Efesios 2:11 - Kashibo-Kakataibo Biblia

¹¹ Usa ꞌain camina manútima ꞌain, mitsux judíos unima, uni itsi ꞌaish camina axa ꞌunántioracacë judíos unicaman —a unibunëx ca ꞌunántioracacëma ꞌicë —quixun ñuicë ꞌiacën.

Nukën 'Ibu Diosan ain unikama 'inan ain bana

¹¹ Usa 'ain camina manútima 'ain, mitsux judíos unima, uni itsi 'aish camina axa 'unántioracacë judíos unicaman —a unibunëx ca 'unántioracacëma 'icë —quixun ñuicë 'iacën.

Efesios 2:11 Iomraidhean Croise

Ezequiel 36:31

ꞌImainun ka uínsaran kara atux ꞌatimati tsóanan ñu ꞌatima ꞌai, ꞌuchaxa akama sinania anun rabinkanti ꞌikën, usai ꞌikin ka ꞌatimai ñu ꞌai ꞌuchai tsókë a sinánkanti ꞌikën.

Mateo 20:7

Cacëxun ca a unicaman caxa: Uinu ꞌicë unínbia nu ñu mëëxunun cacëma ꞌaish cananuna ënu bucüan. Cacëxun ca naë ꞌibun caxa: Mitsúxribi camina ꞌën naënu ñu mëëi cuanti ꞌain.

Romanos 11:17

Ësa ca. I aín pëñan achúshi tëatancëxun bëtsi i aín pëñan anu tëacë anubi tacáshcacëx ca a i aín tapúnuaxa aín baca cuancë cupí aín pëñánsabi ꞌinun coti ꞌicën. Usaribi camina mitsux ꞌain. Judíos unicama Nucën Papa Diosan bana ꞌunáncë ꞌaíshbi Cristomi catamëisama tancë ꞌaish ca i pëñan tëacësa ꞌicën. Usa ꞌimainun camina mitsux judíosma uni ꞌaíshbi Cristomi catamëcë ꞌaish bëtsi i aín pëñan anua tëacë anu tacáshcacësa ꞌain.

Romanos 2:26

Usaribi oquin ca unicama ax ꞌunántiocëma ꞌixunbi ami catamëquin aín cuëëncësabi oquin ꞌacë ꞌicë Nucën Papa Diosan upí isia, axa ꞌunántioracacë unicama ꞌacësaribi oquin.

Romanos 2:27

Usa ꞌain ca an ꞌunántiocëma ꞌixunbi Nucën Papa Dios cuëëncësabi oquin ꞌacë uni a Nucën Papa Diosan upí isti ꞌicën. Isanan ca an ꞌunántiocë ꞌixunbi Nucën Papa Diosan bana ꞌunánquinbi a bana quicësabi oquin ꞌacëma unicama Nucën Papa Diosan upíma isti ꞌicën.

1 Corintios 12:2

Camina ꞌunanin, mitsux Jesucristomi catamëcëma pan ꞌaish camina unían ꞌacë ñu banañumabia, ax isa dios ꞌicë quixun unin cacë ñu rabi axa Jesúsmi sináncëma unibubë niacën.

1 Corintios 6:11

Usa uni camina mitsu raírinëx ꞌiacën. ꞌIá ꞌaínbi ca mitsun ñu ꞌatima ꞌacëcama tërë́ncë ꞌain mitsun nuitu upí ꞌicën. Usa ꞌaish camina Nucën ꞌIbu Jesucristo cupí, Nucën Papa Diosan Bëru Ñunshin Upitan ꞌimicëx, an iscëx ainan ꞌain.

Gálatas 2:15

ꞌË ꞌimainun ꞌëbë ꞌicë unicamax cananuna judío unin rëbúnqui ꞌaish judío uni ꞌain. Nux cananuna an Nucën Papa Diosan bana ꞌunáncëma judíosma unicamasaribima ꞌain.

Gálatas 6:12

An —camina ꞌunántioracacë ꞌiti ꞌai —quixun caquin mitsu ꞌunánmicë unicaman ca judíos unicama cuëënmiti cupíshi usaquin ꞌunánmia. I curúsocënua ax bama, Cristo, ami catamëtishi ca uni ië́ti ꞌicë quicë, a bana cupí bëtsi bëtsi ocë ꞌitin rabanan ca —mitsux camina ꞌunántioracacë ꞌiti ꞌai —quia.

Efesios 2:2

Ënë nëtënu ꞌicë ñuishia an sináncë unicaman sináncësa oquinshi sinánquin camina ñu ꞌaisama ꞌacën, ñunshin ꞌatimanën ꞌapu cuëëncësabi oquin. An ca an Nucën Papa Diosan bana cuaisama tancë unicama ax cuëëncësabi oquin ꞌanun sinánmia. Usaribiti camina mitsux an sinánmicë ꞌiacën.

Efesios 5:8

Bëráma Nucën Papa Diosan bana ꞌunáncëma ꞌaish unían bëánquibucënuxun ñu ꞌatima ꞌacësa ꞌiá ꞌixúnbi camina bërí Nucën ꞌIbu Jesucristonan ꞌixun ax cuëëncësabi oquin ñu upíshi ꞌain. Usa ꞌaish camina bërí xabánu nicësa ꞌiti ꞌain.

Deuteronomio 8:2

Usa ꞌain kamina sinánkanti ꞌain, Diosan ka anu uni ꞌikëma menu cuarenta baritia ꞌimi tëmërai ninun nu ꞌimiakëxa akamina manukinma sinánkanti ꞌain, usakin ka mitsu tankin ꞌanan ami karamina asérabi sinanatëkëni isti ꞌanan ax kikësabiokin aín bana ꞌai ꞌisnuxun mitsu ꞌakëxa.

Deuteronomio 9:7

Mitsun kamina uínsaranbi anu uni ꞌikëma menuxua Nukën ꞌIbu Diosan kakëxunbi kuaisama tan bana a manutima ꞌain. ꞌIanan kamina Egipto menuax chikíkin ꞌásabiokin ënë menu bëbakinbi, an kakësabiokin ꞌaisama tankanin.

Filipenses 3:3

Atúxa judíos uni ꞌicë ꞌunántiocë ꞌaínbi cananuna nux asérabi Nucën Papa Diosan uni ꞌain, aín Bëru Ñunshin Upitan ꞌimicëx. Usa ꞌixun cananuna a rabianan Cristo Jesúsmi catamëcë ꞌixun cuëënquin ꞌunanin, nux ꞌunántioracacë cupíma Cristo Jesúsmi catamëcë cupíshi cananuna Nucën Papa Diosan uni ꞌai quixun.

Colosenses 1:21

Mitsun Nucën Papa Diosmi sináncëma ꞌixun ñu ꞌaisamaishi ꞌacë ꞌaish camina abë upíma ꞌaish ami nishcësa ꞌiacën. Usai ꞌiá ꞌicëbi ca Cristo uni ꞌaish bama cupími abë upí ꞌinun Nucën Papa Diosan mitsu ꞌimiaxa. Mitsúxmi upíira sinánñu ꞌianan ꞌuchañuma ꞌaish Nucën Papa Diosnanshi ꞌinun ca Cristo bamacëxa.

Colosenses 2:11

Mitsux usai Cristobë achúshisa ꞌaish camina Nucën Papa Diosnan cupí ꞌunántioracacësaribi ꞌain. Judíos unicamaxa chamaratsu ꞌaish ꞌunántiocë usa ꞌaíshmabi camina Cristonënbia mitsun sinan upí ꞌimianan ñu ꞌaisama ꞌati ëmicë ꞌaish, Nucën Papa Diosnan cupí ꞌunántiocësa ꞌain.

Colosenses 2:13

Mitsun cuëëncësa oquinshi ñu ꞌaími bamacësa ꞌianan judíos unicamaxa ꞌicësaribiti ꞌunántiorcacëma ꞌaish ainanma ꞌicëbi ca Nucën Papa Diosan a cupíshi mitsun ꞌuchacama tërë́nxunquin Cristobë baísquicësa mitsu ꞌimiaxa.

Colosenses 3:11

Judíosma unicama ꞌimainun judíos unicama, ꞌunántioracacë unicama ꞌimainun ꞌunántioracacëma unicama, bëtsi menu ꞌicë unicama ꞌimainun raëcëma unicama, an uni ñu mëëxuncë unicama ꞌimainun an uni ñu mëëxuncëma unicama, a unicamaxbi ca Cristonan ꞌaish bëtsibë sënën ꞌicën. A unicamaxbi ca Cristo abë ꞌain Cristonainshi ꞌicën.

1 Samuel 17:26

Usa ꞌain ka Davidnën usai kia kuakëma ꞌixun a rapasu ꞌikë suntárukama ñukákëxa: —¿Añu kara an filisteo uni axa Israelkama ꞌakatsikiax xuamati banakë a nëtë́tanun ꞌaia an ꞌakë uni a ꞌinánti ꞌik? ¿Ax añuira ꞌixun kara a filisteo uni upíma ꞌixun an Diosan kaískë unikama usokin ꞌakatsikixun ñuiti ꞌik?

1 Samuel 17:36

Usokin kana ꞌën paru ꞌinúan ꞌananbi xaëón an mi ñu mëëxunti ënën rëtëkë ꞌikën. Usaribi okin kana filisteo uni an bëtsi ñu rabikë a ꞌati ꞌain, usa ꞌaínbi ka an Diosan kaískë unikama ꞌakatsikiax ami banaia.