Efesios 3:10 - Kashibo-Kakataibo Biblia

¹⁰ Axa ami catamëcë unicamaxa an ꞌimicëx upí isquian naínu ꞌicë ángelcama, aín cushicamanribi uisaira cushiñu ꞌianan uisaira sinánñu cara ax ꞌicë upí oquin ꞌunánun ca Nucën Papa Diosan aín unicama usai ꞌinun mëníocëxa.

Nukën 'Ibu Diosan ain unikama 'inan ain bana

¹⁰ Axa ami catamëcë unicamaxa an 'imicëx upí isquian naínu 'icë ángelcama, aín cushicamanribi uisaira cushiñu 'ianan uisaira sinánñu cara ax 'icë upí oquin 'unánun ca Nucën Papa Diosan aín unicama usai 'inun mëníocëxa.

Efesios 3:10 Iomraidhean Croise

Salmos 103:20

¡Anu uxun ka aín ángel kushiirabu an Nukën ꞌIbu Dios rabiti ꞌikën! Mitsun kamina an kakësabiokin ꞌanan, uisakin ñu ꞌanun kara mitsu kaia usakin ꞌaxunti ꞌain.

Salmos 104:24

¡Uiti ñukamaira kaina mix Dios ꞌixun ꞌakën! A ñukama kamina mix sinánñuira ꞌixun ꞌakën; ¡usa ꞌain ka kamabi menu min ꞌa ñukama ꞌikën!

Ezequiel 3:12

Usa ꞌain ka Diosan Bëru Ñunshinan ꞌë biruaxa, birukëxun kana ꞌë kaxakúaxa kushiira rërëkikësai banaia kuan, usai ka anua ꞌikë anuaxa Diosan kushi nirukëbë ꞌiaxa.

Romanos 11:33

Uiti cushiira cara aín sinan ꞌicë quixun cananuna ꞌunántima ꞌain. An ca camabi ñu ꞌunania. An ꞌunáncëma ñu ca ꞌaíma ꞌicën. Uisaira ꞌixun cara usoquin ñu ꞌaia quixun cananuna ꞌunaniman.

Romanos 8:38

Usa ꞌain cana asérabi ꞌunanin, Nucën Papa Dioscëñun an nu ënananmiti ñu ca ꞌaíma ꞌicën. Nux bamati ꞌimainun nun tsóti ꞌimainun ángelcama ꞌimainun ñunshin ꞌatimacama ꞌimainun uisa cushi cara, acama ꞌimainun axa bërí uisai cara ꞌicë uisa ñucama cara, ꞌimainun axa uisai cara ꞌiti, a ñucamanbi ca Nucën Papa Dioscëñun nu ënananmitima ꞌicën.

1 Corintios 1:24

A unicama usai ꞌimainunbi ca uicama cara Nucën Papa Diosan Cristomi catamënun sinánmicë ꞌicë acama, judíos unicama ꞌimainun griego banan banacë judíosma unicamanribi, —Cristo cupíshi ca Nucën Papa Diosan upí oquin sinánquin nun ꞌuchacama tërë́nquin ainan ꞌinun nu ië́mia —quixun ꞌunania.

1 Corintios 2:7

Usa bana ñuixunquinma cananuna Nucën Papa Diosan ënë me uniocëma pan ꞌixunbi sinan bana a ñuixunin. A bana quicësabi oi ca Jesucristo cupí uni aín ꞌuchacama tërë́ncë ꞌaish xënibua ꞌaínbi Nucën Papa Diosnan ꞌiti ꞌicën. Usa ꞌicëbi ca bëráma Nucën Papa Diosan, unicaman a bana ꞌunánun sinánmiama ꞌicën. Bërí cananuna an nu cacësabi oquin unicaman ꞌunánun a bana ñuixunin.

Efesios 1:21

Usai ꞌinúan ꞌimicëx ca Cristo ax, a unin iscë ꞌapu ꞌimainun a unin iscëma ꞌapuribi ꞌimainun uisa cushi cara, ꞌimainun uisa ꞌapu cara, uisaquin caquin anëcë cara, acamabë sënë́nmaira ꞌicën. Usa bërí ꞌaish ca ënë nëtë cëñúcëbëribi usai ꞌiti ꞌicën.

Efesios 1:23

Axa ami catamëcë unicamax ca ꞌitsa ꞌaíshbi camáxbi Cristonan ꞌicën. Usa ꞌain ca an abë ꞌixun an sináncësaribi oquian sinánun aín unicama ꞌimia. Ax ca uinubi ꞌaímama ꞌicën. Abë ꞌixun ca Cristonën aín unicama an iscëx aín nuitu upí ꞌixuan ax cuëëncësa oquinshi ꞌanun aín cushi ꞌinania.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

Efesios 1:8

Usa ꞌixun ca nuibaíraquin uisairai cara uni ainan ꞌiti ꞌicë quixun upí oquin ꞌunánun nu ꞌimiaxa.

Efesios 6:12

Nux cananuna suntárunëxa ꞌacanancësaribiti ꞌin. Usai ꞌibi cananuna unibë ꞌacananiman. Nun nuitu mëúishi cananuna ꞌacanáncësa ꞌain, ñunshin ꞌatimanën nu ꞌibuati rabanan. Aín ꞌapubë cushiquin ca ñunshin ꞌatimacaman nu ñu ꞌatima ꞌanun nu ꞌamitisa tania. Atun an ënë menuxun ñu atima ꞌacë unicama ꞌibuacë ꞌixun ca nuribi ñu ꞌatima ꞌamitisa tania.

Colosenses 1:16

Nucën Papa Diosan uniomicëxun ca aín Bëchicënën naínu ꞌicë ñucama ꞌimainun menu ꞌicë ñucamaribi ꞌanan bëtsi bëtsi ñu unin aín bërúnbi iscë ꞌimainun unin iscëma ñucamaribi uniocëxa. Usonan ca ángelcama ꞌimainun uisa cushi cara, acamaribi uniocëxa, ainan ꞌaish ax cuëëncësabi oi ꞌinun.

Colosenses 2:10

Ax cushiira ꞌixuan an ꞌimicëxma ca ángelcama ꞌimainun ñunshíncamaribi ꞌimainun uisa ñun cushi cara, acamaxbi ñancáishi ꞌiti ꞌicën. Usa ꞌain ca Cristobëmi achúshisa ꞌain, aín cushi anúnmi Nucën Papa Dios cuëëncësabi oquin ꞌati ax mitsubë ꞌicën.

Colosenses 2:15

Usonan ca Cristonën i curúsocënu bamaquin uisa ñunshinax cara uisaira cushiñu ꞌicë, abi camabi unían ꞌunánun ñusmoquin cushiñuma ꞌimiacëxa.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

1 Pedro 1:12

Usai Cristo ꞌitia Nucën Papa Diosan ꞌunánmicëxun ca atun isquinmabi, atun rëbúnqui ꞌixun cananuna nun a ñucama isnuxun ꞌai quixun ꞌunáncëxa. A bana Cristo ñui quicë, a ca a Nucën Papa Diosan naínua xucë aín Bëru Ñunshin Upitan ꞌamicëxun aín unicaman mitsu ñuixunia. A bana ca ángelcamanribi uisai quicë cara quixun cuaisa tania.

1 Pedro 3:22

Baísquitancëx naínu cuan ꞌaish ca Jesucristo ax Nucën Papa Diosbë ꞌApu ꞌaish aín mëqueu ꞌicën. Usa ꞌicë ca ángelcama ꞌimainun uisa cushi cara anribi aín bana cuatia.