Daniel 3:4 - Kashibo-Kakataibo Biblia

⁴ Usa ꞌain ka unikama timë́kë ꞌain an pëuti anëkë an munuma banakin unikama kakëxa: Kamabi ëmanu ꞌikë unikama axa bëtsi bëtsi menuax ukë ꞌimainun aín bananbi banakë unikaman mitsun kamina kuati ꞌain:

Daniel 3:4 Iomraidhean Croise

Isaías 40:9

Sión an upí banakama ñuikë, ax ka aín bashi achúshi chaxkë́ira anu kuaruti ꞌikën. Jerusalén an upí banakama ñuikë, mix kamina kushiira banati ꞌain, Judá menu ꞌikë ëmakamanu ꞌikë unikama aturibi upí bana a ñuixunti ꞌain: ¡Ënu ka mitsun Dios ꞌikë kamina iskanti ꞌain!

Isaías 58:1

Nukën ꞌIbun ka ësokin ꞌë kaxa: “Rakuëtimaishi kamina munuma banai kiti ꞌain, usai ꞌi kamina manë banañu banokëx ꞌikësa min bana ꞌinun kushin banati ꞌain; usai ꞌikin kamina ꞌën kaísa unikama atun ꞌakë ꞌatima ñukama ñuikin kati ꞌain, ax ka Jacobnën rëbúnkikama ꞌikën atun ꞌuchakëkamaribi ñuikin kati ꞌain.

Daniel 3:10

Mix ꞌapu ꞌixun kamina kamabi menu ꞌikë unikaman ka rantinpuruni ꞌikin kuri ꞌaxun nitsínkë a kamabi ñu a banamiti a banamia kuakinshi rabiti ꞌikë kixun bana nan,

Daniel 3:3

Usokin kamikëx uax ka uni ñu ꞌunanbu ꞌimainun aín kushibu ꞌianan raíri uni chabukama atux anuxun ñu tankin ꞌamixun nitsinmikë a bëtánain, ënëx ka bërí mitsun rabikë ꞌiti ꞌikë kixun ꞌapun kanun anu nirakëkankëxa.

Daniel 3:7

Usa ꞌain ka anua timëkamë ꞌëokë unikama atun kuatanun an manë banañu banokëkama an ꞌamainun an ñukama mëëti ꞌunánkë akamanribi ꞌaia kuati kamabi unikama rantinpuruni tsóbukin kuri ꞌaxun nitsínkë ñu a rabikankëxa.

Daniel 4:1

Ësai ka ꞌapu Nabucodonosor kiakëxa: ꞌëx kana kamabi ëmanu ꞌikë unikama ꞌimainun bëtsi menu ꞌikë unikama ꞌianan bëtsi banan banakë unikama atun menu ꞌikë akamaxa upiti ñuñu ꞌi bukukanti kuëënin kixun ka ꞌapun kirika kuënëomiakëxa.

Daniel 4:14

ax ka kushin banai ësai kiaxa: i akamina menu nipakëtanun rëti ꞌain ꞌaxun kamina aín pëñankama tëakëbëa, aín pëchikama tákikëbë aín bimikama abístanun tëati ꞌain. Usokin ꞌakëbë ka an tupë́onkë tëmú bukukë ñuinakama ꞌimainun ñuina pëchiu aín pëñanu ꞌikë akamaxribi kuani nëtë́ti ꞌikën.

Daniel 6:25

Usa ꞌain ka ꞌapu Daríonën kamabi menu ꞌikë unikama ꞌimainun bëtsi menu ꞌikë unikama aín banan banakë akama ësakin kakin achúshi kirika kuënëokëxa: ꞌËx kana mitsúxmi ꞌupitax bukuti kuëënin,

Oseas 5:11

Israelnën rëbúnkikama an ka bëtsi dioskama rabia usa ꞌikë ka uínbi atun bana tankin usa ka atux ꞌikë kixun katima ꞌikën.

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.