Efesios 4:10 - Kashibo-Kakataibo Biblia

¹⁰ Axa ënë nëtënu uá, axbi ca anuxun aín unicama camabi aín cushi anúan aín cuëëncësa oquin ꞌati a ꞌinánux abë ꞌApu ꞌi aín Papan nëtënu cuantëcëancëxa.

Nukën 'Ibu Diosan ain unikama 'inan ain bana

¹⁰ Axa ënë nëtënu uá, axbi ca anuxun aín unicama camabi aín cushi anúan aín cuëëncësa oquin 'ati a 'inánux abë 'Apu 'i aín Papan nëtënu cuantëcëancëxa.

Efesios 4:10 Iomraidhean Croise

Mateo 24:34

Asérabi cana mitsu cain, bëría ënë nëtënu bucucë unicamaxa bamacëma pain ꞌain ca ꞌën mitsu ñuixuncë banacama quicësabi oi ꞌiti ꞌicën.

Lucas 24:44

Pitancëx sënë́nxun ca Jesusan atu cacëxa: —ꞌËx bamacëma pain ꞌixun ꞌën mitsu cacësabi oi ca ꞌiaxa. ꞌË ñuiquin cuënëo banacama Moisésnën ꞌa, ꞌimainun an Nucën Papa Dios quicë bana uni ñuixuncë unicaman cuënëo banacama, ꞌimainun Salmosribi, acamaxa ꞌë ñui quicë bana axa quicësabi oi ca ꞌiti ꞌicë quixun ꞌën mitsu cacësabi oi cana ꞌian.

Juan 1:16

An ca aín sinan upíira ꞌixun ax ꞌicësaribitinu nun sinan upí ꞌinun nuibaquin ënquinma nu ꞌaquinia.

Juan 19:24

a bitsi canancëxa: —Tucatima ca. Uin cara a tari biti ꞌicë quixun isti cananuna ñuratsu pain niquin tanti ꞌain. Nucën Papa Diosan bana cuënëo, axa ësai quiásabi oquin ca suntarucaman ꞌacëxa: “Ñuratsu pain niquin tantancëx ca ꞌën chupacama mëtícananxa”.

Juan 19:28

Usa ꞌain ca Jesus, ꞌën ꞌati ñucama cana cëñua quixun ꞌunani Nucën Papa Diosan bana cuënëo quicësabi oi, —cana shimain —quiacëxa.

Juan 19:36

Nucën Papa Diosan bana cuënëosabi oi ca ënë ñucama ꞌiacëxa. Ax ca ësai quia: “Aín xo achúshibi ca tëcë́ntima ꞌicën”. A bana quicësabi oquin ca uínbi aín xo achúshibi tëcë́anma ꞌicën.

Hechos 1:11

Usa ꞌixun ca atu cacëxa: —Galileanu ꞌicë unicama, ¿añuaquin caramina manámia isabatin? Jesús, axa bërí naínu cuancë, ënëx ca mitsúnmi cuania iscësa ësaribicuatsini utëcënuxun ꞌaia.

Hechos 1:9

Ësaquin aín ꞌunánmicë unicama caíshi ca atun ismainunbi manámiquishi naí cuinan mapucëx istëcëntimoi nëtë́acëxa.

Hechos 2:33

A ca Nucën Papa Diosan abë ꞌApu ꞌiti aín cushínbi baísquimiquin an cásabi oquin aín Bëru Ñumshin Upí ꞌinánxa. Usa ꞌain ca ami mitsun isanan cuacë ñucama, ënëx aín Bëru Ñumshin Upitan ꞌimicëx ësai ꞌia.

Hechos 3:18

Usa ꞌaínbi camina mitsun, an sinánmicëxun uni ñuixuncë unicama Nucën Papa Diosan usaia Cristo ꞌiti ñuiquian cuënëomia banaxa quicësabi oquin ꞌacan. A banax ca quia, Nucën Papa Diosan ënu unun xuá, Cristo, ax ca paë tani tëmërati ꞌicë quiax.

2 Corintios 12:2

ꞌËn cana ësaía ꞌia ñu ꞌunanin. Axa Cristomi catamëcë uni achúshinëx ca naí cata rabë́ ꞌucë cuancëxa, Nucën Papa Diosan ꞌimicëx. Aín namibëbi cara cuancëxa, aín bëru ñunshínshi cara cuancëxa cana ꞌunaniman. Nucën Papa Diosainshi ca ꞌunánxa. Usai a uni ꞌiá ca catorce baritia ꞌicën.

Efesios 3:19

Nun nu camaira ꞌunántisama ꞌicëbimi mitsun, uisaira oquin cara Cristonën mitsu nuibatia quixun, aín cushi an mitsun nuitu upí ꞌimiti axa asérabi mitsubë ꞌain ꞌunánun cana Nucën Papa Dios mitsu ñucáxunin.

Colosenses 1:19

Nucën Papa Dios cuëëncësabi oi ca Jesucristo ax asaribi cushiira ꞌianan upíira sinánñu ꞌiacëxa, uni ꞌaíshbi.

Colosenses 2:9

Cristonëx ca uni ꞌicën, ꞌaíshbi ca uisaira cara Nucën Papa Dios ꞌicë usaribi ꞌicën.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

Hebreos 4:14

Jesús ax ca Nucën Papa Diosan Bëchicë ꞌianan, an nu Nucën Papa Dios ñucáxuncë ꞌaish aín Papa Diosan nëtënu abëbi ꞌicën. Usa ꞌicë cananuna ami catamëquin aín bana cuati ëntima ꞌain.

Hebreos 7:26

Usa ꞌaían Jesús axira nun sacerdote ꞌiti ca upíira ꞌicën. Nucën Papa Diosan iscëx upíira ꞌixun ñu ꞌatima ꞌacëma ꞌianan ñu ꞌatima ꞌati sináncëma ꞌianan ax upíira sinánñu ꞌaish ca aín Papabë ꞌApuira ꞌicën.

Hebreos 8:1

Ënë banaxa bëtsi banasama ꞌicëmi mitsun ꞌunánun cananuna ënë ñuiquin mitsu cain, an Nucën Papa Dios aín unicama ñucáxunti, Jesús, ax ca usa ꞌaish bërí aín nëtënu abë ꞌaish, Nucën Papa Diosbë ꞌApu ꞌicën.