Daniel 9:4 - Kashibo-Kakataibo Biblia

⁴ Ñukákin kana ësakin Dios kakën: Nukën ꞌIbu Dios chaiira ꞌianan kushiira min kamina mix kikësabiokin ñu ꞌakin, nuibanankë ꞌixun min kikësabiokin kara min unikama ñu ꞌaia isin, a tanti min bana a kara asérabi ꞌaia kixun isin:

Daniel 9:4 Iomraidhean Croise

1 Reyes 8:23

munuma banakin Dios ñukákëxa: “Israel unikama nun Dios: naínu ꞌianan ka menubi min ꞌakësaribi okían an ñu ꞌakë dios achúshirabi ꞌaíma ꞌikën, usa ꞌixun kamina mix kiásabiokin an min bana asérabi kuëënkin ꞌakë akamaishi ꞌakinin;

Nehemías 1:5

Ñukákin kana ësokin kakën: “Nun ꞌIbu Dios naínu ꞌikë mix kamina chaiira ꞌianan ax rakuënmianankë a ꞌain, usa ꞌixun kamina mix kia bana kikësabiokin ꞌanan uin kara min bana kikësabiokin ꞌaia akama nuibatin;

Nehemías 9:32

Mix kamina chaiira ꞌianan Dios kushiira ꞌain ꞌimainun ka kamabi unix mimi rakuë́tia, usa ꞌaish kamina Dios ñu ꞌakatsi kiax kana ꞌaima kikínma an ñu asérabi ꞌakë a ꞌain, ꞌimainun kamina uínsaranbi nu nuibakin ënkëma ꞌain, minbi kamina isan uitishi kara nun ꞌapukama ꞌimainun ain kushikama ꞌianan, nun sacerdote ꞌimainun an min bana ñuikë unikamabë nun chaitiokëkama ꞌiásaribiti tëmëraia, a nëtëkaman Asiria ꞌapun aín suntárukamabëtan ꞌakëxnu ꞌia usaibi kananuna bëríbi tëmërai ꞌin.

Salmos 32:5

ꞌAínbi kana ꞌën ꞌakë ñukama këñun ꞌën ꞌuchakama mimi unpukinmaira chikinaxuankën; ꞌën ꞌuchakama mi chikinaxunti sinánkin kana usakin ꞌakën, ꞌaia kamina mix ꞌËn ꞌIbu ꞌixun ꞌën ꞌakë ꞌuchakama ꞌë mëníoxuakën.

Éxodo 20:6

ꞌaínbi kana an ꞌëx kikësabiokin ꞌakë unikama a xënibua ꞌaínbia aín rëbúnki kamax ax kikësabira oi ꞌiti bana a ꞌaia nuibati ꞌain.

Daniel 6:10

Usokin a bana kuënëokë ka Danielnën kuakëxa, kuabiani ka aín xubunu kuankëxa, kuanx atsínxun ka anua uxkë anua ꞌikë ain xëputi chukúmakama Jerusalénmi okin xësunkin ꞌakë a xëókatankëx rantinpuruni tsóbukin Dios ñukákin rabiakëxa. Usokin ka rabë́ ꞌimainun achúshi okin achúshi nëtën nëtën an ꞌakësabiokin ꞌakëxa.

Daniel 9:3

Usa ꞌain kana añu ñubi pima chupa xëni pañuax chimapunu tsókin ësokin Dios ñukákën.

Lucas 1:72

Usaquin nu nuibaquin ꞌaquinquin ca Nucën Papa Diosan nucën raracama cásabi oquin nu ñu ꞌaxunti ꞌicën. A bana, nucën raracaman rëbúnquinëx ca aín unibu ꞌiti ꞌicë quiax quicë, a ca manucëma ꞌicën.

Romanos 8:28

Cananuna ꞌunanin, Nucën Papa Diosan ca uisa ñu cara ꞌia abi, ax ami sináncë unicamaxa an ꞌaquincëx, upí ꞌinun mëníoxunia, atúan ax cuëëncësabi oquin ñu ꞌamainun. A unicama ax cuëëncësabi oquin ainan ꞌinun sinánmicë ꞌixun ca Nucën Papa Diosan usoquin ꞌaia.

Deuteronomio 7:12

Ësokin ka Moisésnën aín aintsi Israel unikama raíri kakëxa: Asérabi mitsun ꞌën ꞌunánmikë bana ënëkama kikësabiokin ꞌakëbëtan ka Diosan an nun chaitiokëkamabëtan achúshi ñu ꞌakin kásabiokin mitsu ꞌakinti ꞌikën.

Deuteronomio 7:21

Usa ꞌain kamina atumi rakuë́tima ꞌain, nukaman ꞌIbu Dios kushiira ax, mitsubë ꞌain ka atux mimi rakuë́ti ꞌikën.

Deuteronomio 7:9

Asérabi kamina ꞌunánkanti ꞌain, Nukën ꞌIbu Dios ax ka asérabi Dios ꞌikë kixun, usa ꞌixun ka an aín chaitiokëkama bërí ꞌama ꞌixun aín rëbúnkikamaribi uikaman kara ax kikësabiokin aín bana ꞌaia a unikama nuibatia;

Santiago 1:12

An uisa ñu cara ꞌicëbëbi bënë́quinma tanshiquin Jesucristomi catamëti ëncëma unicama a ca usaía ax ami sináncë unicama ꞌiti ñuia quiásabi oquin Nucën Papa Diosan aín nëtënu abë ꞌaish chuámarua ꞌaish cuëënun ꞌimiti ꞌicën.

Santiago 2:5

ꞌËn nuibacë xucë́antu, ꞌën mitsu camainun ca cuat. Nucën Papa Diosan ca axa ënë menuax ñuñuirama unicama a caísia, atúxa ami upiti catamëcë ꞌianan aín nëtënu abë ꞌinun, an nuibacë unicamax ca usai ꞌiti ꞌicë quiáxa aín bana quicësabi oquin.