Daniel 4:7 - Kashibo-Kakataibo Biblia

⁷ Usakin kamikëx ka an ñunshinan ꞌamikëxun ñu ꞌakë ꞌimainun, an ñu tankë ꞌianan, an ñu ꞌunánkë ꞌimainun, uisai kara ñu ꞌinuxun ꞌaia kixun an tankë, Babilonianu ꞌikëkama atux uaxa, aia kana ꞌën namákë a ñuixuan, ꞌaínbi ka atun uisakin namákë kara ax ꞌikë kixun ꞌë ñuixunkëma ꞌikën.

Daniel 4:7 Iomraidhean Croise

Génesis 41:24

A trigo bimi chushikësa ꞌimainun mënukësa an ka mapai ꞌimainun rabë́ trigo bimi upíirabu a piaxa. Usakin namáxun kana an ñu tankë unikama timëxun ñuixuan, ꞌaínbi ka atu achúshinënbi usakin namákë ka ax ꞌikë kixun ꞌë kakëma ꞌikën.

Génesis 41:8

ꞌAínbi ka a pë́karan anun masánuitukëishi ꞌixun kamabi Egipto menu ꞌikë an ñu tankë ꞌimainun an ñu ꞌunánkë unikama unun kixun kamiakëxa. Kamikëxa rikuatsinkë ka faraónën usakian namákëkama ñuixuankëxa, ñuixunkëxunbi ka uinu ꞌikë uni an ñu tankë ꞌimainun an ñu ꞌunánkë achúshinënbi ñuixuama ꞌikën, uisakin namákin kara usakin namáxa kixun.

Salmos 37:35

ꞌËn kana an ꞌatima ñuira ꞌakë unikamaxa, rabiakakë axa uni ꞌitsañu ꞌaish í pëi bunkuira iskë usai ꞌia isakën;

Isaías 44:25

ꞌËn kana an këmëkin ñu ñuikë unikama kiasai ꞌinun ëniman; ꞌën kana an ñu tankë unikama atun sinánkësokin ꞌaíma ñunshinbakënu ꞌimin. ꞌËn kana an ñu ꞌunánkë unikamaxa usai ka ñu ꞌiti ꞌikë kikë usai ꞌinun ñu ꞌimiman, usa ꞌain ka atúxa usai ka ñu ꞌiti ꞌikë kikë ax ñankáishi ꞌiti ꞌikën.

Daniel 1:4

bënábu usa ka a uni ꞌikë kixun unin kakëma, ꞌianan uisaibi aín namimi ñukin tankëma, sinan ñuira ꞌixun kamabi ñu ꞌunántisabi, ꞌixun an ꞌapun xubunuxun ñu mëëtisabi. A uni bënákama ka caldeo bana ꞌunámianan kirika kuënëoti ꞌunánmiti ꞌiti ꞌikën.

Daniel 2:10

Kixun kakëxun ka an ñu ꞌunánkë unikaman kakëxa —uinu ꞌikë menubi ka an ꞌunántisa tankë ñu ꞌapu ꞌikë mi ñuixunti uni ꞌaíma ꞌikë —kixun ka an ñu ꞌunánkë unikaman kakëxa—. Uinsaranbi ka uinu ꞌikë ꞌapunbi ax chaiira ꞌianan kushiira ꞌixunbi, min namákë ñu ꞌësaribi an ñunshinan ꞌamikëxun ñu ꞌakë ꞌimainun an ñu tankë ꞌimainun an ñu ꞌunairakë unikama ñuixunu kixun ñukákëma ꞌikën.

Daniel 2:27

Ësakian kakëxun ka Danielnën kakëxa: —Uinubi ka sinánñuira ꞌimainun an ñu tankë, ꞌianan ñunshinan ꞌamikëxun ñu ꞌakë ꞌimainun uisa kara ñu ꞌinuxun ꞌaia kixun ꞌunánkë uni min ꞌunántisama ñubi an mi ñuixunti ꞌaíma ꞌikën.

Daniel 2:7

Ësakian kakëxun ka an ñu ꞌunánkë unikaman amiribishi ꞌapu katëkëankëxa: —Nukama kamina mix ꞌapu ꞌixun min namákë ñuixunti ꞌain, nun kananuna uisakin namákë kara ax ꞌikë kixun mi kati ꞌain.

Daniel 3:8

Usokin ꞌamainun ka, uiti Babilonianu ꞌikë unikama atun judíos uni bënákama ax ꞌapu kikësoi ꞌima kixun ꞌapu Nabucodonosor kai kuanuxun isakëxa,

Daniel 4:18

Ënëx ka ꞌapu Nabucodonosor ꞌixun ꞌën namákë ꞌikën. Usa ꞌain kamina mix Beltsasar ꞌixun bërí uisokin namákë kara ꞌën namákë ax ꞌikë kixun ꞌë ñuixunti ꞌain, uinu ꞌikë unínbi ka ꞌëx ꞌapu ꞌain, an ñu ꞌunánkëkama achúshinënbi ka ꞌën uisakin namákë kara ax ꞌikë kixun ꞌunánkëma ꞌikën, usa ꞌaínbi kamina Dios upíira ꞌain bëru ñunshinan ꞌakinkëxun min kuni ꞌë ñuixunti ꞌain kixun kaxa.

Daniel 5:7

Usai ꞌi munuma kuënkëni ka an ñu tankë uni ꞌimainun an ñu ꞌunánkë unikama ꞌimainun an uisai kara ñu ꞌiti ꞌikë an ꞌunánkë unikama Babilonia anu ꞌikëkama ka uti ꞌikë kiax kiakëxa: —Uin kara kuënëokë a isti ꞌikën, istankëxun uisai kikë, kara a ꞌë ñuixunia a unix ka chupa upíira okin kuënëokë a pañumikë ꞌiti ꞌikën, ꞌianan ka manë risi kuri ꞌakë tëñumikë ꞌaish ꞌësaribi ꞌaish ꞌë kaxú ꞌapu ꞌiti ꞌikën.

Daniel 5:8

Usai kikëbë utankëx ka an ꞌapu ñu mëëxunkë an ñu ꞌunánkë unikamax anu ꞌapu ꞌikë xubu ꞌukëmëu atsínkankëxa, ꞌaínbi ka uinu ꞌikë atu achúshinanbi uisai kikë kara kënënu kuënëokë ax ꞌikë kixun ꞌapu ñuixuama ꞌikën.