Efesios 1:4 - Kashibo-Kakataibo Biblia

⁴ Mecama uniocëma ꞌixunbi ca Nucën Papa Diosan Cristo cupínu an iscëx ꞌuchañuma ꞌianan ainanshi ꞌinun nu caísacëxa.

Nukën 'Ibu Diosan ain unikama 'inan ain bana

⁴ Mecama uniocëma 'ixunbi ca Nucën Papa Diosan Cristo cupínu an iscëx 'uchañuma 'ianan ainanshi 'inun nu caísacëxa.

Efesios 1:4 Iomraidhean Croise

2 Samuel 22:24

ꞌËx kana Diosan kakësa ꞌoíshi ñu ꞌatima ꞌaíma tsóakën; usai ꞌikana ꞌatima ñu ꞌatimi rakuëakën.

Isaías 42:1

Ësai ka Nukën ꞌIbu kiakëxa. Ënu ka ꞌën kuëënkësabi okin ꞌati ꞌën kaískë uni ax ꞌikën, ënëx ka ꞌëx a isi ꞌitsaira kuëënkë a ꞌikën, usa ꞌain kana ꞌën bëru ñunshin a ꞌinan, usa ꞌixun ka kamabi menu ꞌikë unikama upíokian ñu ꞌanun ꞌamiti ꞌikën.

Levítico 19:2

Kamabi Israel unikama kamina ësokin kati ꞌain: mitsux kamina upí ꞌiti ꞌain, ꞌëx kana mitsun Dios ꞌaish uisa ꞌuchañumabi ꞌain, usa ꞌain kamina mitsúxribi upí ꞌinuxun uisa ꞌuchabi ꞌatima ꞌain.

Mateo 24:22

Anúan paë tani nëtë́xa cëñúcëbëma ca usabi ꞌi camabi unix bamati ꞌicën. Usa ꞌaínbi ca Nucën Papa Diosan, ainan ꞌinun an caíscë unicama nuibaquin, atu cupí anúan unin paë tanquin tëmërati nëtëcama sënë́nmiti ꞌicën.

Mateo 24:24

Anúan usoquin unicaman tëmërati nëtë ucëbëtan ca unin ax asérabi ama ꞌixunbi —ꞌëx cana Cristo ꞌai —quixun paránti sinánquin unicama canuxun ꞌaia. Usaribiquin ca uni raírinën cëmëquin —ꞌën cana Nucën Papa Dios quicë bana unicama ñuixunin —quixun unicama canuxun ꞌaia. Cana ca unicama paránti sinánquin, uni itsían ꞌacëma ñu ꞌanuxun ꞌaia. ꞌAquin ca Nucën Papa Diosan ainan ꞌinun caíscë unicamaribi paránti sinánuxun ꞌaia.

Mateo 24:31

Manë banañu bana ocëbë uquin cana ꞌën ángelcama xuti ꞌain, ꞌënan ꞌinun ꞌën caíscë unicama camabi menua ꞌëbëa ꞌinun ꞌë timëxunun.

Mateo 25:34

Usai ꞌitancëxun cana ꞌëx ꞌApuira ꞌixun axa ꞌën mëqueu ꞌicë unicama cati ꞌain: ꞌËn Papa Diosan ca mitsu upí oquin sinánxunia. Mecama ꞌimainun anu ꞌicë ñucama unioquin ca an mitsu sinánxunquin anu mitsux abë ꞌiti mëníocëxa. Ax quiásabi oi camina bërí anu ꞌiti ꞌain.

Juan 10:16

Bëtsi carneroñuribi cana ꞌain. A ꞌaíshbi ca ënë cënënu ꞌicëma ꞌicën. Aribi cana ënë cënënua ꞌinun bëti ꞌain. Acamanribi ca ꞌën bana cuati ꞌicën. Usaquin ꞌën ꞌacëx ca ꞌën carnerocamax achúshi cënënushi ꞌiti ꞌicën, achúshishi ca an a bërúancë ꞌiti ꞌicën.

Juan 15:16

ꞌËx mitsun ꞌibu ꞌinúnmi ꞌë caíscancëxunmabi cana ꞌënan ꞌinun mitsu ꞌënbi caísan. Usotancëxun cana mitsúnmi ꞌën sinánsaribi ꞌixun upí ñuishi ꞌanun mitsu can, xënibua ꞌaínbia Nucën Papa Dios cuëënun. Usaquin ꞌaia ca ꞌëx cuëëncësabi oquinmi ñucácëxun mitsu ꞌaxúnti ꞌicën.

Juan 17:24

Papan, ënë nëtë unitisama pan ꞌain camina ꞌë nuibaquin misaribi ꞌinun min cushi ꞌë ꞌináncën. Usa cana ꞌëx ꞌai quixun isnúxa minmi ꞌë ꞌináncë unicamax anu ꞌëx ꞌicë anuribi ꞌëbë ꞌiti cana cuëënin.

Hechos 13:48

Usoquian caia cuati ca judíosma uni raírinëx cuëëni, —Nucën Papa Diosan bana ënëx ca asábi ꞌicë —quiacëxa. Usa ꞌaish ca uicamax cara Nucën Papa Diosnan ꞌaish xënibua ꞌaínbi abë ꞌiti ꞌicë acamax Jesucristomi catamëacëxa.

Hechos 15:18

Usai cana mitsun ꞌIbu Dios an ënë banacama bëráma ñuiá ꞌëx quin.

Romanos 8:33

¿An ainan ꞌinun caíscë unicamaxa an iscëx upí ꞌain cara uin Nucën Papa Dios —min unix ca ꞌuchaxa —quixun cati ꞌic? Usaquin cacëxunbia an —ax ca ꞌuchañuma ꞌicë —quixun cati ca Nucën Papa Dios ꞌicën.

1 Corintios 1:8

Nucën ꞌIbu Jesucristo utëcëncëbëtan uinu ꞌicë unínbi mitsu ñuiquin —a unix ca ꞌatima ñu ꞌacë ꞌicë —quixun canúnma ca Nucën Papa Diosan mitsúnmi ami catamëquin ꞌatima ñu ꞌaxunma ꞌanun ënquinma mitsu bërúanti ꞌicën.

Gálatas 5:13

ꞌËn xucë́antu, mitsun ñu ꞌacë cupíma Cristomi catamëcë cupíshi an iscëx upí ꞌinun ca Nucën Papa Diosan mitsu caísaxa. Usa ꞌixun camina mitsux cuëëncësabi oquin ñu ꞌatima ꞌati sinántima ꞌain. Usaquin ꞌaíma camina bëtsibë nuibanani asérabi ꞌaquiananti ꞌain.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Efesios 2:10

Cristo Jesús nubë ꞌinúan an ꞌimicëxun ñu upíshi ꞌanan nun sinan bëtsi ꞌinun ca an mëníosabi oquin nu ꞌimiaxa.

Efesios 3:17

ꞌImainun cana Cristomi catamëtia an mitsubë ꞌixun an cushiocë ꞌaish, uisai cara ꞌíbi bëtsibë bëtsibë nuibananquinmi,

Efesios 4:2

Cuamiananima camina upí sinánñu ꞌaish upiti banati ꞌain. Bënëtishi nishíma camina bëtsibë nuibanani ꞌaquiananti ꞌain.

Efesios 5:2

Nucën Papa Dios cuëëncësabi oquin judíos unin aín ꞌucha cupí rëcë́xa carnero ꞌiásaribiti ca bamatsianxmabi Cristo nu nuibati nun ꞌucha cupí bamacëxa, ami catamëtíshinu ië́nun. Cristonëan nu usoquin nuibacë ꞌain camina mitsúxribi usaribiti bëtsibë bëtsibë nuibananti ꞌain.

Efesios 5:27

Usoquin ꞌimitancëx utëcënxun ca aín unicama uisa ꞌuchañumabi ꞌianan Nucën Papa Diosan iscëx atun ñu ꞌatima ꞌacë ëni upí ꞌicë isti ꞌicën.

Filipenses 2:15

bëtsi unicaman, mitsúxmi ñu ꞌaisama ꞌaíma Nucën Papa Dios cuëëncësabi oíshi ꞌia isnun. Usai ꞌia ca ꞌaisama ꞌaísha ax ami sináncëma unicaman, Nucën Papa Diosan bëchicë ꞌaíshmi mitsun nuitu upí ꞌicë isti ꞌicën. Usa ꞌaish camina mitsux ꞌispacaman bëánquibucë ꞌicëbi pëcacë usaribi ꞌain,

Colosenses 2:2

Mitsúnmi Cristomi cushicë ꞌaish bëtsibë bëtsibë nuibanani achúshisaishi ꞌianan upí oquin a ꞌunáncëma ꞌixunbi bërí Cristo ꞌunánquin, uisaira oquin cara mitsu ꞌaquinti ꞌicë quixun ꞌunánun, cana mitsu Nucën Papa Dios ñucáxunin.

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

1 Tesalonicenses 3:12

Mitsúnmi bëráma ꞌicësamairai upitiira bëtsibë nuibananquin raíri uniribi nuibanuan, Nucën ꞌIbu Jesucristonën mitsu ꞌaquinti cananuna cuëënin, usai ꞌiquinmi nun mitsu ꞌacësaribi oquin mitsun camabi uni nuibanun.

1 Tesalonicenses 4:7

Nucën Papa Diosan ca usaquin ñu ꞌatima ꞌanux ainan ꞌinun nu ꞌimicëma ꞌicën. Ama. Ax cuëëncësabi oquin ꞌai upíshi ꞌinun ca nu ainan ꞌimiaxa.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

2 Timoteo 2:10

An sinánmicëx ca ꞌitsa uni Nucën Papa Diosnan ꞌinux Cristo Jesúsmi sinánti ꞌicën. Acamaxa aín ꞌuchacama tërë́ncë ꞌianan Cristo Jesúsbë ꞌaish xënibua ꞌaínbi Nucën Papa Diosnan ꞌinun cana unían tëmëramicëxunbi tanshiti cuëënquin a bana ñuin.

2 Timoteo 2:19

Unían bëtsi bëtsi ñu sináncë ꞌaínbi ca sinanatëcë́ntima oquian, xënibua ꞌaínbi usabi ꞌiti oquin, Nucën Papa Diosan ꞌinan bana, ënëx ësai quia: “Uicamax cara asérabi ainan ꞌicë quixun ca Nucën ꞌIbu Diosan ꞌunania”. Quianan ca ësairibi quia: “Uicamax cara —ꞌëx cana Cristonan ꞌai —quia, an ca ñu ꞌaisama ꞌati ënti ꞌicën”.

Santiago 2:5

ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.

1 Pedro 1:2

An sinánsabi oquin ainan ꞌinun ca Nucën Papa Diosan mitsu caísacëxa. Aín Bëru Ñunshin Upitan ꞌimicëxmi ainanshi ꞌaish ax quicësabi oi ꞌinun mitsu ꞌimianan ca Jesucristo bama cupí mitsun ꞌuchacama tërë́nquin mitsun nuitu upí ꞌimiaxa. Usaími mitsux Nucën Papa Diosan nuibacëx ꞌicësamaira oi chuámarua ꞌaish bucucanti cana cuëënin.

1 Pedro 1:20

Cristo ca usai ꞌiti ꞌicë quixun ca camabi ñu unioisama pain ꞌixunbi Nucën Papa Diosan mëníocëxa. Usaquian mënío ꞌain ca aín uti nëtë sënë́ncëbëishi usai ꞌinux Cristo ënë menu uacëxa, mitsúxmi ami catamënun.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

2 Pedro 3:14

ꞌËn nuibacë xucë́antu, usaía ꞌiti caíncë ꞌaish camina Nucën Papa Diosan ꞌuchañumarua isanan uisa ñu ꞌatimabi ꞌacëma isti cupí ñu ꞌatima ꞌaíma unicamabë nuibananishi upitax bucuti ꞌain.

1 Juan 4:16

Usa ꞌain cananuna asérabi ꞌunanin, Nucën Papa Diosan ca nu nuibatia quixun. Nucën Papa Dios ax ca an unicama nuibairacë a ꞌicën. Usa ꞌain ca an aín sinan upí ꞌixun uni nuibacë uni ax Nucën Papa Diosbë ꞌicën. ꞌImainun ca Nucën Papa Diosribi a unibë ꞌicën.

Apocalipsis 13:8

Ënë menu bucucë, ui unicamax cara me uniotabacë ꞌain, Carnero ꞌicësaribitia unin ꞌucha cupí bama, aín quiricanu aín anë cuënëoma ꞌicë, a unicaman ca axa parúnpapanuax uax ꞌirucë ñuinacanꞌëo aín bana cuanan rabiaxa.

Apocalipsis 17:8

A ñuinacanꞌëo a min iscë, ax ca ꞌiacëxa, ꞌaíshbi ca bërí ꞌaíma ꞌicën. Ca quini cha nëmíinra anu ꞌicën. Anu ꞌaíshbi ca anu xënibua ꞌaínbi paëira tani tëmërati anu cuanux, quini cha nëmíinra anuax chiquíti ꞌicën. A ñuinacanꞌëo anua xanu tsócë, axa parúnpapanu ꞌia, axa anu ꞌiá, ꞌaíshbi nëtë́a ꞌaish utëcënia isi ca a Nucën Papa Diosan nëtënu ꞌiti oquin nëtë ióñubi aín anë cuënëoma unicama, ax ratúira ratúti ꞌicën.