Daniel 2:9 - Kashibo-Kakataibo Biblia

⁹ Usa ꞌain kamina ꞌën namákë uisai kara kia a ꞌë ñuixunima, mitsux ꞌëx kikësabi oi tëmërati ꞌain, usakin ꞌë paránuxun sinanx kanankë kupí kamina usai tëmëramikë ꞌikanti ꞌain, usa ꞌain kana ꞌën usakin sinánkë usabi okin mitsu ꞌati ꞌain. ꞌË kamina ꞌën namákë a uisakin namákë kara ax ꞌikë kixun ꞌunánun ꞌë ñuixunkanti ꞌain.

Daniel 2:9 Iomraidhean Croise

1 Reyes 22:22

ñukákëxun ka ñunshin ꞌatimanën kakëxa, ꞌën kana an Dios kikë bana ñuikë unikama këmëkin ꞌapu Ahab paránun sinánmiti ꞌain kixun kaxa. Kakëxun ka Nukën ꞌIbun usakin sapi kamina paránti ꞌain, usakin ꞌai kamina kuanti ꞌain kixun kakëxa.

1 Reyes 22:6

Ësakin kakëxun ka Ahab Israel unikaman ꞌapu an Dios kikë bana uni ñuixunkë unikama cuatrocientos ꞌiti ꞌurama a timëtankëxun ñukákëxa: —¿Ramot ëmanu ꞌikë suntárukama an Galaad me bërúankë atubë karana ꞌakánanti ꞌain karana ꞌakanantima ꞌain? Kakëxun ka atun kakëxa kamina ꞌakánanti ꞌain, Nukën ꞌIbun ka mi ꞌaia ꞌakinti ꞌikën.

Isaías 41:23

usa ꞌain ka uisai kara a ñukama ꞌiti ꞌikë kixun nukama kati ꞌain, kanan kamina asérabi karamina mitsux dioskama a ꞌai kixun nukama ismiti ꞌain. ꞌIanan kamina ꞌatipaxun ñu upí ꞌanan ñu ꞌatima ami nux ꞌitsaira rakuë́tisabi ꞌitanun ꞌati ꞌain.

Isaías 44:25

ꞌËn kana an këmëkin ñu ñuikë unikama kiasai ꞌinun ëniman; ꞌën kana an ñu tankë unikama atun sinánkësokin ꞌaíma ñunshinbakënu ꞌimin. ꞌËn kana an ñu ꞌunánkë unikamaxa usai ka ñu ꞌiti ꞌikë kikë usai ꞌinun ñu ꞌimiman, usa ꞌain ka atúxa usai ka ñu ꞌiti ꞌikë kikë ax ñankáishi ꞌiti ꞌikën.

Daniel 2:16

Usa ꞌain ka Daniel abë banai kuankëxa, kuanxun ka uisakin namákë kara ax ꞌikë kixun an ñuixunun kara ëorapaín kaintima ꞌikë kixun ꞌapu kakëxa.

Daniel 2:21

An ka nëtëkama bëtsionan, usai ꞌiti ñukama aribi usai ꞌitiokin nania, usaribiokin ka ꞌapukamaribi ꞌapu ꞌimiananbi ꞌapu ꞌimima, ꞌianan sinánñu unikama a sinánñuira ꞌinun ꞌimianan, uisakin ka ñu ꞌati ꞌikë kixun ꞌunánun uni ꞌimikë a ꞌain.

Daniel 2:8

—ꞌËn kana upíokin ꞌunanin kixun —ka ꞌapun kakëxa —mitsun kamina uisokin mitsu ꞌanux karana kia a bana kuan, usa ꞌixun kamina uisokin karamina ꞌë basioti ꞌai kixun barikanin.

Daniel 3:15

¿Mitsun kaina ñukama banamia kuakinshi ꞌën ꞌamikë ñu ami ñanati ꞌikin rabikantishi ꞌain? Usakin ꞌaíma kamina bëríbi mitsux tsi rëkirukë a ꞌukëmëu nikë ꞌiti ꞌain; ¿usakin ꞌaia kara uinu ꞌikë diosan mitsu ië́miti ꞌit?

Daniel 5:28

Usa ꞌain ka PARSÍN kikë bana axribi ësaribiti ki kikë ꞌikën: Diosan ka mixmi ꞌapu ꞌikë anua chikínkin mi medos ꞌimainun persianu ꞌikë unikaman ꞌanun mi ꞌinánti ꞌikën. Kixun ka Danielnën kakëxa.

Daniel 5:31

Bamakë ꞌain ka Darío, Medianu, an ꞌapu ꞌikin pëuakëxa. Anu ka Darío sesenta ꞌimainun rabë́ baritia ꞌirukë ꞌiakëxa.

Daniel 7:25

Usa ꞌixun ka an Dios manámi ꞌikë kushiira ꞌatimakin ñuianan an rabikë unikama këñukin pëuti ꞌikën; ꞌanan ka Dios kia bana aribi bëtsiokin nainsa tanan usakin unikaman fiesta ꞌatia Dios kia aribi bëtsiokin nainsa tanti ꞌikën, usa ꞌain ka an Dios rabikë unikaman ꞌapu an kakësokinshi ꞌati ꞌikën, rabë́ ꞌimainun achúshi baritia ꞌirukë anua mapai achúshi ꞌimainun achúshi ꞌuxë sënë́mi kiti ꞌikën.

2 Corintios 2:17

ꞌItsa unin ca curíqui biti cupíshi Nucën Papa Diosan bana ñuixunquinbi a bana quicësa oquin ñuiquinma bëtsi oquin ñuixunia. Usa ꞌaíshbi cananuna nux a unicamasama ꞌain. Usa ꞌixun cananuna Cristonan ꞌianan Nucën Papa Diosan nu aín bana ñuixunun caíscë ꞌixun, axa cuëëncësabi oquin aín bana unicama ñuixunin.