Daniel 4:12 - Kashibo-Kakataibo Biblia

¹² Ax ka aín pëchikama upíira ꞌianan, ꞌaisamaira ꞌinun bimikë ꞌiaxa, usa ꞌaish ka kamaxunbi pitibëtan sënën aín bimi ꞌiaxa. Kamabi ñuinanëx ka aín tupëonkënu ꞌiaxa, ꞌimainun ka aín pëñan kamanu ñuina pëchiu kaman nóopa buinkë ꞌiaxa, usa ꞌain ka kamabi menu ꞌikë unikama ꞌimainun ñuinakamaribi a imi katamëti tsókë ꞌiaxa.

Daniel 4:12 Iomraidhean Croise

Job 14:7

Achúshi unían i rëraxun rakankëxi ka aín burunuax kótëkëni uínsarabi anuax i koi nëtë́tima.

Job 14:9

usai ꞌi ka ꞌumpaxan chabókëxun amiribishi paxaira ꞌinun kótëkënia; usai ꞌi ka bërí ꞌapákëx koi i ꞌikësai pëñanakëti ꞌitëkënia.

Daniel 4:14

ax ka kushin banai ësai kiaxa: i akamina menu nipakëtanun rëti ꞌain ꞌaxun kamina aín pëñankama tëakëbëa, aín pëchikama tákikëbë aín bimikama abístanun tëati ꞌain. Usokin ꞌakëbë ka an tupë́onkë tëmú bukukë ñuinakama ꞌimainun ñuina pëchiu aín pëñanu ꞌikë akamaxribi kuani nëtë́ti ꞌikën.

Mateo 13:32

Mostaza bëru ax ca chamaratsuira ꞌicën, bëtsi ñu bëru chamaratsusamaira ca ax ꞌicën, ꞌaíshbi ca ꞌapácëx bëtsi ñu bëru canicësamaira ꞌia. Usa ꞌaísha cani iisaribi ꞌinun pëñanacëcëbëtan ca manan nuáncë ñuinacamax anu nooi aia. Usaribiti ca Nucën Papa Diosan unicamax ꞌitsamashi pain ꞌiaxbi ꞌitsaira ꞌitánun uatia.

Marcos 13:32

Añu nëtë́inra carana ꞌëx utëcënti ꞌain, uínsarainra cara usai ꞌiti ꞌicë quixun ca uínbi ꞌunanima. Naínu ꞌicë ángelcamanbi ca ꞌunanima, ꞌëx Nucën Papa Diosan Bëchicë ꞌixunbi cana ꞌënribi ꞌunaniman. Nucën Papa Diosan cuni ca ꞌunania.

Marcos 4:32

ꞌaíshbi ca ꞌapácëx bëtsi ñu bëru canicësamaira ꞌia. Usa ꞌaísha cani pëñanacëtiira chacëbë ca manan nuáncë ñuina aín pëían tupë́oncënu na otancëx anu bucuia. Usaribiti ca Nucën Papa Diosan unicama ꞌitsamashi pain ꞌiaxbi ꞌitsaira ꞌitánun uatia.

Lucas 13:19

Ënëx ca ësa ꞌicën. Mostaza bëru chamaratsu a ca unin bixun aín naënu ꞌapatia. ꞌApácëx cani iisaribi ꞌinun pëñanacëcëbëtan ca manan nuáncë ñuinacaman anu noia. Usaribiti ca Nucën Papa Diosan unicamax ꞌitsamashi pain ꞌiaxbi ꞌitsaira ꞌitánun uatia.