Eclesiastés 3:3 - Kashibo-Kakataibo Biblia

³ Anu ka anun ñu ꞌati nëtëribi ꞌikën, ꞌimainun ka anun ñu ronti nëtëribi anu ꞌikën. Anu ka anun ñu ꞌatima oti nëtë ꞌikën, ꞌimainun ka anun ñu mëníoti nëtëribi anu ꞌikën.

Eclesiastés 3:3 Iomraidhean Croise

Génesis 9:6

Uin kara bëtsi uni ꞌaia, aka bëtsi unínribi ꞌati ꞌikën. Unix ka Nukën ꞌIbu Diosan a iskësabi okin unio ꞌikën usa ꞌain.

Isaías 44:26

ꞌAínbi kana ꞌën unikamaxa usai ka ñu ꞌiti ꞌikë kikësaibia ñu ꞌinun ꞌimin, ꞌimianan kana ꞌën xukë unikaman sinánkësa oia ñu ꞌinun ꞌimin. ꞌËx kana Jerusalén ëmanu ka amiribishi uni tsótëkënti ꞌikë kin, ꞌianan ka Judá ëmanu ꞌikë ëmakama ka amiribishi birutëkënti ꞌikë kiax kin. ꞌËn kana an ñu mëëkë unikaman amiribishi axa ami nishkë unikaman aín kënëkama rurupa a birutëkënun ꞌaminuxun ꞌain.

Isaías 6:10

Ënë unikama kamina upíokin sinánxuma ꞌanun ꞌimiti ꞌain; ꞌimianan kamina atun pabitan kuakinbia aín pabí xëpúkësa ꞌixuan kuakasmanun ꞌimiti ꞌain; ꞌimianan kamina iskinbia aín bëru bëpankësa ꞌixun iskasmanun ꞌimiti ꞌain. Usa ꞌixun ka kuatima ꞌianan istimabi ꞌikën, usai ꞌikin ka atun ꞌën bana kuatíbi ꞌëmi sinanatima ꞌikën, ꞌën atun ꞌakë ꞌuchakama mëníoxunun.”

Jeremías 1:10

ꞌËn mi bërí ꞌunánmikë bana usakinbi kamina kati ꞌain. Bërí kana usakin ñukama ꞌakin anua ꞌapu ꞌikë ëmakama ꞌimainun bëtsi menu ꞌikë ëmakama, ñankáishi ꞌitánun masókin rurupakin, ꞌatima okin këñutankëxun mi, amiribishi birukin ꞌatëkënun mi kain.

Jeremías 31:28

ꞌImainun kana uisokin karana ꞌën bërámabi ëchíkin rurupakin menu pakëtanun ꞌaisama okën usaribikin, bërúanxun amiribishi birutëkënkin ꞌanun ꞌamitëkënti ꞌain. ꞌËx mitsun ꞌIbu ꞌaish kana asérabi ësai kin.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.

1 Samuel 2:25

Achúshi uníxa bëtsi unimi ꞌatimati banakë a ka Nukën ꞌIbun mëníoti ꞌikën; ꞌaínbi ka achúshi uníxa Nukën ꞌIbu ñui banakë a ¿kara uin mëníoxunti ꞌik? Kixun kakëxunbi ka aín papan bana atun kuaisama tankëxa, usai ka Nukën ꞌIbunbi usai ꞌia atu këñumiti sinánkë ꞌain ꞌiakëxa.

1 Samuel 2:6

Usa ꞌain ka Diosan uni tsónun ꞌimianan bamanun ꞌimia; ꞌimianan ka anu uni mainkënu ꞌimixunbi, anuabi uni baískimi tëkënia.