Efesios 4:7 - Kashibo-Kakataibo Biblia

⁷ Usa ꞌain ca axa ami catamëcë unicama bëtsin sináncësaribi oquin sináncë ꞌicëbi ax cuëëncësa oquian bëtsi bëtsi ñu mëëti ꞌanun Cristonën nu ꞌimiaxa.

Nukën 'Ibu Diosan ain unikama 'inan ain bana

⁷ Usa 'ain ca axa ami catamëcë unicama bëtsin sináncësaribi oquin sináncë 'icëbi ax cuëëncësa oquian bëtsi bëtsi ñu mëëti 'anun Cristonën nu 'imiaxa.

Efesios 4:7 Iomraidhean Croise

Mateo 25:15

Uisoquin curíquinën ñu ꞌati cara ꞌunánxa usoquian anun ñu ꞌati sënë́inshi ca ꞌinánxa. Achúshi ca ꞌitsa, mëcën achúshi mil curíqui ꞌinánxa. Bëtsi uniribi ca ꞌitsatani, rabë́ mil curíqui ꞌinánxa. Bëtsiribi ca ꞌitsamashi achúshi mil curíqui ꞌinánxa. ꞌInántancëx ca amanu cuanxa.

Juan 3:34

Usai ꞌinun ca Nucën Papa Diosan aín Bëru Ñunshin Upí ñonquinma aín Bëchicë ꞌinania. Usaquian ꞌináncëxun ca an xucë́xa ucë uni, Jesús, an aín Bëru Ñunshin Upitan sinánmicë ꞌixun Nucën Papa Dios cuëëncësabi oquin unicama bana ñuixunia.

Romanos 12:3

Cristo ñuiquin aín bana unicama ñuixunun Nucën Papa Diosan caíscë ꞌixun cana mitsu cain, camabi unia Cristomi cushicë ꞌinun ꞌaquinun mitsu caíscë ꞌixun camina ui unínbi —ꞌëx cana bëtsi unibëtan sënë́nmaira ꞌiti ꞌai —quixun sinántima ꞌain. Uisa cara Nucën Papa Diosan mi ꞌimia, usa ꞌixun camina —usaishi cana ꞌiti ꞌai —quixun sinánti ꞌain. Sinánñu ꞌixun camina rabíquinma —Nucën Papa Diosan a ꞌanun ꞌë ꞌináncëxuinshi cana ñu ꞌai —quixun sinánti ꞌain.

2 Corintios 6:1

Nucën Papa Diosan bana cuënëo ca ësai quia: Anúnmi ꞌë ñucácë nëtën cana min bana cuan. Cuaquin cana anúnmi ꞌënan ꞌinux ië́ti nëtën mi ië́mian. A bana quicësabi oi ca bëríribi anúan mitsun ñucácëxun cuati nëtë a ꞌicën, bëríbi ca anúan mitsu ainan ꞌinun ië́miti nëtë ꞌicën. Usa ꞌain cananuna Nucën Papa Diosbëtan mitsu cain, an mitsun bana cuanan ꞌaquinsa tancëxun camina an mitsu ꞌaquinun axa cuëëncësabi oquin a ñucáti ꞌain.

Efesios 3:2

Mitsúnbi camina ꞌëa ñuicania cuaquin ꞌunánti ꞌain, mitsu nuibaquin ca Nucën Papa Diosan Cristo ñuiquin aín bana mitsu ñuixunun ꞌë cacëxa quixun.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Hebreos 2:4

A unicama ca Nucën Papa Diosan uni itsin ꞌacëma ñu ꞌanun ꞌamiacëxa, an aín bana ñuixunia cuacë unicaman, asérabi ca aín bana ꞌicë quixun ꞌunánun. ꞌImianan ca atu bëtsi bëtsi ñua ꞌanun aín Bëru Ñunshin Upí ꞌináncëxa, ax cuëëncësabi oquin.

1 Pedro 4:10

Mitsúnmi raíri uni ꞌaquinun ca Nucën Papa Diosan uisa ñu caramina ꞌati ꞌai quixun mitsu ꞌimia. Usa ꞌain camina Nucën Papa Diosan mitsu achúshi achúshi bëtsi bëtsi ñu mëëti ꞌanun ꞌimicë ꞌixun mitsun ñu mëëti upí oquin ꞌati ꞌain.