Efesios 3:6 - Kashibo-Kakataibo Biblia

⁶ Unin ꞌunánma ꞌaínbi ca a bana ësai quia, judíos unicama ꞌicësaribiti ca judíosma unicama, Cristo Jesús bama cupí ami catamëti Nucën Papa Diosan uni ꞌianan abë aín nëtënu ꞌiti ꞌicën, ax quiásabi oi.

Nukën 'Ibu Diosan ain unikama 'inan ain bana

⁶ Unin 'unánma 'aínbi ca a bana ësai quia, judíos unicama 'icësaribiti ca judíosma unicama, Cristo Jesús bama cupí ami catamëti Nucën Papa Diosan uni 'ianan abë aín nëtënu 'iti 'icën, ax quiásabi oi.

Efesios 3:6 Iomraidhean Croise

1 Corintios 12:12

Ënëx ca ësa ꞌicën. Aín taë, aín mëcën, aín xo, aín pucu, aín bëru, aín pabí acamaxa ꞌitsa ꞌaínbi ca uni achúshishi ꞌicën. Usaribiti ca Cristo achúshishi ꞌicën.

1 Corintios 12:27

Usa ca ënëx ꞌicën. Aín taë, aín mëcën, aín pabí acamaxa ꞌitsa ꞌaínbi ca uni achúshishi ꞌicën. Usaribiti ca Cristobë aín unicama achúshishi ꞌicën.

Gálatas 3:14

Nucën Papa Diosan Abraham cásabi oía judíosma unicamaxribi Nucën Papa Diosnan ꞌinun ca Cristo Jesús ꞌuchañuira uni ꞌicësari bamacëxa. Ax usai bama cupí ca axa ami catamëcë unicama Nucën Papa Diosan aín Bëru Ñunshin Upí ꞌinania, ax quiásabi oquin.

Gálatas 5:24

Cristo nun ꞌucha cupí i curúsocënu bama ꞌain cananuna nun nu ñunshínquin ꞌasaribi oquin ꞌatëcënuxunma ñu ꞌatimacama ëan.

Efesios 3:3

A bana uisai quicë cara quixun unin ꞌunánma ꞌicëbi ca bërí unin ꞌunania. Nucën Papa Diosanbi ca ꞌëribi ꞌunánmiaxa. ꞌItsamashi pain cana an ꞌë ꞌunánmicë bana mitsu ñuixunquin cuënëon.

Efesios 5:30

Nux asérabi ainan ꞌaish ax cuëëncësabi oi ꞌianan ami catamëti abë achúshisa ꞌicë ca usoquin nu bërúanquin ꞌaquinia.

Efesios 5:7

Usaribi ꞌitin rabanan camina an usa ñu ꞌacë unicamabë ꞌitima ꞌain.

Colosenses 2:19

A unicaman ca ami sináncëma ꞌixun Cristonëan ësaquin aín unicama ꞌimiti a sinanima. An ca aín unicama asaribi upí ꞌinun Nucën Papa Dios cuëëncësabi oquin ꞌimia. Aín mëcën, aín xo, aín imi acamañu ꞌaíshbia uni achúshi ꞌicësaribi oquin ca Cristonën aín unicamaxa ꞌitsa ꞌaíshbi bëtsin sináncësabi oquin sináncë ꞌaish achúshisa ꞌinun ꞌimia.

1 Juan 1:3

Nuxnu asérabi Nucën Papa Dios ꞌimainun aín Bëchicë Jesucristobë upí ꞌicësaribitimi mitsúxribi nubë Jesucristomi upiti sinánun quixun cananuna nun nu isanan cuacë, ënë ñucama mitsu ñuixunin.

1 Juan 2:25

Jesucristonëxbi ca quiacëxa, a cupíshi cananuna ainan ꞌaish Nucën Papa Diosbë xënibua ꞌaínbi ꞌiti ꞌai quiax.