Efesios 4:9 - Kashibo-Kakataibo Biblia

⁹ ¿Usa ꞌain cara Cristo naínu cuantëcëan quicë bana uisai quicë ꞌic? Ax ca ësai quia, aín Papan nëtënuax ënë menu utancëx ca anu cuantëcëancëxa, quiax.

Nukën 'Ibu Diosan ain unikama 'inan ain bana

⁹ ¿Usa 'ain cara Cristo naínu cuantëcëan quicë bana uisai quicë 'ic? Ax ca ësai quia, aín Papan nëtënuax ënë menu utancëx ca anu cuantëcëancëxa, quiax.

Efesios 4:9 Iomraidhean Croise

Génesis 11:5

ꞌAínbi ka Nukën ꞌIbun usakian ëma ꞌimainun torre unikaman ënën menma chaiorukin ꞌakë a ubuxun isakëxa.

Salmos 139:15

Min kamina ꞌunanima ꞌikima ꞌëx karana uisai kani a isakën, unëax ꞌikësa ꞌinun ꞌën, titan puku ꞌukëmëúküax ꞌëx kanikë ax ka me ꞌukëmëúküax ꞌëx kanikësa ꞌiakëxa.

Salmos 63:9

An ꞌë ꞌaisa tankë unikama ax ka, me kini ꞌukëmëu nipakëkë ꞌiti ꞌikën;

Salmos 8:5

Nukama kamina mi ꞌiskësaribi ꞌitánun uniokën, ꞌanan kamina ꞌapu ꞌakësaribi okin nu bërúankën.

Éxodo 19:20

Usai abë banakin ka Nukën ꞌIbu Sinaí kakë bashi chairukë anu ubuxun Moisés mapërakënun kixun kakëxa. Kakëx ka Moisés mapërakëakëxa,

Isaías 44:23

¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!

Mateo 12:40

Jonás ax ca bacanu ꞌicë ñuina cha aín pucunu rabë́ ꞌimainun achúshi nëtë, ꞌimainun rabë́ ꞌimainun achúshi imë́ribi ꞌiacëxa. Usaribiti cana uni ꞌinux Nucën Papa Diosnuax uá, ꞌëx rabë́ ꞌimainun achúshi nëtë, ꞌimainun rabë́ ꞌimainun achúshi imë́ matá quiniocë anu racáncë ꞌiti ꞌain.

Juan 20:17

Usaquian cacëxun ca Jesusan María cacëxa: —ꞌË ramëxunma pan ca ꞌat, ën Papanu cana cuancëma pain ꞌain. Cuantancëxun ca ësaquin ꞌën xucë́ncama catan: An ca ꞌë caxa, ꞌëx cana ꞌën Papa axa mitsun Paparibi anu cuanin. Ax ꞌën Papa Dios ꞌaish ca mitsun Papa Diosribi ꞌicën.

Juan 3:13

Uinu ꞌicë unínbia anu ꞌicë ñu ꞌunáncë ꞌaímabi cana ꞌën cuni anuax uá ꞌixun ꞌunanin.

Juan 6:33

Nucën Papa Diosan uni ꞌinan piti ax ca axa naínuax uá ꞌë ꞌicën. Usa ꞌaish cana ꞌëx an ainan ꞌaísha Nucën Papa Diosbë ꞌinun ënë nëtënu ꞌicë unicama ꞌimiti a ꞌain.

Juan 6:41

—ꞌËx cana Nucën Papa Diosan naínua ꞌibúmiquin uni ꞌinan piti, a ꞌai —quiáxa Jesús quicëbë ca judíos unicamax ami nishi Jesús ñui

Juan 6:51

ꞌËx cana naínuax uá ꞌaish anúan uni Nucën Papa Diosbë ꞌiti a ꞌain. Usa ꞌain ca axa ꞌëmi catamëcë uni ax ainan ꞌaish xënibua ꞌaínbi Nucën Papa Diosbë ꞌia. Uníxa ainan ꞌaish xënibua ꞌaínbi Nucën Papa Diosbë ꞌinun cana ꞌëx bamatsianxmabi bamati ꞌain.

Juan 6:58

ꞌËx cana naínuaxa uá pitisa ꞌai quiax cana ꞌëx quin. ꞌËx cana mitsun raracaman piá manásama ꞌain. Mitsun raracamax ca maná cacë ñu pibi bamatimoi tsoóma ꞌicën. Usa ꞌaínbi ca an ꞌëmi catamëquin ꞌë picësa uni ax ainan ꞌaish xënibua ꞌaínbi Nucën Papa Diosbë ꞌiti ꞌicën.

Juan 6:62

¿Ënë bana cuaquinma caramina uisaxun mitsun ꞌëx anuax uá anu cuantëcënia isquin sinánti ꞌain?

Juan 8:14

Cacëxun ca Jesusan cacëxa: —ꞌËxbi ꞌëx cana usa ꞌai quicëxbi ca ꞌën banax asérabi ꞌicën. Uinuax carana uan, uinu carana cuani quixun cana ꞌën ꞌunanin. ꞌËn ꞌunáncë ꞌaínbi camina mitsun, uinuax carana ꞌëx uan, uinu carana cuani quixun ꞌunaniman.

Hebreos 2:7

Min camina usabi ꞌinuxmabia ángelcamabë sënë́nmara ꞌinun uni ꞌimiacën. Usa ꞌimiquinbi camina minan ꞌaísha mibë xënibua ꞌaínbi ꞌitioquin ꞌimianan min unio ñucamaribi ꞌibuamiacën.

Hebreos 2:9

Usa ꞌaínbi cananuna Jesús ꞌunanin. A ca Nucën Papa Diosan, usabi ꞌinuxmabi ënë menu uni ꞌaish ángelcama meura ꞌinun xuacëxa. Unicama nuibaquian Nucën Papa Diosan sinánsabi oi ca ax camabi unin ꞌucha cupí bamacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa. Usa ꞌicëbi ca paë tani bamacë cupí baísquimitancëxun Nucën Papa Diosan aín nëtënu abë ꞌApu ꞌinun ꞌimiacëxa.