcëncë ꞌaish chiquítimoi ꞌinux.

Apocalipsis 22:15

Usa ꞌaínbi ca ꞌaisama unicamax a ëma ëmáinshi ꞌiti ꞌicën. An ñu ꞌaisama sináncë unicama, an ñu xëacë ñubë́ unicama, aín xanuma ꞌicëbi bëtsi xanu cuëëncë unicama, aín bënëma ꞌicëbi bëtsi uni cuëëncë xanucama, an uni ꞌacë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima ꞌicën. Ca ëmáinshi ꞌiti ꞌicën.

Apocalipsis 9:21

Uni ꞌati, ꞌimainun ñu xëax ñubë́ ꞌiti, ꞌimainun aín xanuma ꞌaínbi xanu itsibë ꞌiti, ꞌimainun aín bënëma ꞌaínbi uni itsibë ꞌiti, ꞌimainun ñu mëcamati, acama sinanaquin ënquinma usabi oquin ꞌaxa.

1 Samuel 8:3

Usa ꞌaínbi ka aín bakë bëchikëkaman aín papa ꞌakësokin ñu ꞌaíma, ꞌitsaira ñuñu ꞌiti kuëënkin, unikama bëtsibë ꞌatima onankë a mëníoxunkinma a kupíonun kixun ꞌamikin upíokin ñu ꞌama ꞌikën.