Daniel 7:3 - Kashibo-Kakataibo Biblia

³ Usai ꞌikëbëshi ka ꞌën usakin sinánkë ꞌaímabi rabë́ ꞌimainun rabë́ribi ñuinakan ꞌëo ꞌën iskëx raíri iskësamabu ꞌaish parúmpapanuax chikíaxa.

Daniel 7:3 Iomraidhean Croise

Daniel 7:17

A ñuinakan ꞌëo rabë́ ꞌimainun rabë́ ax ka rabë́ ꞌimainun rabë́ ꞌapu an ënë menu ꞌapu kushiirabu ꞌixun atun kuëënkësokin unikama ꞌati a ꞌikën.

Apocalipsis 13:1

Usai ꞌicëbëtan cana parúnpapa masinu nixun ñuinacanꞌëo parúnpapanuax uax ꞌiruia isan. A ñuinacanꞌëo ax ca aín matúxcanëx mëcën rabë́ ꞌimainun aín matúxcanu ꞌicë mañutiribi mëcën rabë́ ꞌiaxa. Usa ꞌaish ca aín maxcataxribi mëcën achúshi ꞌimainun rabë́ ꞌimainun, aín maxcácamanuribi Nucën Papa Dios ꞌatimaquin ñui quicë bana cuënëocë ꞌiaxa.

Apocalipsis 17:8

A ñuinacanꞌëo a min iscë, ax ca ꞌiacëxa, ꞌaíshbi ca bërí ꞌaíma ꞌicën. Ca quini cha nëmíinra anu ꞌicën. Anu ꞌaíshbi ca anu xënibua ꞌaínbi paëira tani tëmërati anu cuanux, quini cha nëmíinra anuax chiquíti ꞌicën. A ñuinacanꞌëo anua xanu tsócë, axa parúnpapanu ꞌia, axa anu ꞌiá, ꞌaíshbi nëtë́a ꞌaish utëcënia isi ca a Nucën Papa Diosan nëtënu ꞌiti oquin nëtë ióñubi aín anë cuënëoma unicama, ax ratúira ratúti ꞌicën.