Daniel 6:3 - Kashibo-Kakataibo Biblia

³ usa ꞌaish ka an ñu ꞌaia isti raíri unikamasamaira ꞌianan bënëtishi ꞌapukamasamaira ꞌixun ainra upíokin ñu ꞌakëxa; usa ꞌain ka ꞌapun axira a menu ꞌapu ꞌinun anëti sinánkëxa.

Daniel 6:3 Iomraidhean Croise

Daniel 5:12

usa ꞌikë ka Daniel a min papan Beltsasar kakin anëakëxa, ax ka an kikë bana a ꞌinumikin sinánñuira ꞌixun uisakin namákë kara a ꞌimainun ꞌunántisama bana abi kuaisabiokin ñuianan ñu ꞌaisama inuti abi ñuikë ꞌiakëxa. Usa ꞌain kamina Daniel kuëënti ꞌain, an ka uisai kara kënëkënu kuënëokë ax kia kixun mi ñuixunti ꞌikën.

Daniel 5:14

Mix ismina dioskaman bëru ñunshin upíñu ꞌai kixun ka ꞌë kaxa, ꞌimainun ismina mix upíokin sinánkë ꞌianan, sinánñuira ꞌianan ñu ꞌunáinrakë ꞌai kixun ka ꞌë kaxa.

Daniel 5:7

Usai ꞌi munuma kuënkëni ka an ñu tankë uni ꞌimainun an ñu ꞌunánkë unikama ꞌimainun an uisai kara ñu ꞌiti ꞌikë an ꞌunánkë unikama Babilonia anu ꞌikëkama ka uti ꞌikë kiax kiakëxa: —Uin kara kuënëokë a isti ꞌikën, istankëxun uisai kikë, kara a ꞌë ñuixunia a unix ka chupa upíira okin kuënëokë a pañumikë ꞌiti ꞌikën, ꞌianan ka manë risi kuri ꞌakë tëñumikë ꞌaish ꞌësaribi ꞌaish ꞌë kaxú ꞌapu ꞌiti ꞌikën.

Daniel 9:23

Minmi abë banakin kakëxumaishi ka Diosan min bana kuaxa. Usa ꞌain kana ꞌëx uisai kara ax min ñukákëx kiaxa mi kai ain, Diosan ka ꞌitsaira mi kuëënia. Usa ꞌain kamina bërí bëmë́kin uisakin namákë kara min namákësokin iskë a mi ñuixumainun kuati ꞌain: