Daniel 4:6 - Kashibo-Kakataibo Biblia

⁶ Usai ꞌikin kana ꞌë isia ukanun kamabi an ñu ꞌunánkë unikama Babilonia ënu ikë unikama kamian, atua uisakin namákë kara ꞌën namákë ax ꞌikë kixun ꞌë ñuixuni unun kamian.

Daniel 4:6 Iomraidhean Croise

Éxodo 7:11

Usakian ꞌakëbëtan ka ꞌapu faraónën ribi an ñu tankë ꞌimainun an ñu ꞌunánkë aín unikama kuënxun usaribikinsa ꞌanun kixun ꞌamiakëxa:

Isaías 8:19

Usa ꞌain ka unikaman mitsu káshibuinxun ësakin kati ꞌikën: “Mitsux kamina uni ñukëkama aín ñunshinbë banati ꞌain, ꞌianan ka axa usai ka ñu ꞌiti ꞌikë kixun ꞌunánkë akamabëribi munura banati ꞌain. ¿Achúshi ëmanu ꞌikë unikaman kara atun dioskamabë, bananan uni bamakëkama a kara uisakin

Daniel 1:17

A bëná unikama rabë́ ꞌimainun rabë́ a ka Diosan sinánñuira ꞌixun bëtsi bëtsi kirika ꞌunánun ꞌunámianan uisa kara ñu ꞌiti ꞌikë abi ꞌunánun ꞌunánmiakëxa. Usa ꞌain ka Danielnën namákësa okin iskë a ꞌimainun, namákin iskë akamabi uisai ñu ꞌiti namákë kara ax ꞌikë abi ꞌunánkë ꞌiakëxa.

Daniel 2:2

Usai ꞌikin ka ñu tankë, ꞌimainun uisai kara ñu ꞌia kixun an tankë, a ꞌianan ñubë́ unikama ꞌimainun ñu ꞌunánkë unikama uisokin namákë kara ñuixuni unun an kati uni xuakëxa. Usakin kamikëx ka a unikama ꞌapunu uankëxa,

Daniel 2:48

Usa ꞌain ka ꞌapun Daniel axira ꞌapu ꞌinun ꞌimikin ꞌitsaira ñu kupíkëkama ꞌinaínshianan; Babilonia ëmanu ꞌapu ꞌinun anëakëxa, anëanan ka a menu ꞌikë ëmakanu ikë an ñu ꞌunánkë unikaman kushi ꞌimiakëxa.

Daniel 4:15

ꞌAínbi ka aín buru ꞌimainun aín tapunkama ax menu ënkë ꞌiti ꞌikën; a kamina manë tunan këñun manë panshian ꞌakë risi anun tëkërëkati ꞌain, ꞌatankëxun kamina ninu ꞌikë basinua ꞌinun ënti ꞌain. Usokin ꞌakë ꞌain ka anu nibí ꞌibúti ꞌikën, ꞌimainun ka an basi pikë ñuinakamabëtan basi pi niti ꞌikën.

Daniel 5:11

mix ꞌapu ꞌain ka achúshi uni dioskaman bëru ñunshinan ꞌakinkë anu ꞌikën. Min papa ꞌapu ꞌain ka a unin upíokin sinánkë ꞌiakëxa, usa ꞌaish ka ax ñu ꞌunáinra ꞌianan an ñu tankë ꞌaish dios kamasaribi ꞌikën, usa ꞌikë ka min papa Nabucodonosornën a uni Daniel kakë an ñu tankë unin ꞌapu ꞌimainun an ñu ñunshinan kushin ñu ꞌakë ꞌianan an ñu ꞌunánkë ꞌimainun uisai kara ñu ꞌia an tankë ënë menu ꞌikë atun kushi ꞌinun anëakëxa,

Daniel 5:7

Usai ꞌi munuma kuënkëni ka an ñu tankë uni ꞌimainun an ñu ꞌunánkë unikama ꞌimainun an uisai kara ñu ꞌiti ꞌikë an ꞌunánkë unikama Babilonia anu ꞌikëkama ka uti ꞌikë kiax kiakëxa: —Uin kara kuënëokë a isti ꞌikën, istankëxun uisai kikë, kara a ꞌë ñuixunia a unix ka chupa upíira okin kuënëokë a pañumikë ꞌiti ꞌikën, ꞌianan ka manë risi kuri ꞌakë tëñumikë ꞌaish ꞌësaribi ꞌaish ꞌë kaxú ꞌapu ꞌiti ꞌikën.