Efesios 1:7 - Kashibo-Kakataibo Biblia

⁷ An ca nun ꞌucha cupínu ainanma ꞌicëbi Cristo bama ꞌain, nun ñu ꞌaisama ꞌacëcama tërë́nquin ainan ꞌinun nu ië́miaxa, an nu nuibaquin.

Nukën 'Ibu Diosan ain unikama 'inan ain bana

⁷ An ca nun 'ucha cupínu ainanma 'icëbi Cristo bama 'ain, nun ñu 'aisama 'acëcama tërë́nquin ainan 'inun nu ië́miaxa, an nu nuibaquin.

Efesios 1:7 Iomraidhean Croise

Salmos 130:4

ꞌAínbi kamina min nux ꞌuchakëkama nu mëníoxunin, usa ꞌixun kananuna nun mi rabiti kuëënin.

Salmos 130:7

usaribi okin kamina Israel unikama mitsun kaínti ꞌain, an ka asérabi nuibanankë ꞌixun nux uisaibi ꞌiti kuëënima.

Éxodo 34:7

ꞌImainun kana bërámabi usa ꞌia ꞌaish xënibua ꞌaínbi usabi ꞌixun nuibakin uin kara bana kuakinma ñu ꞌatima ꞌai ꞌëmi ꞌuchaia akama mëníoxunti ꞌain; ꞌaínbi kana usashi ënkinma axa ꞌuchakë uni ꞌatima oti ꞌain, usakin ꞌanan kana aín papa ꞌuchakë kupínribi aín bakë bëchikëkama ꞌimainun aín babakama ꞌianan aín bëchikënën bëchikënëan bakë bëchipakëkamaribi ꞌatima oti ꞌain.

Isaías 43:25

ꞌAínbi kana ꞌëx mitsun Dios ꞌixun, uni ꞌaimi ꞌuchakëkama a tërënxunkin uinsaranbi sinántëkëntima ꞌain.

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Daniel 9:19

¡Nukën ꞌIbu, Nukën ꞌIbu! ¡Nun bana kamina kuati ꞌain, nun ꞌakë ñukama kamina nu mëníoxunti ꞌain! ¡ꞌAnan kamina nukamannu mi ñukákëkama nu ꞌakini uti ꞌain! ¡Mixi Dios ꞌixun ꞌanan kamina min ëma ꞌimainun min unikama an min anë rabikë akama ꞌakinti ꞌain kamina basitima ꞌain!

Daniel 9:9

ꞌAínbi kamina mix Dios ꞌixun nu nuibanan usai karanuna ꞌiisa tani uisai ꞌiabi nu nuibakë ax kuni asábi ꞌikën. Nukamax kananuna min kakësoi ꞌikëma ꞌain,

Jonás 4:2

Usa ꞌain ka abë banakin Dios ësokin kakëxa: —ꞌËn ꞌIbu Dios ësa ñu ka ꞌiti ꞌikë, kiax kana ꞌën menuaxi ꞌëx kian. Usa ꞌain kana bënëtishi Tarsis menu abáti sinánkë ꞌian, ꞌën kana mix kamina achúshi Dios nuibanairakë ꞌaish bënëtishi nishkëma a ꞌai kixun ꞌunánkë ꞌian, usa ꞌain kamina ꞌën sinánkëxun ꞌitsaira uni nuibakin ꞌatimokin tëmëramikatsi kixunbi mimia sinanatia ꞌakëma ꞌain kixun ka munuma banai ami nishkin Dios kakëxa.

Miqueas 7:18

Misaribi bëtsi Dios ka ꞌaíma ꞌikën, min kamina nux kuëënkësa oí ꞌikë a mëníokin, nuxnu ꞌuchakëkama a manuin, nukamax kananuna min unikama ꞌitsamashi tikikë a ꞌain. Min kamina nukama nuibatin usa ꞌain kamina mix xënibua ꞌaish nishkëma a ꞌain.

Zacarías 9:11

Ësai ka Dios kia: Jerusalénnu bukukë unikama mitsun kamina kuati ꞌain, ꞌën kana Israel unikama bëtsi menu ꞌikëbi ië́miti ꞌain, usa ꞌain kana ꞌën anua ꞌumpax biti kini ꞌumpaxñuma ꞌinun ëskikë ꞌikëa anu uni sipuati ꞌakë usanu ꞌikëbi mitsu chikiankën. Usakin kana mitsubëtan achúshi ñu mëníokin ꞌásabiokin biti ꞌain, usa ꞌain kamina mitsun ñuina ꞌë xaroxunuxun aín imi ꞌapamikin ꞌakën.

Mateo 20:28

ꞌën ꞌacësaribi oquin. Uni itsían ñu mëëxunun cana ꞌëx uni ꞌinux Nucën Papa Diosnuax uáma ꞌain. ꞌËx cana unicamaxa upí ꞌianan upitax bucuti oquin ꞌaquini uacën. ꞌËx ꞌuchañuma ꞌaísh bamatsianxmabi cana camabi uníxa Nucën Papa Diosbë upí ꞌinun atun ꞌucha ꞌënansa ꞌain bamai uacën.

Mateo 26:28

ꞌËn imi ꞌapati ꞌëx bamacë cupí ca ꞌaisamaira unix aín ꞌuchacama tërë́ncë ꞌaish Nucën Papa Diosnan ꞌiti ꞌicën. Ënëx ca a ꞌapati ꞌëx bamati a ꞌicën.

Mateo 6:12

Unían nu ꞌatimocëxunbinu aribi ꞌatimoquinma a ñucama sinánquinma manucësaribi oquin camina nun ꞌacë ꞌatima ñucama nu tërë́nxunquin manuti ꞌain.

Marcos 14:24

ꞌAia ca cacëxa: —ꞌËn imi ꞌapati ꞌëx bamacë cupí ca ꞌaisamaira uni aín ꞌuchacama tërë́ncë ꞌaish Nucën Papa Diosnan ꞌiti ꞌicën. Ënëx ca a ꞌapati ꞌëx bamati a ꞌicën.

Lucas 1:77

Min sinánmicëxun ca ꞌunánti ꞌicën, a cupí ca atun ꞌuchacama tërë́ncë ꞌaish Nucën Papa Diosnan ꞌinun ië́micë ꞌiti ꞌicë quixun.

Lucas 24:47

Usa ꞌain ca aín unicaman Jerusalénuxun pain aín bana ñuitancëxun camabi menu cuanquin ësoquin caquin unicama ñuixunti ꞌicën, Nucën Papa Diosan atun ꞌatima ñu ꞌacëcama tërë́ncë ꞌinuxun ca sinanaquin bëtsi oquin sinánti ꞌicë quixun. Ësaía a ñui cuënëo bana quicë a ñuixuntancëxun ca Jesusan atu cacëxa:

Juan 20:23

Mitsúnmi tërë́ncëx ca axa ꞌuchacë unin ꞌucha tërë́ncë ꞌia. Usa ꞌaínbi ca mitsúnmi tërë́ncëxma a unin ꞌucha tërë́ncëma ꞌia.

Hechos 10:43

An Nucën Papa Dios quicë bana uni ñuixuncë unicamaxribi ca Jesús ñui ësai quiacëxa, camabi uni axa aín bana cuati ami catamëcë, a ca aín ꞌuchacama Jesusan tërë́nxunia quixun.

Hechos 2:38

Cacëxun ca Pedronën atu cacëxa: —ꞌAtimoquin sinánxunbi camina sinanaquin, upí oquin Nucën Papa Diosmi sinánti ꞌain. Usai ꞌitancëx camina mitsun ꞌuchacama tërë́ncë ꞌinun Jesucristomi catamëti nashimicë ꞌicanti ꞌain. Usai ꞌicëbëtan ca Nucën Papa Diosan aín Bëru Ñumshin Upí abëmi ꞌinun mitsu ꞌinánti ꞌicën.

Hechos 20:28

Usa ꞌain camina mitsun mina ñu ꞌaisama ꞌai bërúancati ꞌain. Bërúancanan camina axa Jesucristomi catamëcë unicamaribia upí ꞌinun bërúanti ꞌain. Nucën Papa Diosan Bëru Ñunshin Upitan ca usoquinmi axa Jesucristomi catamëcë unicama bërúanun mitsu ꞌimiaxa. A unicamax ca axa bama cupí Nucën ꞌIbu Jesucristomi catamëcë ꞌaish aín uni ꞌicën.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Romanos 2:4

Camina ꞌunánti ꞌain, Nucën Papa Diosan ca mi nuibaíranan, mi ꞌatima ñu ꞌacë ꞌicëbi ꞌatimoquinma mix sinanati ami sinánun cainia. ¿Axa usa ꞌaínbi caramina min ꞌatima ñu ꞌacë ëni ami sinántisama tanin?

Romanos 3:24

Usa ꞌicëbi ca Jesucristo, camabi unin ꞌucha cupí bama ꞌaían, cupíoima ami catamëtiashi Nucën Papa Diosan nuibaquin aín ꞌucha tërë́nquin uni ꞌuchañuma isia.

Romanos 3:25

Ami catamëtía, uni aín ꞌuchacama tërë́ncë ꞌinun ca camabi unin ꞌucha cupía Cristo bamanun Nucën Papa Diosan mëníocëxa. An Jesucristo bamati mënío ꞌixun ca bëráma ꞌiá uniribi, axa sinanatia Nucën Papa Diosan aín ꞌuchacama ashiquin manumiacëxa. Usaquin an ꞌá cupí ca camabi unin ꞌunánti ꞌicën, Nucën Papa Diosan ca asérabi upíira upí ꞌixun an usai ca ꞌiti ꞌicë quixun mëníosabi oquin ꞌaia quixun.

Romanos 9:23

Caínpainquin ca uisaira oquin cara an ꞌatima ñu ꞌacë ꞌicëbi uni nuibaquin aín sinan upí ꞌimiti ꞌicë quixun camabi unin ꞌunánun, ainan ꞌinun caísa ꞌixun nu usaquin ꞌimia.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

2 Corintios 8:9

Uisaira oquin cara Nucën ꞌIbu Jesucristonën nu nuibatia quixun camina ꞌunanin. Mitsúxmi chuámarua ꞌianan aín nëtënu xënibua ꞌaínbi abë ꞌiti cupí ca ax aín Papan nëtë upí ëbëtsini ënë menu ñuñuma ꞌinux uacëxa.

Efesios 1:14

Aín Bëru Ñunshin Upí axa nubë ꞌain cananuna ꞌunanin, anúan Nucën Papa Diosan an caíscë aín unicama biti nëtë sënë́ncëbë cananuna aín nëtënu abë ꞌiti ꞌain, ax quiásabi oi. Ax cushiira ꞌixuan nuibaquin ꞌimicëxunu a rabinun ca usai ꞌiti ꞌicën.

Efesios 1:18

ꞌImainun cana mitsu ñucáxunin, an ꞌimicëx caramina uisairai ënë nëtënuax Jesucristosaribi ꞌaish upí sinánñu ꞌiti ꞌai quixunmi mitsun ꞌunánun. Ñucánan cana uisairai caramina aín nëtënu abë ꞌaish, axa ami catamëcë unicamabë ꞌiti ꞌai quixunmi ꞌunánun mitsu ñucáxunin.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Efesios 1:8

Usa ꞌixun ca nuibaíraquin uisairai cara uni ainan ꞌiti ꞌicë quixun upí oquin ꞌunánun nu ꞌimiaxa.

Efesios 2:4

Usai ꞌiá ꞌicëbi ca Nucën Papa Diosan nu ꞌaisamaira nuibaquin,

Efesios 2:7

Jesucristonan ꞌaíshnu usai ꞌicë isquían camabi unin uisaira oquin cara an nu nuibatia quixun nëtë xënibucëbëtanbi isnun ca Nucën Papa Diosan usaínu ꞌinun mëníocëxa.

Efesios 3:16

Ax upíira ꞌaish cushiira ꞌixúan aín Bëru Ñunshin Upitan mitsun nuitu mëu sinánmiquin, ax cuëëncësabi oquinmi ꞌanun mitsu cushionun, cana a mitsu ñucáxunin.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Filipenses 4:19

A ꞌën rabicë Nucën Papa Dios, an ca ami cuëëncë ñu mitsu ꞌinánti ꞌicën. Jesucristonëan mitsu ainan ꞌinun ꞌimicë ꞌicë ca Nucën Papa Dios ax camabi ñun ꞌIbu ꞌixun mitsúnmi cuëëncë ñu a ꞌinánan mitsu ꞌaquinti ꞌicën.

Colosenses 1:14

Nun ꞌuchacama cupínu abë ꞌitima ꞌicëbi ca aín Bëchicë bamacë cupí Nucën Papa Diosan nun ꞌucha tërë́nquin ainan ꞌinun nu ië́miacëxa.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

Colosenses 2:13

Mitsun cuëëncësa oquinshi ñu ꞌaími bamacësa ꞌianan judíos unicamaxa ꞌicësaribiti ꞌunántiorcacëma ꞌaish ainanma ꞌicëbi ca Nucën Papa Diosan a cupíshi mitsun ꞌuchacama tërë́nxunquin Cristobë baísquicësa mitsu ꞌimiaxa.

Colosenses 2:2

Mitsúnmi Cristomi cushicë ꞌaish bëtsibë bëtsibë nuibanani achúshisaishi ꞌianan upí oquin a ꞌunáncëma ꞌixunbi bërí Cristo ꞌunánquin, uisaira oquin cara mitsu ꞌaquinti ꞌicë quixun ꞌunánun, cana mitsu Nucën Papa Dios ñucáxunin.

1 Timoteo 2:6

Camabi uníxa aín ꞌucha tërë́ncë ꞌaish Nucën Papa Diosnan ꞌinun ca ꞌitsianxmabi bamacëxa. Usai ca ꞌiacëxa quixun ca aín unicaman Nucën Papa Diosan mëníosabi oquin unicama ñuixunia.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Tito 3:6

Jesucristo, an nu ië́micë, a cupíshi ca Nucën Papa Diosan aín Bëru Ñunshin Upí nubëa ꞌiti oquin nu ꞌináncëxa.

Hebreos 9:22

Usa ꞌain ca usoquin ca judíos sacerdotenën ꞌati ꞌicë quixun Moisésnën cuënëo bana quicësabi oquin, anun Nucën Papa Dios rabiti ñucama ami imi ánscacë ꞌiacëxa, a ñuxa Nucën Papa Diosan iscëx upí ꞌinun. Ñuina bamacëbëma ca judíos unin ꞌucha tërë́ncëma ꞌiá ꞌitsíanxa. Usaribiti ca Jesús bamama ꞌain unin ꞌucha tërë́ncëma ꞌitsíanxa.

1 Pedro 2:24

Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.

1 Juan 2:12

ꞌËn bëchicësa ꞌicë, cana Jesucristo cupía Nucën Papa Diosan mitsun ꞌuchacama tërë́ncë cupí mitsu quirica cuënëoxunin.

1 Juan 2:2

Jesucristo axa bama cupí ca nun ꞌuchacama tërë́ncë ꞌicën. Nunanshima camabi unin ꞌuchacamaribia tërë́ncë ꞌinun ca Jesucristo bamacëxa.

1 Juan 4:10

Ami sináncëxunmabi unicama nuibaquin ca Nucën Papa Diosan, a cupí unin ꞌuchacama tërë́ncë ꞌinuan ënë menuax bamanun aín Bëchicë xuacëxa. Usoquin xuá ꞌain cananuna ꞌunanin, usaira oquin ca Nucën Papa Diosan unicama nuibatia quixun.

Apocalipsis 14:4

A unicamax ca xanubë ꞌuchacëma ꞌianan ñu ꞌatima ꞌati cuëënima Carnero ꞌicësaribitia unin ꞌucha cupí bama ainanshi ꞌaish, ax quicësabi oi ꞌia. Acamax ca Nucën Papa Diosan ainan ꞌinun ië́micë ꞌianan Carnero ꞌicësaribitia unin ꞌucha cupí bama, ainanribi ꞌinun aín ꞌuchacama tërë́ncë a ꞌicën.

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.