Daniel 3:1 - Kashibo-Kakataibo Biblia

¹ ꞌApu Nabucodonosornën ka achúshi ñu tankian kuri ꞌanun ꞌamiakëxa. Aín chaxkë́ ka treinta metro manan ꞌinun ꞌakë ꞌiakëxa ꞌimainun ka rabë́ ꞌimainun achúshi metro aín naxba ꞌinun ꞌamiakëxa, ꞌamitankëxun ka Dura kakë me sapan anua achúshi ëma cha Babilonianu ꞌikë anu nitsínun aín unikama kakëxa.

Daniel 3:1 Iomraidhean Croise

1 Reyes 12:28

Ësokin pain sinántakëx ka an ꞌakinkë aín suntárunën kushikamabë banatankëxun ꞌapu Jeroboamnën rabë́ vaca bakë bërí kanikë tankin uniomiakëxa, uniomitankëxun ka kamabi unikama kakëxa: “Israel unikama mitsux kamina ꞌitsaira nitsi Jerusalénnu kuanin. Usa ꞌain ka ënu an Egipto menua chikínbëtsinkin mitsu bëa Dios a ꞌikën.”

Éxodo 20:23

Uisaxunbi kamina rabinuxun kuri ꞌanan manë uxua ꞌatankëxun ꞌë ꞌakësa okin uniotankëxun a rabitima ꞌain.

Éxodo 32:31

Usokin atu kabiani amiribishi anua ꞌikë anu mapërakëtankëxun ka Moisésnën Nukën ꞌIbu ësokin kakëxa: —Asérabi ka unikaman chaiira ꞌuchakin vaca bakë́sa okin kuri unioxa a ka Israel unikaman aín dios isa kixun kaxa.

Isaías 46:6

Anu ka unikama ꞌaisamaira kuri aín ñusuti bianan manë uxua, bitankëxun anun ñu tupúnti ꞌakë anun tupunkë ꞌikën; usakin ꞌatankëxun ka an ñu unioti ꞌunánkë achúshi uni baritankëxun abi rantinpuruni tsóbuti ami ñanákian rabinun ꞌaxúnun ꞌinania.

Daniel 2:48

Usa ꞌain ka ꞌapun Daniel axira ꞌapu ꞌinun ꞌimikin ꞌitsaira ñu kupíkëkama ꞌinaínshianan; Babilonia ëmanu ꞌapu ꞌinun anëakëxa, anëanan ka a menu ꞌikë ëmakanu ikë an ñu ꞌunánkë unikaman kushi ꞌimiakëxa.

Daniel 2:49

Usakin ꞌimikëxun ka Danielnën abëa ꞌikë unikama ñuikin kakëxa, kakëxun ka ꞌapun Sadrac, Mesac, ꞌimainun Abed-negó akama Babilonianu ꞌikë ëma cha anu ꞌikë ñukama an bërúanti anëakëxa. Usakin ꞌamainun ka Danielnëx anua ꞌapu ꞌikë aín xubu anubi tikiakëxa.

Daniel 3:14

ësokin ñukákëxa: —¿Asérabi kaina mitsun ꞌën dios rabianan a rabiti kuri ꞌamikë aribi rabikaniman?

Daniel 3:30

Usakin ꞌatankëxun ka ꞌapun rabë́ ꞌimainun achúshi uni bënákama a Babilonia menu ꞌikë ëmanua atux raíri ꞌapu kamasamaira ꞌinun anëakëxa.

Daniel 5:23

Usa ꞌain kamina mix ꞌapu ꞌaish Nukën ꞌIbu Dios naínu ꞌikë ami kuaikin mesanuxun ami xëakë xampakama anuxun Dios rabiti xubunua ꞌia akama bëan, bëxun kamina min kamikë unikamabëtan ami uvas baka paëokin vino ꞌakë xëakin min dioskama kuri, manë uxua, manë panshian, manë tunan, i ꞌakë ꞌimainun maxá ꞌakë mitsun dioskama rabikin ami xëan; akaman ka isima ꞌimainun kuatima ꞌianan ka añu ñubi ꞌunanima. Usa ꞌaínbi kamina Dios an mix ꞌapu ꞌikë bërúankin tsónun ꞌimikë a rabikëma ꞌain, an ka an kuëënkësa okin mi kamabi ñu min ꞌakë a ꞌanun mi ꞌamiaxa.

Daniel 5:4

Usakin ꞌakin ka kamaxunbi unínbia a rabinuxun kuri, manë uxua, manë panshian manë tunan, i ꞌimainun maxax ꞌakë akama rabikankëxa.

Oseas 2:8

Aínbi ka xanun ꞌëx kana an ñu ꞌinánkin trigo, uvas baka vino ꞌakë xëni akama pishínmikinma ꞌinánkëxunbi ꞌën ꞌinánkë ka ax ꞌikë kixun ꞌunánma ꞌikën; ꞌën manë uxua ꞌimainun kuri akama cha ꞌinun ꞌinánkëxunbi ka a rabinuxun ñukama tankin uniokëxa.

Habacuc 2:19

¡Mitsun kamina bëtsi dios i ꞌakë ꞌikëbi isa bësunun kain; ꞌimainun kamina maxáribi banakë ꞌikëmabi nirunun kixun kain! ¿Akamax kara usai ka ñu ꞌiti ꞌikë kiax kiti ꞌik? ¡Usama ka atux ka uni ꞌikësai tsóti anun uintiñuma ꞌikën, usa ꞌaish ka kuri ꞌimainun manën unin rataka kakëishi ꞌikën!

Hechos 17:29

Nux aín rëbúnqui ꞌixun cananuna sinántima ꞌain, ax ca unían ꞌacë curi ꞌacë ñuusa ꞌianan uxua manë ꞌacë ñuusa ꞌianan maxax ꞌacë ñuusa ꞌicë quixun.

Hechos 19:26

Usa ꞌaínbi camina mitsun Pablo isanan an ñuicë banaribi cuatin. An ca Efeso ëmanushima, Asia menu ꞌicë ëmacama oquin, unían a rabinuxun ꞌacë ñu ax ca asérabi diosma ꞌicë quixun caquin, a rabixunma ꞌanun caquin ꞌaisamaira uni sinánmiaxa.

Deuteronomio 7:25

ꞌAnan kamina mitsúnbi atun diosmabi rabikë ñukamaribi në́nti ꞌain, ꞌaínbi kamina ami bikë kuri ꞌimainun manë panshian akama bisa tantima ꞌain; usakin ꞌaibi ꞌatima ñu ꞌati sinania ka Nukën ꞌIbun a upí istima ꞌikën.

Apocalipsis 9:20

ꞌAisamaira oquin ꞌatimocëxbia bamacëma unicamax ca sinanaquin, atun ñu ꞌaisama ꞌacëcama ëncëma ꞌiaxa. Ñunshin ꞌatimacama rabianan ca unin ꞌacë ñu, curi ꞌacë ꞌimainun uxua manë ꞌacë ꞌimainun panshían manë ꞌacë ꞌimainun maxax ꞌacë ꞌimainun i ꞌacë, a ñucaman isíma ꞌianan cuatíma ꞌianan nitsíamabi, a rabiquin an ꞌacësabi oquin ñu ꞌatima ꞌati ënquinma ꞌaxa.