Efesios 3:8 - Kashibo-Kakataibo Biblia

⁸ ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Nukën 'Ibu Diosan ain unikama 'inan ain bana

⁸ 'Ëx axa ami catamëcë uni raíribë sënë́nmara 'icëbi ca Nucën Papa Diosan nuibaquin, judíosma unicama Cristo ñui quicë bana 'unánminun 'ë 'imiaxa, uisaira oquin cara Cristonën aín unicama nuibaquin 'aquinia quixuan ënë nëtënuxun aín unicaman 'unáinracëma 'icëbi.

Efesios 3:8 Iomraidhean Croise

Lucas 14:22

Caquian xucëx cuanx utëcënquin ca an ñu mëëxuncë unin caxa: Minmi ꞌë cacësabi oquin cana unicama bëan, camáxbi ca uaxa, usa ꞌaínbi ca ꞌiti tsitsícëma pain ꞌicën.

Juan 1:16

An ca aín sinan upíira ꞌixun ax ꞌicësaribitinu nun sinan upí ꞌinun nuibaquin ënquinma nu ꞌaquinia.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Romanos 11:33

Uiti cushiira cara aín sinan ꞌicë quixun cananuna ꞌunántima ꞌain. An ca camabi ñu ꞌunania. An ꞌunáncëma ñu ca ꞌaíma ꞌicën. Uisaira ꞌixun cara usoquin ñu ꞌaia quixun cananuna ꞌunaniman.

Romanos 12:10

Camina bëtsibë bëtsibë ꞌaquianani nuibananti ꞌain, mitsun xucë́nbë ꞌicësaribiti. Asamaira ꞌiisa tanquin ꞌatimoquinma camina bëtsi uni isquin upí oquin ꞌaquinti ꞌain.

Romanos 2:4

Camina ꞌunánti ꞌain, Nucën Papa Diosan ca mi nuibaíranan, mi ꞌatima ñu ꞌacë ꞌicëbi ꞌatimoquinma mix sinanati ami sinánun cainia. ¿Axa usa ꞌaínbi caramina min ꞌatima ñu ꞌacë ëni ami sinántisama tanin?

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

1 Corintios 15:9

ꞌËx axa Jesucristomi catamëcë unicama bëtsi bëtsi ocë ꞌaish cana ꞌëx Jesusan aín bana ñuixunun caíscë uni raíribë sënë́nma ꞌaish acama meuraira ꞌain. Usa ꞌaish an caíscë uni ꞌiisama ꞌicëbi ca ꞌë aín bana ñuixunun cacëxa.

1 Corintios 2:9

Nun nu ñuicë banax ca Nucën Papa Diosan bana cuënëosaribi ꞌicën. A banax ca ësai quia: Uinu ꞌicë unínbi ca iscëma ꞌicën, uinu ꞌicë unínbi ca a ñui quia cuacëma ꞌicën, uinu ꞌicë unínbi ca aín sinanën sináncëma ꞌicën, uisairai cara an a nuibacë uni abë ꞌaish ꞌiti ꞌicë quixun, Nucën Papa Diosan mëníosabi oi.

Gálatas 1:16

aín Bëchicëmi catamëti ꞌunánmianan, atúxribia ami catamënun judíosma unicamaribi bana ñuixunun ꞌë ꞌimiacëxa. Usaquin ꞌanúan ꞌimicëxun cana uibi uisai carana ꞌiti ꞌai quixun ñucáma ꞌain.

Gálatas 2:8

An judíos unicama Jesucristo ñuiquin bana ñuixunun Pedro ꞌimia ꞌixun ca ꞌëribi judíosma unicama bana ñuixunun ꞌimiacëxa.

Efesios 2:7

Jesucristonan ꞌaíshnu usai ꞌicë isquían camabi unin uisaira oquin cara an nu nuibatia quixun nëtë xënibucëbëtanbi isnun ca Nucën Papa Diosan usaínu ꞌinun mëníocëxa.

Efesios 3:1

Mitsúxmi judíosma uni ꞌaíshbi Cristo Jesúsmi sinánun aín bana mitsu ñuixuncë cupí cana ꞌëx, Pablo ꞌaish, sipuacë ꞌain. Usa ꞌixun cana mitsu Nucën Papa Dios ñucáxunin.

Efesios 3:16

Ax upíira ꞌaish cushiira ꞌixúan aín Bëru Ñunshin Upitan mitsun nuitu mëu sinánmiquin, ax cuëëncësabi oquinmi ꞌanun mitsu cushionun, cana a mitsu ñucáxunin.

Efesios 3:19

Nun nu camaira ꞌunántisama ꞌicëbimi mitsun, uisaira oquin cara Cristonën mitsu nuibatia quixun, aín cushi an mitsun nuitu upí ꞌimiti axa asérabi mitsubë ꞌain ꞌunánun cana Nucën Papa Dios mitsu ñucáxunin.

Efesios 3:2

Mitsúnbi camina ꞌëa ñuicania cuaquin ꞌunánti ꞌain, mitsu nuibaquin ca Nucën Papa Diosan Cristo ñuiquin aín bana mitsu ñuixunun ꞌë cacëxa quixun.

Filipenses 2:3

Bëtsi uni ꞌaquinti sinánquinma camina minánshi ꞌiti ñu ꞌatima ꞌain. ꞌËx cana bëtsi unisama ꞌai quixun sinani rabíquinma camina —uni raírinëx ca ꞌëx ꞌicësamairai upí ꞌicë —quixun sinánti ꞌain.

Filipenses 4:19

A ꞌën rabicë Nucën Papa Dios, an ca ami cuëëncë ñu mitsu ꞌinánti ꞌicën. Jesucristonëan mitsu ainan ꞌinun ꞌimicë ꞌicë ca Nucën Papa Dios ax camabi ñun ꞌIbu ꞌixun mitsúnmi cuëëncë ñu a ꞌinánan mitsu ꞌaquinti ꞌicën.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

1 Timoteo 1:13

Jesús ñui ꞌatimati bananan ꞌatimaquin sinánquin aín unicama tëmëramianan ꞌatimaquin ñuia ꞌicëbi ca ꞌë aín uni ꞌimiacëxa. ꞌËx Jesucristomi catamëcëma pan ꞌianan ax ca Nucën Papa Diosan Bëchicë ꞌicë quixun ꞌunáncëma ꞌixun usoquin ꞌa ꞌicë ca Nucën Papa Diosan nuibaquin ꞌën ꞌuchacama ꞌë tërë́nxuancëxa.

1 Timoteo 1:15

Ënë banax ca asérabi ꞌicën. Usa ꞌain ca camabi unin —asérabi ca —quixun ꞌunánti ꞌicën: Camabi uni aín ñu ꞌaisama ꞌacë cupía tëmërati ꞌicëbi Nucën Papa Diosnan ꞌinun ië́minux ca Cristo Jesús ënë menu uacëxa. Uni itsi ꞌicësamairai ꞌuchacë ꞌicëbi ca ainan ꞌinun ꞌë ië́miacëxa.

1 Timoteo 2:7

Usa ꞌain cana an ꞌimicë ꞌixun judíos unicamaishima judíosma unicamaribi Jesucristomi catamëtía Nucën Papa Dios cuëëncësabi oi ꞌinun ꞌunánmin. Usaquin uni ꞌunánminun ca Nucën Papa Diosan ꞌë caísacëxa quixun ñuixunquin cana Cristonan ꞌixun cëmëquin paránquinma mi can.

2 Timoteo 1:11

Usaía Jesucristo ñui quicë banacama camabi judíosma unicama ñuixuanan aín bana quicësabi oía ꞌinun ꞌunánminun ca Nucën Papa Diosan ꞌë ꞌimiacëxa.

Apocalipsis 3:18

Mitsúxmi usai ꞌinúnma cana mitsu ꞌësëquin ësaquin cain: Curi manë ax ca ꞌitsísirocëx aín chuacama nëtëtia. Nëtë́cëbë ca aín upíshi bërutia. Usaribi oquin asérabi mitsun nuitu upí ꞌinun ꞌën mitsu ꞌiminun camina ꞌë ñucáti ꞌain. Mitsun ꞌatima ñu ꞌacëcama tërë́ncë ꞌianan ꞌëmi sinánquin ñu upí ꞌacë ꞌaish chupa uxua pañucësa ꞌinun ꞌën mitsu ꞌiminun camina ꞌë ñucáti ꞌain. Mitsun uisa ñu ꞌati cara ꞌatima ꞌicë, uisa ñu ꞌati cara upí ꞌicë quixun upí oquin ꞌunáncëma ꞌaish bëxuñu unisa ꞌixunbi, acama mitsu ꞌunánminun camina ꞌë ñucáti ꞌain.