Daniel 7:4 - Kashibo-Kakataibo Biblia

⁴ Usai ꞌi ka anpan chikíkë ax paru ꞌinúansa ꞌiaxa, ꞌaíshbi ka tëtëkamë ꞌëon pëchisa ꞌiaxa. Usa ꞌaíshbi ka aín pëchikama ëchikicëbë, menuax nirui aín taë kaxú ꞌikëkama ami tatíki niruaxa, usai ꞌikëbë ka aín sinánkëkama ax unin sinánsaribi ꞌiaxa.

Daniel 7:4 Iomraidhean Croise

2 Samuel 1:23

Saúl ꞌimainun Jonatán ax ka kamabi israel unikaman axa upí uni ꞌikë nuibakë ꞌiakëxa, ꞌianan ka tsókëpan ꞌaish ꞌiásabi ñuaxi atubë ënanankëma ꞌikën. ¡Ax ka tëtëkamë ꞌëo nuankësamaira ꞌianan! ¡Paru ꞌinuán kushisamaira ꞌiakëxa!

Daniel 2:38

ꞌimianan ka minmi kamabi menu tsókë unikamaribi isanan, ñuinakama ꞌimainun pëchiu ñuinakamaribi isti mi ꞌimiaxa; usa ꞌain ka an mix ꞌapu ꞌikë kamabi kushi mi ꞌinánxa, usa ꞌain kamina mix aín maxká kuri ꞌakëmi iskë usa ꞌain.

Daniel 4:36

Ësai banai sënënishi kana a nëtënbi ꞌën ꞌatimakin sinánkë a mëniokatëkëni pëxkúti amiribishi upíokin sinánkën. Usai ꞌia ka ꞌëx ꞌapu ꞌaia aín kushikama ꞌixun an bana mëníokë unikama ꞌimainun an uni bana ñuixunkin ꞌësëkë akama ꞌënu utëkëankëxa, uxun ka amiribishi ënë menubi ꞌapu ꞌinun ꞌë ꞌimiakëxa, ꞌimikëx kana bëráma ꞌiásamaira ꞌinun ꞌapu ꞌitëkëni chaiira ꞌapu ꞌianan kushiira ꞌapu ꞌiakën, usai ꞌi mënin sinánñushi ꞌia ka usa ka a ꞌapu ꞌikë kixun unin ꞌunánkë ꞌiakën.

Daniel 7:12

ꞌImainun ka raíri ñuinakan ꞌëo aribi aín kushi bikuanxa, ꞌaínbi ka anúan ꞌati aín hora ꞌitámainun tsópainun ëanxa.

Daniel 7:5

Usai ꞌikëbë ka bëtsi axribi xaëónsa ꞌiaxa, usa ꞌaish ka amo chairukësa ꞌianan, aín putu rabë́ ꞌimainun achúshiribi ax ka aín xëtakama anu ꞌikë anuribi ꞌiaxa; usa ꞌain kana ësai kia ꞌën kuan: ¡Nirukin kamina uiti nami kaina ꞌaisatani anu sënën nami piti ꞌain kiax ka kiaxa!

Mateo 24:28

Unix ca quia —uinu cara ñuina bamacë ꞌicë anu ca xëtë cëñúbuti ꞌicën. Usai ca ꞌiti ꞌicën.

Apocalipsis 13:2

A parúnpapanuax uax ꞌirucë ñuinacanꞌëox ca paru ꞌinúansa ꞌianan aín taë xaë́on taësa ꞌianan aín cuëbitax ꞌinúan cuëbísa ꞌiaxa. A parúnpapanuax uax ꞌirucë ñuinacanꞌëo ca capë́sa ñuinacan aín cushi ꞌinánan, aín bana cuacësaribi oquin aín bana cuanan unicaman an sinánmicësa oquin ꞌanun ꞌimiaxa.