Daniel 5:4 - Kashibo-Kakataibo Biblia

⁴ Usakin ꞌakin ka kamaxunbi unínbia a rabinuxun kuri, manë uxua, manë panshian manë tunan, i ꞌimainun maxax ꞌakë akama rabikankëxa.

Daniel 5:4 Iomraidhean Croise

1 Reyes 1:49

Ësokian ñuixunia kuati ka Adoníasnën abëtan piti kamikëx kuankë unikamax rakuëtan bamai bërëi ꞌikankëxa; usai ꞌitankëx ka kamaxi nirutankëx, amami amami kuani abisi abákankëxa.

Isaías 42:17

Uikamax kara unínbia a rabinuxun ꞌakë achúshi ñu ami katamëtia, ꞌianan ka an unioxun ñukama an ësokin kakë: mitsux kamina nun dioskama ꞌain kixun, kakë akamax ka ꞌaisamaira katë́ti ꞌuri kikë ꞌiti ꞌikën.

Isaías 42:8

ꞌËx kana min ꞌIbu a ꞌain, usakin anëkë kana ꞌëx ꞌain, usa ꞌixun kana uinu ꞌikë bëtsi dioskama ꞌë ꞌakësaribi okin rabinun ꞌamitima ꞌain, ꞌë rabikinma bëtsi dioskama rabinun mitsu ꞌamitima ꞌain.

Daniel 1:8

Usa ꞌaínbi ka Danielnën ꞌën kana ꞌapun pikë piti a ꞌimainun an xëakë a xëatima ꞌai kixun sinánkëxa, sinánkin ka an ꞌapun xubu bërúankë aín kushi, a pitikama pinun kixun ubioxuma ꞌanun kakëxa.

Daniel 4:37

Usa ꞌain kana ꞌëx Nabucodonosor ꞌixun bërí Dios naínua ꞌapu ꞌikë a rabin, an ꞌakë ñukama ax ka asérabi ꞌianan upíira ꞌikën, an ka ax isa usaira ꞌikë kixun sinani rabiakakë unikama aín kuëënkësa okin ꞌati ꞌikën.

Daniel 5:23

Usa ꞌain kamina mix ꞌapu ꞌaish Nukën ꞌIbu Dios naínu ꞌikë ami kuaikin mesanuxun ami xëakë xampakama anuxun Dios rabiti xubunua ꞌia akama bëan, bëxun kamina min kamikë unikamabëtan ami uvas baka paëokin vino ꞌakë xëakin min dioskama kuri, manë uxua, manë panshian, manë tunan, i ꞌakë ꞌimainun maxá ꞌakë mitsun dioskama rabikin ami xëan; akaman ka isima ꞌimainun kuatima ꞌianan ka añu ñubi ꞌunanima. Usa ꞌaínbi kamina Dios an mix ꞌapu ꞌikë bërúankin tsónun ꞌimikë a rabikëma ꞌain, an ka an kuëënkësa okin mi kamabi ñu min ꞌakë a ꞌanun mi ꞌamiaxa.

Daniel 5:5

Usakin ꞌakëbëbi ka a horabi achúshi unin mëkën rëbu anua tirítan nankëxun pëkakë anu mërakëxa, mërakin ka anua timëkankë ꞌukëmëu kënë uxua anu kuënëokëxa. Kuënëoia mëkën rëbu a isíshi ka ꞌapu,

Amós 6:7

Usa ꞌain kamina mitsux irapain ñatanbiankin buánkë ꞌinuxun ꞌain, usakin ꞌakëbë ka mitsumi tsuákiruxun piti ꞌakë ax nëtë́ti ꞌikën.

Habacuc 2:19

¡Mitsun kamina bëtsi dios i ꞌakë ꞌikëbi isa bësunun kain; ꞌimainun kamina maxáribi banakë ꞌikëmabi nirunun kixun kain! ¿Akamax kara usai ka ñu ꞌiti ꞌikë kiax kiti ꞌik? ¡Usama ka atux ka uni ꞌikësai tsóti anun uintiñuma ꞌikën, usa ꞌaish ka kuri ꞌimainun manën unin rataka kakëishi ꞌikën!

Hechos 17:29

Nux aín rëbúnqui ꞌixun cananuna sinántima ꞌain, ax ca unían ꞌacë curi ꞌacë ñuusa ꞌianan uxua manë ꞌacë ñuusa ꞌianan maxax ꞌacë ñuusa ꞌicë quixun.