Efesios 1:6 - Kashibo-Kakataibo Biblia

⁶ Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Nukën 'Ibu Diosan ain unikama 'inan ain bana

⁶ Usaquin ainan 'inun caístancëxun an nu nuibaquin, aín nuibacë Bëchicë nubë 'aínu ainan 'aish upí 'inun nu 'imicë 'ixun cananuna ami catamëquin, xënibua 'aínbi a rabin.

Efesios 1:6 Iomraidhean Croise

Salmos 22:20

Aín manë xëtokën ꞌakin bamamiti ꞌikëbi kamina ꞌë ië́miti ꞌain, usa ꞌixun kamina kamunsa unikaman an ꞌë rëtënun ëntima ꞌain,

Isaías 42:1

Ësai ka Nukën ꞌIbu kiakëxa. Ënu ka ꞌën kuëënkësabi okin ꞌati ꞌën kaískë uni ax ꞌikën, ënëx ka ꞌëx a isi ꞌitsaira kuëënkë a ꞌikën, usa ꞌain kana ꞌën bëru ñunshin a ꞌinan, usa ꞌixun ka kamabi menu ꞌikë unikama upíokian ñu ꞌanun ꞌamiti ꞌikën.

Isaías 43:21

a unikama kana ꞌën uniokën ꞌë rabinun, usa ꞌain ka atun ꞌë rabikanti ꞌikën.

Isaías 61:11

Me tukabëtsianx chikiti koia naë chukúmanu ꞌapákëx ñu ꞌikësa, usaribi okin ka Nukën ꞌIbun an ꞌakë ñukama ismikin ꞌën, kamabi menu ꞌikë unikaman kantakin a rabinun ꞌimiti ꞌikën.

Isaías 61:3

axa bëtsi menuax uax Jerusalénnu tsókë unikamax ka chimaputan mataka kima mañuti, mañuax kuëënun mitsu ꞌimiti ꞌain, ꞌimianan kana ꞌiníntisa ro sanuira anúnmi ꞌinun ꞌinankësa okin masá nuituti inkë a ënia kuëënun ꞌimiti ꞌain, ꞌianan kana masánuituti nitë́xëkinma ꞌë rabi kantanun ꞌimiti ꞌain. Usa ꞌikë ka i upí kanan, an kanankë kakin mitsu unikaman anëti ꞌikën, usa ꞌixun ka Nukën ꞌIbun anbi ꞌapá ꞌixun aín kushi mitsu ismiti ꞌikën.

Jeremías 23:6

A nëtëkama ax ꞌapu ꞌain ka, Judá menu ꞌikë unikama ꞌië́mainun, Israel unikamaribi uínbi ubíokëma upitax tsóti ꞌikën. Ësokin anëkë ka ꞌiti ꞌikën: Nukën ꞌIbu ax ka an nu ië́mikë ꞌikën.”

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Mateo 20:9

Cacëxun ca axa bari xupíbucëbë ucë unicama cuëncëx aia achúshi nëtën cupíocësa oquin ꞌinánxa.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Lucas 2:14

—¡Naínu ꞌicë Nucën Papa Dios rabinun ca ꞌat! ¡Ënë nëtënuaxa Nucën Papa Diosbë upí ꞌicë unicamax ca chuámashirua ꞌican!

Juan 10:17

Baísquitëcëanx tsónux ꞌëx bamatsianxmabi bamati cupí ca ꞌën Papan ꞌë nuibatia.

Juan 3:35

Nucën Papa Diosan ca aín Bëchicë nuibaquin axa aín ꞌibu ꞌinun camabi ñu a ꞌináncëxa.

Romanos 8:1

Usa ꞌain ca uicamax cara Cristo Jesús abë ꞌicë, acama Nucën Papa Diosan ꞌuchoima. Usa unicamax ca Cristonanma uni ꞌicësai ax cuëëncësarishi ꞌima, Nucën Papa Diosan Bëru Ñunshin Upitan sinánmicësabi oi ꞌia.

2 Corintios 4:15

Nun tëmëraquinbi mitsu bana ñuixuncëx camina ꞌitsaxira Nucën Papa Diosan nuibaquin ꞌaquincëx ainan ꞌaish cuëënin. Usai ꞌiquin camina mitsun ꞌitsaxuinra Nucën Papa Dios —asábi ca —caquin a rabin, Nucën Papa Dios cuëënun.

2 Corintios 5:21

Cristo axa añu ꞌuchañumabi ꞌicëbi ca nun ꞌuchacama tërë́ncë ꞌinúan, nun ꞌucha bitsi ꞌuchañuirasa ꞌinun Nucën Papa Diosan ꞌimiacëxa, nux an iscëx ꞌuchañuma ꞌinun. Nuxnu abë ꞌimainuan Cristo axribi nubë ꞌicëbëtanu ax cuëëncësabi oquin ꞌanun ca Nucën Papa Diosan nun ꞌuchacama a ꞌináncëxa.

Efesios 1:12

Nun nu an sinánmicëxun upí oquin ñu ꞌaia isquian uni raírinënribi a rabinun ca nux pain Cristomi catamëcë ꞌaíshnu ax cuëëncësabi oi ꞌinun nu caísacëxa.

Efesios 1:14

Aín Bëru Ñunshin Upí axa nubë ꞌain cananuna ꞌunanin, anúan Nucën Papa Diosan an caíscë aín unicama biti nëtë sënë́ncëbë cananuna aín nëtënu abë ꞌiti ꞌain, ax quiásabi oi. Ax cushiira ꞌixuan nuibaquin ꞌimicëxunu a rabinun ca usai ꞌiti ꞌicën.

Efesios 1:18

ꞌImainun cana mitsu ñucáxunin, an ꞌimicëx caramina uisairai ënë nëtënuax Jesucristosaribi ꞌaish upí sinánñu ꞌiti ꞌai quixunmi mitsun ꞌunánun. Ñucánan cana uisairai caramina aín nëtënu abë ꞌaish, axa ami catamëcë unicamabë ꞌiti ꞌai quixunmi ꞌunánun mitsu ñucáxunin.

Efesios 2:7

Jesucristonan ꞌaíshnu usai ꞌicë isquían camabi unin uisaira oquin cara an nu nuibatia quixun nëtë xënibucëbëtanbi isnun ca Nucën Papa Diosan usaínu ꞌinun mëníocëxa.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Filipenses 3:9

Usa ꞌaish cana usai judíos unicama ꞌiti Moisésnën cuënëo bana quicësabi oquin ꞌacë cupíma axa ꞌëbë ꞌinun Cristomi catamëcë cupíshi Nucën Papa Diosan iscëx upí ꞌain. Usa ꞌicë ca an axa Cristomi catamëcë aín unicama ꞌacësaribi oquin Nucën Papa Diosan ꞌë upí isia.

Filipenses 4:19

A ꞌën rabicë Nucën Papa Dios, an ca ami cuëëncë ñu mitsu ꞌinánti ꞌicën. Jesucristonëan mitsu ainan ꞌinun ꞌimicë ꞌicë ca Nucën Papa Dios ax camabi ñun ꞌIbu ꞌixun mitsúnmi cuëëncë ñu a ꞌinánan mitsu ꞌaquinti ꞌicën.

Colosenses 1:13

Ñu ꞌatima ꞌatishi sinánan nux cuëëncësabi oíshi ꞌiisa taniabi ca Nucën Papa Diosan aín nuibacë Bacë Bëchicënan ꞌinun nu ꞌimiaxa.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

1 Pedro 4:11

Uix cara banati ꞌicë, ax ca Nucën Papa Diosan sinánmicësabi oi banati ꞌicën. Uin cara raíri uni ñu ꞌaxunia an ca Nucën Papa Diosan cushiocëxun upí oquin ꞌati ꞌicën. Usoquin camina Jesucristonan ꞌixun, añu ñu caramina ꞌai a Nucën Papa Diosa cuëëntanun ꞌati ꞌain. Ax ꞌApuira ꞌaish cushiira ꞌicë ca camabi unin rabiti ꞌicën, nëtë xënibua ꞌaínbi. Usaquin ca ꞌati ꞌicën.