Efesios 1:10 - Kashibo-Kakataibo Biblia

¹⁰ Ësaquin ca nu ꞌunánmiaxa: An ca anúan ax utëcënti nëtëa sënë́ncëbëtan Cristo xuti ꞌicën, an unio ñucama, naínu ꞌicë ꞌimainun menu ꞌicë aín ꞌibua ꞌinun.

Nukën 'Ibu Diosan ain unikama 'inan ain bana

¹⁰ Ësaquin ca nu 'unánmiaxa: An ca anúan ax utëcënti nëtëa sënë́ncëbëtan Cristo xuti 'icën, an unio ñucama, naínu 'icë 'imainun menu 'icë aín 'ibua 'inun.

Efesios 1:10 Iomraidhean Croise

Génesis 49:10

Uínbi ka aín kushi Judá bikuantima ꞌikën, ꞌimainun ka aín manë tsati ꞌapun tuinkë ꞌikëa tuinkë a bikuantima ꞌikën, a manë tsatin ꞌibuka unuxun ꞌaia usa ꞌain ka kamabi menu ꞌikë unikaman ax kikësabiokin ꞌanuxun ꞌaia.

Daniel 2:44

Usa ꞌain ka ënë ꞌapukaman, tsókëpan aín unikama ꞌapu ꞌixun ꞌakinkëbëtan Dios naínu ꞌikë an achúshi me anu ꞌapu ꞌikë uinsaranbia bëtsi menu ꞌikë ꞌapukaman masókin atun sinánkësa okin ꞌanun ꞌimitima ꞌikën, usa ꞌixun ka ainra kamabi këñukin bëtsi menu ꞌikë ꞌapukama ꞌatankëx axira uínsarabi këñútimoi ꞌapu ꞌiti ꞌikën.

Amós 9:11

A nëtë ꞌikëbëtan kana ꞌën David ꞌapu ꞌain ꞌasaribiokin Israel unikama ꞌapuñu ꞌinun ꞌimiti ꞌain. ꞌImikin kana kamabi ñukama anu ꞌikë akama ꞌatëkënun ꞌamiti ꞌain,

Malaquías 3:1

Nukën ꞌIbu kamabi kushiñu ax ka ësai kia: “ꞌËn kana an ꞌën bana ñuiti uni xutin, usa ꞌixun ka unikama ꞌën bana ñuixunkëx bai mëniokësa ꞌitánun sinanamikin ñuixunti ꞌikën. Nukën ꞌIbu Dios ami mitsun kainkë ax ka ënuax basimashi anuxun a rabiti xubunu bëbati ꞌikën. ¡A mitsun kainkë uni ax ka uisai kikë kara achúshi ñu ꞌakë kikë bana ax ꞌikë kixun, anbi mitsu ñuixuni aia!”

Mateo 25:32

ꞌËx usa ꞌain ca camabi menu ꞌicë unicama ꞌën ángelcaman bëcëx ꞌënu timë́cë ꞌiti ꞌicën. Anua timë́cë isquin cana ꞌën unicama amo sëtënánan ꞌënanma unicama amoribi sëtënati ꞌain, an ꞌaracacë ñuina unin aín carnerocama amo bucunanan aín chivocama amo bucunacësaribi oquin.

Marcos 1:15

Ñuibiani cuani ca ësai quiacëxa: —Anun Nucën Papa Diosan ainan ꞌiti unicama aín uni ꞌimiti nëtë ca ꞌurama ꞌicën. Mitsux ami sináncë ꞌixunmabi sinanati ca anun aín uni ꞌinux ië́ti bana sinan.

1 Corintios 10:11

Nucën raracama usai ꞌiá, anu nun Jesucristomi catamëti ainan ꞌixun ꞌunánun ca Nucën Papa Diosan Moisés cuënëomiacëxa.

1 Corintios 11:3

Ënë banaribi cana mitsúnmi ꞌunánun ësaquin mitsu cain, Cristonën aín Papan bana cuacësaribi oquin ca camabi unin Cristonën bana cuati ꞌicën. Usaribi oquin ca camabi xanun aín bënën bana cuati ꞌicën.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

Efesios 1:22

Nucën Papa Diosan ca camabi ñu, uni, ángel, acaman ꞌibu ꞌinun Cristo ꞌimiacëxa. ꞌImianan ca axa ami catamëcë unicaman ꞌiburibi ꞌinun ꞌimiacëxa.

Efesios 2:15

Ax camabi unin ꞌucha cupí bamaquin ca Cristonën nux judíos uni ꞌixun Moisésnën cuënëo bana quicësabi oquin ꞌacë cupíma ami catamëcë cupíshi Nucën Papa Diosnan ꞌiti mëníocëxa. Usouni ꞌicësaribitia judíosma uniquin ca nux judíos uni ꞌaish ꞌicësaribitimi mitsúxribi ami catamëcë cupí ainan ꞌinun ꞌimiaxa. Usa ꞌain cananuna camáxbi ainan ꞌaish sënën ꞌain.

Efesios 3:15

Ax ca menu ꞌicë unicama ꞌimainun naínu ꞌicë ángelcamaribi an unio ꞌaish acaman ꞌIbu ꞌicën.

Efesios 3:2

Mitsúnbi camina ꞌëa ñuicania cuaquin ꞌunánti ꞌain, mitsu nuibaquin ca Nucën Papa Diosan Cristo ñuiquin aín bana mitsu ñuixunun ꞌë cacëxa quixun.

Colosenses 1:16

Nucën Papa Diosan uniomicëxun ca aín Bëchicënën naínu ꞌicë ñucama ꞌimainun menu ꞌicë ñucamaribi ꞌanan bëtsi bëtsi ñu unin aín bërúnbi iscë ꞌimainun unin iscëma ñucamaribi uniocëxa. Usonan ca ángelcama ꞌimainun uisa cushi cara, acamaribi uniocëxa, ainan ꞌaish ax cuëëncësabi oi ꞌinun.

Colosenses 1:20

Aín nuitu ꞌaisama ꞌaísha uni abë upꞌi ꞌitima ꞌaínbi ca Nucën Papa Dios cuëëncësabi oquin Cristonën i curúsocënu bamaquin ënë menu ꞌicë ñucama ꞌimainun naínu ꞌicë ñucamaribi an iscë́xa upí ꞌinun mëníocëxa.

Colosenses 3:11

Judíosma unicama ꞌimainun judíos unicama, ꞌunántioracacë unicama ꞌimainun ꞌunántioracacëma unicama, bëtsi menu ꞌicë unicama ꞌimainun raëcëma unicama, an uni ñu mëëxuncë unicama ꞌimainun an uni ñu mëëxuncëma unicama, a unicamaxbi ca Cristonan ꞌaish bëtsibë sënën ꞌicën. A unicamaxbi ca Cristo abë ꞌain Cristonainshi ꞌicën.

Hebreos 1:2

Bëráma usaquin nucën raracama ꞌunánmia ꞌaínbi ca an xucëxun aín Bëchicë anbi aín Papan bana unicama ñuixuancëxa. Nucën Papa Diosan ca aín Bëchicë camabi ñu uniomiacëxa. Usa ꞌain ca an camabi ñu, naíu ꞌicë ángelcama ꞌimainun, ënë menu ꞌicë unicama ꞌimainun, camabi ñu unio ꞌicë aín Papan a ꞌibuamiacëxa.

Hebreos 11:40

A ñucama ꞌunánma ꞌaíshbi ca utancëxa Cristo bama cupí nux ꞌicësaribiti, axa bëráma ami sinan unicamax Nucën Papa Diosan iscëx upí ꞌianan asérabi ainan ꞌaish nubë aín nëtënu nëtë́timoi ꞌiti ꞌicën. Usai ꞌicëbë ca camáxbi Nucën Papa Diosan aín unicama cásabi oi ꞌinuxun ꞌaia.

Hebreos 9:10

Nucën Papa Diosan ca usoquin judíos unibunën ꞌati ñuiquin bëtsi bëtsi ñuina nami pitima ꞌimainun amiribi amiribi mëchucati, usa ñucama ꞌanun quixun mëníocëxa. Usai a banacama quicësabi oi ꞌibi ca atun nuitu upí ꞌima. An Jesucristo xuisama pain ꞌaían judios unibunën usa ñucama ꞌanun ca Nucën Papa Diosan mëníocëxa.

1 Pedro 1:20

Cristo ca usai ꞌiti ꞌicë quixun ca camabi ñu unioisama pain ꞌixunbi Nucën Papa Diosan mëníocëxa. Usaquian mënío ꞌain ca aín uti nëtë sënë́ncëbëishi usai ꞌinux Cristo ënë menu uacëxa, mitsúxmi ami catamënun.

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.