Efesios 2:2 - Kashibo-Kakataibo Biblia

² Ënë nëtënu ꞌicë ñuishia an sináncë unicaman sináncësa oquinshi sinánquin camina ñu ꞌaisama ꞌacën, ñunshin ꞌatimanën ꞌapu cuëëncësabi oquin. An ca an Nucën Papa Diosan bana cuaisama tancë unicama ax cuëëncësabi oquin ꞌanun sinánmia. Usaribiti camina mitsux an sinánmicë ꞌiacën.

Nukën 'Ibu Diosan ain unikama 'inan ain bana

² Ënë nëtënu 'icë ñuishia an sináncë unicaman sináncësa oquinshi sinánquin camina ñu 'aisama 'acën, ñunshin 'atimanën 'apu cuëëncësabi oquin. An ca an Nucën Papa Diosan bana cuaisama tancë unicama ax cuëëncësabi oquin 'anun sinánmia. Usaribiti camina mitsux an sinánmicë 'iacën.

Efesios 2:2 Iomraidhean Croise

Job 1:16

Ësokin kakian sënë́onkë ꞌaímabi axribi ukin ka an ñu mëëxunkë uni itsínribi anu bëbakin Job kakëxa: —Kaná anubi ꞌibúti kushiira banakin ka an ñuina bërúankë unikama ꞌimainun ovejakama këñukin rëtëaxa. Usokin atu ꞌakëbë kana ꞌëxëshi mi kai unux abán.

Job 1:19

usakin ꞌakëbëbi anu uni ꞌikëma memiax bënëtishi anu bëëki ꞌibúkin ka suñuanën amami amamixun bëkakin xubu nipakin min bakë bëchikëkama bukukë anuabi chakamiaxa. Usokëx ka kamaxi atux bamaxa. Usokin ꞌakëbë kana ꞌëxëshi mi kai unux abán.

Job 1:7

Usai anu ukë ka Diosan ñukákëxa: —¿Uinuax kaina mix aín? Kixuan ñukákëxun ka axa paránankë ñunshin ꞌatimanën kakëxa: —ꞌËx kana kamabi mekama oi kuaínbëkini nitsin.

Job 31:7

ꞌËn karana ñu upí ꞌati ꞌunanxunbi a ënkin ñu ꞌatima ꞌan, ꞌanan karana usai ꞌikin bëtsi unin ñu kuëëan, ꞌianan kara bëtsi unin aín ñu mëkamakë ꞌënua mëraxa,

Isaías 30:1

Ësai ka Nukën ꞌIbu asérabi kiakëxa: “¡Uisai kara mitsun bakë bëchikë bëbu ꞌimainun ꞌini xanukama atun kakëxun ꞌën bana kuaisama tania, usa ꞌixun atun ꞌëbë banaxunmabi ñu ꞌakatsi kixun atúnbi sinania, sinánkin ka usakin kananuna ñu ꞌati ꞌai kixun ꞌën sinánmikëxunmabi atúnbi sinánxun ꞌaia, usakin ꞌai ka atúxbi amiribi amiribi ꞌuchakania!

Jeremías 23:10

A menuxun ka unikaman ꞌaisamaira ꞌatima ñuira ꞌaia, ꞌën kana usaía ꞌinun ꞌatimakin sinánxuan, usa ꞌain ka a me masá nuitukë ꞌikën. ꞌImainun ka anu uni ꞌikëma menu kookë nikamaribi ëskiaxa usa ꞌain ka atun kushínbi uni ꞌatimakin ñu ꞌaxunia.

Mateo 11:19

Usoquian Juanën ꞌacësoquin ꞌaquinma ꞌën camabi ñu pianan xëaia isquin ca unicaman ësaquin ꞌë ñuia: A unix ca picën tapun ꞌianan xëairacë uni ꞌicën. Ax ca an ꞌapu buánmiti curíqui bicë unicama ꞌimainun ꞌuchañu unicamabë nuibanania —quixun. Usaquian Juancëñun unin ꞌë ñuicëbëbi ca Nucën Papa Dios, an ënë menu unun ꞌë xua, an ꞌacë ñucamax asábi ꞌicën. Usa ca quixun ca axa ami sináncë unicaman ꞌunania.

Mateo 13:22

Muxañu menua nipacëcë ñu bëru usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani, ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan sináncëxbi ñu bëru ꞌapácëa coiabi chucun mapurucësa usaribi ꞌaish bimiñumasa ꞌia.

Mateo 13:38

Anu ñu bëru ꞌapácë naë asaribi ca camabi ënë me ꞌicën. Ñu bëru upí asaribi ca Nucën Papa Diosan unicama ꞌicën. Chucusaribi ca a ñunshin ꞌatimanën ꞌapun sinánmicë unicama ꞌicën.

Marcos 4:19

—a bana quicësabi oi cana ꞌiti ꞌai —quixun sinania. Usaquin sinánquinbi ca atun ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan bana sináncëxbi ñu bëru ꞌapácëa coiabi chucun mapurucë usaribi ꞌaish bimiñumasa ꞌia.

Lucas 16:8

Usaquin ca an a ñu mëëxuncë unin ꞌaxa quixun ꞌunánquin ca an a uni ñu mëëmicë unin sinánxa: An ꞌë ñu mëëxuncë unin ca uisai cara curíquiñuma ꞌaíshbi ꞌiti ꞌicë quixun sinánxun ñu ꞌaquin ꞌë paránti sinánxa quixun. Ësaquin catancëxun ca Jesusan cacëxa: —An ënë menushi upitax bucuti sináncë unin ca aín cuëëncësari ꞌiti upí oquin ꞌunania, Nucën Papa Diosmi sináncë unían ꞌacësamaira oquin.

Lucas 22:31

Usaquin catancëxun ca Jesusan Simón Pedro cacëxa: —Simón, ñunshin ꞌatimanën ꞌapu, Satanásnën ca mitsu ꞌatimamitisa tanquin an usaquin ꞌanúan ënun quixun Nucën Papa Dios ñucáxa. Usa ꞌixun ca xanúan ñu bimi tacaquin shaícacësaribi oquin mitsu tanti ꞌicën.

Juan 12:31

Bërí ca ënë nëtënu ꞌicë unicama, cara ꞌëmi sinania, cara ꞌëmi sinanima quixun Nucën Papa Diosan isti ꞌicën. Isanan ca an ꞌëmi sináncëma unicaman ꞌapu, ñunshin ꞌatimanën ꞌapuribi ax cushi ꞌicëbi ꞌën unicama ꞌibuatimoquin ñusmoti ꞌicën.

Juan 13:2

ꞌUramacëbëtan ca ñunshin ꞌatimanën ꞌapun Judas Iscariote, Simonan bëchicë, a Jesús uni ꞌinánti sinánmiacëxa. Usoquian sinánmicë ꞌain ca a ñantan Jesusan aín ꞌunánmicë unicamabëtan piacëxa.

Juan 13:27

ꞌInáncëxuan bitsiashi ca ñunshin ꞌatimanën ꞌapu, Satanásnën Judas bënë́nquinshi sinánmiacëxa. Usaquian sinánmia ca Jesusan Judas cacëxa: —Añu caramina ꞌacasi ca bënë́nquinshi ꞌat.

Juan 14:30

Ënë banacamaishi cana mitsu cain. An ënë menu ꞌicë unicama ax cuëëncësa oquian ꞌanun ꞌamicë ꞌapu ca aia. Usa ꞌain cana bana itsiribi ñuiquin mitsu caiman. Uxunbi ca an ꞌë uisoima.

Juan 15:19

Mitsun atun sinánsaribi ꞌicë ca an Nucën Papa Diosmi sinánquinma ënë nëtënu ꞌicë ñuishi sináncë unicaman mitsu nuibatsianxa. ꞌAínbi camina mitsux ꞌën caíscë ꞌaish, atun sinánsama ꞌain. Usa ꞌain ca atun nuibatima mitsumi nishia.

Juan 16:11

An ënë nëtënu ꞌicë unicama ꞌibuacë ñunshin ꞌatimanën ꞌapu ca castícanuxun ꞌuchocë ꞌicën. Usa ꞌain ca axa ꞌëmi catamëcëma unicamanribi, usaribiti ca atux castícancë ꞌiti ꞌicë quixun ꞌunánti ꞌicën.

Juan 7:7

Axa Nucën Papa Diosmi sináncëma unix ca mitsumi nishima, ꞌëmi cuni ca nishia. ꞌËn —ñu ꞌatima camina ꞌai —quixun cacë cupí ca atux ꞌëmi nishia.

Juan 8:23

Quiáxa quia ca Jesusan cacëxa: —Mitsux camina ënë nëtënu ꞌicë unishi ꞌain. ꞌËx cana naínu ꞌicë ꞌain. Mitsux camina ënë nëtënu ꞌicë ꞌain. ꞌËx cana ënë nëtënu ꞌicëma ꞌain.

Juan 8:44

Mitsun papax ca ñunshin ꞌatimanën ꞌapu ꞌicën. Ainan ꞌixun camina axa cuëëncësa oquinshi ꞌaisa tanin. An ca nëtë ióñubi uni ꞌati sináncëxa. Ax ca cëmë ꞌaish axa ꞌiásabi cëmëia. Cëmëi ca an sináncësa oquinshi sinani banaia. Ainra ca cëmë́ntapun ꞌixun unían uni itsi cëmëquin paránun ꞌimia.

Hechos 19:35

Usa ꞌain ca sharatia nëtë́nun cacëxbi nëtë́tisama taniabi an ꞌapu quirica cuënëoxuncë unin nëtë́miacëxa. Nëtë́mia ca cacëxa: —Efesonu ꞌicë unicama, ꞌën mitsu camainun ca cuat. Ënë ëmanu ꞌicë unicamax ca an anuxun Diana rabiti xubu bërúanan a iscësa maxax naínuax nipacëcë bërúancë ꞌicën. Usa ca quixun ca camabi menu ꞌicë unicaman ꞌunánxa.

Hechos 5:3

ꞌInania ca Pedronën cacëxa: —Ananías, ¿uisacasquin cara ñumshin ꞌatimanën ꞌapu, Satanás, an ꞌibuaquin, Nucën Papa Diosan Bëru Ñunshin Upí paráncësa ꞌixunmi me cupími bicë curíqui mësú binun mi sinánmiax?

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

1 Corintios 5:10

Camabi unibë niaxma ꞌinun quixun cana mitsu caiman. Ënë nëtënu ꞌicë ñuishi sináncë unicaman ca ainanmabi xanu cuëëanan, uni itsin ñu cuëëanan, ñu mëcamanan, Nucën Papa Diosmi sinánquinma unin ꞌacë ñu rabia. Camabi menu ca usa uni ꞌicën. Usa unibubë ꞌiisa tanquinmabi camina uinu ꞌicë menuabi usa uni isíma ꞌitima ꞌain.

1 Corintios 6:11

Usa uni camina mitsu raírinëx ꞌiacën. ꞌIá ꞌaínbi ca mitsun ñu ꞌatima ꞌacëcama tërë́ncë ꞌain mitsun nuitu upí ꞌicën. Usa ꞌaish camina Nucën ꞌIbu Jesucristo cupí, Nucën Papa Diosan Bëru Ñunshin Upitan ꞌimicëx, an iscëx ainan ꞌain.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

Gálatas 1:4

Ënë menu ꞌicë ñuishi ꞌatia an sináncë unicaman ꞌacësaribi oquin ñu ꞌatima ꞌati rabanan nu ië́mi ca ax bamatsianxmabi nun ꞌucha cupí bamacëxa, Nucën Papa Dios cuëëncësabi oi.

Efesios 1:21

Usai ꞌinúan ꞌimicëx ca Cristo ax, a unin iscë ꞌapu ꞌimainun a unin iscëma ꞌapuribi ꞌimainun uisa cushi cara, ꞌimainun uisa ꞌapu cara, uisaquin caquin anëcë cara, acamabë sënë́nmaira ꞌicën. Usa bërí ꞌaish ca ënë nëtë cëñúcëbëribi usai ꞌiti ꞌicën.

Efesios 2:11

Usa ꞌain camina manútima ꞌain, mitsux judíos unima, uni itsi ꞌaish camina axa ꞌunántioracacë judíos unicaman —a unibunëx ca ꞌunántioracacëma ꞌicë —quixun ñuicë ꞌiacën.

Efesios 2:13

Usai ꞌiá ꞌaíshbi camina camabi unin ꞌucha cupía Cristo bama ꞌain, ami catamëcë ꞌaish ainan ꞌain. Usa ꞌaish camina Nucën Papa Dios ꞌunáncëma ꞌiá ꞌaíshbi bërí a ꞌunani ainan ꞌain.

Efesios 2:3

Nunribi cananuna camaxunbi nun sináncësa oquinshi sinánan nun sinan ꞌatima ꞌixun nux cuëëncësabi oquin ꞌacën. Usai ꞌicë ꞌaish cananuna raíri unicamasaribi ꞌaish numi nishquian Nucën Papa Diosan castícanti ꞌiacën.

Efesios 4:17

Nucën ꞌIbu Jesucristonën ꞌë sinánmicësabi oquin cana mitsu cain, axa Nucën Papa Diosmi sináncëma uníxa ꞌicësaribiti ꞌiá ꞌaíshbi camina usai ꞌitëcëntima ꞌain. A unicamax ca Nucën Papa Dios cuëëncësa oíma atúnbia sináncësa oíshi ꞌi bucuia.

Efesios 4:22

Usaribiti ꞌiquin camina bëráma mitsux cuëëncësabi oquin ñunshínquin ñu ꞌatima ꞌacën. Usaquin ꞌaquin camina mitsun sinan upíma ꞌixun ñu ꞌatima ꞌaquinbi, ax ca ꞌaisama ꞌicë quixun sinani rabíanma ꞌain. Usai ꞌiá ꞌixunbi camina ñu ꞌatimami ꞌá, acama ënti ꞌain.

Efesios 5:6

Uni raírinëan —ñu ꞌatima ꞌacë ꞌaíshbi camina Nucën Papa Diosan nëtënu ꞌiti ꞌai —quixun cacëxunbi camina mitsun, —cëmëi ca quia —quixun sinánti ꞌain. An aín bana cuaisama tanquin usa ñu ꞌacë unicama a ca ami nishquin Nucën Papa Diosan castícanti ꞌicën.

Efesios 5:8

Bëráma Nucën Papa Diosan bana ꞌunáncëma ꞌaish unían bëánquibucënuxun ñu ꞌatima ꞌacësa ꞌiá ꞌixúnbi camina bërí Nucën ꞌIbu Jesucristonan ꞌixun ax cuëëncësabi oquin ñu upíshi ꞌain. Usa ꞌaish camina bërí xabánu nicësa ꞌiti ꞌain.

Efesios 6:12

Nux cananuna suntárunëxa ꞌacanancësaribiti ꞌin. Usai ꞌibi cananuna unibë ꞌacananiman. Nun nuitu mëúishi cananuna ꞌacanáncësa ꞌain, ñunshin ꞌatimanën nu ꞌibuati rabanan. Aín ꞌapubë cushiquin ca ñunshin ꞌatimacaman nu ñu ꞌatima ꞌanun nu ꞌamitisa tania. Atun an ënë menuxun ñu atima ꞌacë unicama ꞌibuacë ꞌixun ca nuribi ñu ꞌatima ꞌamitisa tania.

Colosenses 1:21

Mitsun Nucën Papa Diosmi sináncëma ꞌixun ñu ꞌaisamaishi ꞌacë ꞌaish camina abë upíma ꞌaish ami nishcësa ꞌiacën. Usai ꞌiá ꞌicëbi ca Cristo uni ꞌaish bama cupími abë upí ꞌinun Nucën Papa Diosan mitsu ꞌimiaxa. Mitsúxmi upíira sinánñu ꞌianan ꞌuchañuma ꞌaish Nucën Papa Diosnanshi ꞌinun ca Cristo bamacëxa.

2 Timoteo 4:10

Demas ax ca ënë menu ꞌicë ñuishi ꞌaisamaira cuëëni, ꞌë ëbiani Tesalónica ëmanu cuanxa. Crescente axribi ca Galacia menu cuanxa. Cuanmainun ca Titoxribishi Dalmacia menu cuanxa.

Santiago 1:27

An Nucën Papa Dios cuëëncësabi oquin ꞌacë unin ca ësaquin ꞌati ꞌicën: Papañuma titañuma tuácama ꞌimainun casunamëcë xanucamaribi ꞌaquinsa ꞌianan masá nuitutia isquin ca ꞌaquinti ꞌicën. ꞌAquianan ca an Nucën Papa Diosmi sinánquinma ënë menu ꞌicë ñuishi sináncë unin ꞌacësaribi oquin ñu ꞌaisama ꞌatima ꞌicën.

Santiago 1:7

Mitsux usa ꞌixun camina Nucën Papa Diosan ca ꞌën bana cuatia quixun sinántima ꞌain.

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.

1 Pedro 1:14

Ainan ꞌixun ax quicësabi oquinshi ñu ꞌaquin camina bëráma Jesucristomi catamëquin Nucën Papa Dios ꞌunáncëma ꞌixunmi cuëë́an ñucama ꞌatëcëntima ꞌain.

1 Pedro 4:3

Bëráma camina axa Nucën Papa Diosmi sináncëma unicaman ꞌacësaribi oquin ñunshínquin ñu ꞌatima ꞌanan paë́anan, paë́nxun pi sharánan Nucën Papa Dios rabiquinma unían anbi sinánxun ꞌacë ñuishi rabiacën. Usaquin ꞌaquinbi camina a ñucama ëancën.

2 Pedro 2:14

Usa ꞌaish ca xanu isíma isímashi anun cuëënia, aín ꞌucha ëníma ca amiribi amiribi ꞌuchaia. Atúxa ꞌicësaribitia ꞌinun ca axa Jesucristomi upiti sináncëma xanu ꞌimainun bëburibi sinánmia. Ax ñun cuëën ꞌaish ca ꞌitsa ñuñu ꞌiti cuëënia. A unicama ca Nucën Papa Diosan aín ꞌucha cupí uisoquin cara ꞌati ꞌicë, usoquin ꞌati ꞌicën.

1 Juan 3:10

Ënëx ca ësa ꞌicën. Ui unin cara ñu upí ꞌaima ax ca Nucën Papa Diosnanma ꞌicën, ui unin cara uni itsiribi nuibatima axribi ca Nucën Papa Diosnanma ꞌicën. Usa ꞌain cananuna uinu ꞌicë unix cara Nucën Papa Diosan bëchicë ꞌicë quixun ꞌunánan uinu ꞌicë unix cara ñunshin ꞌatimanën ꞌapunan ꞌicë quixun ꞌunánti ꞌain.

1 Juan 3:8

Usa ꞌaínbi ca an ñu ꞌatima ꞌacë unicama ax ñunshin ꞌatimanën ꞌapun uni ꞌicën, ñunshin ꞌatimanën ꞌapu ax ca nëtë ióñubi ꞌucha ꞌaish usabii bërí nëtë́nbi ꞌuchaia, usa ꞌain. Usa ꞌaínbi ca ñunshin ꞌatimanën ꞌapúan ñu ꞌatima ꞌacëcama cëñui Nucën Papa Diosan Bëchicë uacëxa.

1 Juan 4:4

ꞌËn bëchicësa unicama, mitsux camina Nucën Papa Diosnan ꞌain. Nucën Papa Dios axa mitsubë ꞌicë aín cushibëtan sënë́nma ca an ënë nëtënu ꞌicë ñuishi sináncë unicaman cushi ꞌicën. Usa ꞌain ca an Cristo ꞌatimaquin ñuicë unicaman sinanëx mitsun sinánbëtan sënë́nmara ꞌicën.

1 Juan 5:19

Cananuna ꞌunanin, nuxnu Nucën Papa Diosnan ꞌaínbi ca camabi menu ꞌicë unicamax ainanma ꞌaish ñunshin ꞌatimanën ꞌapunan ꞌicë quixun.

1 Juan 5:4

—Ax quicësabi oquin ꞌanun ca Nucën Papa Diosan ꞌë ꞌaquinia —quixun ꞌunani ami catamëcë ꞌixun ca aín bëchicëcaman, an ënë menu ꞌicë ñuishi sináncë unicaman ꞌacësaribi oquin ꞌaquin ñu ꞌatima ꞌati ashiquin ënia.

Apocalipsis 12:9

Anua atux ꞌiti ꞌaíma ꞌain ca pianancë ñuina chaira maxë capë́sa a aín ángelcamacëñunbi Nucën Papa Diosan chiquínxun menu niaxa. A capë́sa ñuina ax ca an bëráma Nucën Papa Diosan uniotabatia uni paran ꞌaish ñunshin ꞌatimanën ꞌapu, Satanás, an camabi menu ꞌicë unicama paráncë a ꞌicën.

Apocalipsis 13:14

Parúnpapanuax uaxa ꞌirucë ñuinacanꞌëon ismainun, usoquin ꞌanúan Nucën Papa Diosan ëncëxun ca unían iscëma ñu ꞌanan acëma ñuribi ꞌaquin, ënë menu ꞌicë unicama paránxa. Paránan ca a ñuinacanꞌëo parúnpapanuax uaxa ꞌirucë axa manë xëtocën motisama oquin tëacë ꞌaíshbi mocë, abi tanquin a iscësaribi ꞌitánun ꞌanun uni ꞌamiaxa.

Apocalipsis 13:8

Ënë menu bucucë, ui unicamax cara me uniotabacë ꞌain, Carnero ꞌicësaribitia unin ꞌucha cupí bama, aín quiricanu aín anë cuënëoma ꞌicë, a unicaman ca axa parúnpapanuax uax ꞌirucë ñuinacanꞌëo aín bana cuanan rabiaxa.

Apocalipsis 16:17

Usai ꞌicëbëtan ca anuxun Nucën Papa Dios rabiti xubunuax chiquícë ángel itsínribi aín xanpanu ꞌicë ñu tutucaxa. Tutucacëbëa naínu ꞌicë anuxun Nucën Papa Dios rabiti xubu anua Nucën Papa Dios ꞌicë anuax ësai banaia cana cuan: —Anuishi sënë́nquin cana ꞌan.

Apocalipsis 20:2

Ubútancëxun ca a ángelnën capë́sa ꞌaíshbi pianancë ñuinacanꞌëo chaira, an bëráma runusa ꞌixun Nucën Papa Diosan uniotabatia uni paran ꞌixun camabi menu ꞌicë uni paráncë, ñunshin ꞌatimanën ꞌapu Satanás, a biquin mil baritia niaxma ꞌinun manë risin nëaxa.