Daniel 2:6 - Kashibo-Kakataibo Biblia

⁶ Usa ꞌain kana mitsunmi ꞌën namákë uisakin namákë kara ax ꞌikë kixun a pain ñuixunti kuëënin, usokëxun kana ꞌën mitsu ꞌinaínshianan, ꞌitsaira ñu chabu ꞌinánti ꞌain. Usa ꞌain kamina, ꞌën namákë a ñuixunkin uisakin namákë kara ax ꞌikë kixun ꞌë kati ꞌain.

Daniel 2:6 Iomraidhean Croise

Daniel 2:48

Usa ꞌain ka ꞌapun Daniel axira ꞌapu ꞌinun ꞌimikin ꞌitsaira ñu kupíkëkama ꞌinaínshianan; Babilonia ëmanu ꞌapu ꞌinun anëakëxa, anëanan ka a menu ꞌikë ëmakanu ikë an ñu ꞌunánkë unikaman kushi ꞌimiakëxa.

Daniel 5:29

Usakin kakëxun ka ꞌapu Beltsasarnën, aín unikama Daniel chupa upíokin kuënëokin ꞌakë pañumianan kuri manë risi tëñuti tëñuminun kakëxa, kanan ka kamabi unikama bënë́kinshi, Danielnëx ka ꞌësaribi ꞌinun ꞌapu ꞌiti ꞌikë kixun kamabi unin kuanun kuakokëxa.

Daniel 5:7

Usai ꞌi munuma kuënkëni ka an ñu tankë uni ꞌimainun an ñu ꞌunánkë unikama ꞌimainun an uisai kara ñu ꞌiti ꞌikë an ꞌunánkë unikama Babilonia anu ꞌikëkama ka uti ꞌikë kiax kiakëxa: —Uin kara kuënëokë a isti ꞌikën, istankëxun uisai kikë, kara a ꞌë ñuixunia a unix ka chupa upíira okin kuënëokë a pañumikë ꞌiti ꞌikën, ꞌianan ka manë risi kuri ꞌakë tëñumikë ꞌaish ꞌësaribi ꞌaish ꞌë kaxú ꞌapu ꞌiti ꞌikën.

Números 22:17

ꞌËn kana uiti kuríki kaina kuëënin atibi ꞌinánan nuibakin añu kaina kuëënin abi mi ꞌinánti ꞌain; usa ꞌain kamina a unikama ꞌë ꞌatima okin këñutanun sinánxuni uti ꞌain.

Números 22:37

ësokin kakëxa: —ꞌËn kana uisama taniabi mi kamian; ¿Uisa kupín kaina uisama tan? ¿Min kaina ꞌën mi kupíoisama sinan?

Números 22:7

Ësokin kamia ka Moabnu ꞌikë aín kushibu ꞌimainun Madiánu ꞌikë aín kushibu anribi anun Israel kama ꞌatima okin sinánxunia kupíoti kuríki buani kuanxun uinu kara Balaam ꞌia anu bëbaxun Balacnën kakë banakama ñuixunkin kakëxa.

Números 24:11

¡Usa ꞌain kamina min xubunubi kuanti ꞌain! ꞌËn kana uisa ñu kaina kuëëni akamabi mi ꞌinánti sinánkë ꞌian, ꞌaínbi ka Nukën ꞌIbun usakinmi ꞌati mi sinánxunkëma ꞌikën.