Daniel 2:4 - Kashibo-Kakataibo Biblia

⁴ Kixun kakëxun ka an ñu ꞌunánkë uni achúshinën anúan banakë arameo bana anunbi banakin ꞌapu kakëxa: —¡Mix ꞌapu ꞌaish kamina xënibuti tsóti ꞌain! Mix ꞌapu ꞌixun kamina an mi ñu mëëxunti nukama min namákë a ñuixunti ꞌain, nun kananuna uisakin namákë kara ax ꞌikë a mi ñuixunti ꞌain.

Daniel 2:4 Iomraidhean Croise

Génesis 31:47

Anuxun ka Labánën aín bananbi anëkin Jegar Sahadutá kakin anëakëxa, anëmainun ka Jacobnënribi aín bananbi anëkin Galaad kakin anëakëxa.

Génesis 41:8

ꞌAínbi ka a pë́karan anun masánuitukëishi ꞌixun kamabi Egipto menu ꞌikë an ñu tankë ꞌimainun an ñu ꞌunánkë unikama unun kixun kamiakëxa. Kamikëxa rikuatsinkë ka faraónën usakian namákëkama ñuixuankëxa, ñuixunkëxunbi ka uinu ꞌikë uni an ñu tankë ꞌimainun an ñu ꞌunánkë achúshinënbi ñuixuama ꞌikën, uisakin namákin kara usakin namáxa kixun.

1 Reyes 1:25

An ka bërí kuanxun ꞌain unikama vaca bënë ꞌimainun vaca bakë bërí kanikë këñun ovejakama ꞌaisamaira rënun ꞌamiaxa, ꞌamixun ka min bëchikë bëbukama kamianan, suntárunën ꞌapu aín kushi capitán akama ꞌimainun sacerdote Abiatar aribi kamiaxa. Usa ꞌain ka bërí atux abëtan pianan xëai munuma sharati kikania: ¡Adonías ax ka bërí nun ꞌapu ꞌikë kiax ka kuëëni kikania!

1 Reyes 1:31

Ësokian kakëx ka Betsabé ꞌapumi ñanati, a bëmánon ain bëmánanën me tikai ꞌiakëxa, ꞌi ka munuma banai kiakëxa: —¡ꞌItsa baritia ꞌimi ka ꞌën ꞌapu David tsóti ꞌikën!

2 Reyes 18:26

Usakian kakëxun ka Eliaquim, Sebná ꞌimainun Joah akaman asirionu ꞌikë suntárunën kushikama kakëxa: —Nu kamina arameo banan kati ꞌain, nun kananuna atun bana kuati usa ꞌain. Nu kamina hebreo banan katima ꞌain, axa anun ëma kënëara tanain ꞌikë unikaman ka kamaxunbi kuatia.

Nehemías 2:3

usai ꞌikin kana ꞌapu ësokin kakën: —¡Mix ꞌapu ꞌaish kamina ꞌitsa baritia buini tsóti ꞌain! ¿Uisa ꞌaish karana ꞌëx ꞌën aintsikama anu maían ëma axa rurupakë ꞌimainun aín xëpútikama axribi në́nkëxa rurukubua ꞌain nitë́xëtima ꞌiti ꞌain?

Isaías 44:25

ꞌËn kana an këmëkin ñu ñuikë unikama kiasai ꞌinun ëniman; ꞌën kana an ñu tankë unikama atun sinánkësokin ꞌaíma ñunshinbakënu ꞌimin. ꞌËn kana an ñu ꞌunánkë unikamaxa usai ka ñu ꞌiti ꞌikë kikë usai ꞌinun ñu ꞌimiman, usa ꞌain ka atúxa usai ka ñu ꞌiti ꞌikë kikë ax ñankáishi ꞌiti ꞌikën.

Daniel 1:4

bënábu usa ka a uni ꞌikë kixun unin kakëma, ꞌianan uisaibi aín namimi ñukin tankëma, sinan ñuira ꞌixun kamabi ñu ꞌunántisabi, ꞌixun an ꞌapun xubunuxun ñu mëëtisabi. A uni bënákama ka caldeo bana ꞌunámianan kirika kuënëoti ꞌunánmiti ꞌiti ꞌikën.

Daniel 2:7

Ësakian kakëxun ka an ñu ꞌunánkë unikaman amiribishi ꞌapu katëkëankëxa: —Nukama kamina mix ꞌapu ꞌixun min namákë ñuixunti ꞌain, nun kananuna uisakin namákë kara ax ꞌikë kixun mi kati ꞌain.

Daniel 3:9

isbiani kuanxun ka ësokin kakëxa: —¡Nux kananuna mix ꞌapu ꞌaish tsókëpan ꞌikëa unin ꞌitsa baritia ꞌimikin min kakësokin ꞌati kuëënin!

Daniel 4:19

Usa ꞌain ka Daniel kakin anëkë ꞌikëbi Beltsasar kakinribi anëkë ax ꞌëorapain ain sinánkë rakarakëtamainun sinani niaxa. Usai ꞌiabi kana ꞌëx ꞌapu ꞌixun kan: Beltsasar ꞌitsaira sinánkinma kamina uisakin namákë kara ꞌën namákë ax ꞌikë ꞌë ñuixunti ꞌain kixun kan. Kakëxun ka Beltsasarnën ꞌë kakëxa: Min namákë ax ka uin kara mi ꞌaisama oisatania a unikamanubi pakëti ꞌikën.

Daniel 4:7

Usakin kamikëx ka an ñunshinan ꞌamikëxun ñu ꞌakë ꞌimainun, an ñu tankë ꞌianan, an ñu ꞌunánkë ꞌimainun, uisai kara ñu ꞌinuxun ꞌaia kixun an tankë, Babilonianu ꞌikëkama atux uaxa, aia kana ꞌën namákë a ñuixuan, ꞌaínbi ka atun uisakin namákë kara ax ꞌikë kixun ꞌë ñuixunkëma ꞌikën.

Daniel 4:9

Beltsasar an ñu tankë unikaman kushi ꞌën kana ꞌunanin Dios upíira aín bëru ñunshin an ka mi ꞌakinia, usa ꞌixun kamina min kamabi ꞌunántisama ñu abi ꞌunanin kixun kan. Usa ꞌain kamina ꞌën namákin iskë a mi ñuixunkin kamainun kuati ꞌain, kuakin kamina uisakin namákë kara ꞌën namákin iskë ax ꞌikë ꞌë ñuixunti ꞌain.

Daniel 5:10

ꞌaínbi ka aín tita aín tuá ꞌapu ax kuëënmainun abëtan pi bukukë unikama atúxribi kia kuati aín tita anuxun pi bukukë anu atsini kiakëxa: —¡Mix ꞌapu ꞌaish kamina xënibua ꞌaínbi tsóti ꞌain! Usa ꞌain kamina ꞌitsaira sinani min bëmánan pëki ꞌitsaira ratutima ꞌain,

Daniel 5:8

Usai kikëbë utankëx ka an ꞌapu ñu mëëxunkë an ñu ꞌunánkë unikamax anu ꞌapu ꞌikë xubu ꞌukëmëu atsínkankëxa, ꞌaínbi ka uinu ꞌikë atu achúshinanbi uisai kikë kara kënënu kuënëokë ax ꞌikë kixun ꞌapu ñuixuama ꞌikën.

Daniel 6:21

Kakëxun ka Danielnën kakëxa: —¡Mix ꞌapu ꞌaish kamina xënibua ꞌaínbi tsóti ꞌain!

Daniel 6:6

Usai kanantankëx ka an ñu ꞌaia bërúankë ꞌimainun aín kushikama atux ꞌapu Daríobë kananuna banai kuanti ꞌai kixun sinani kanankëxa. Kanankiani kuanxun ka anua ꞌikë aín xubunu bëbakin ꞌapu kakëxa: —Mix ꞌapu ꞌaish kamina xënibuax ꞌiti ꞌai kixun kakëxa.

Daniel 6:7

Kamabi ꞌapukama ëma kamanua ꞌikë atún ka timë́xun ësokin sinánxun bana nanxa, uínbi ka achúshi ꞌuxë sënë́mi atún dios ñukatima ꞌikën, usai ika uibi ñukatima mix kikësoishi ꞌikanti ꞌikën. Usa ꞌain ka uin kara a bana kikësokinbi ꞌaima ax ka anua paru ꞌinúan bukukë kini anu nikë ꞌiti ꞌikë kixun ka sinánkanxa.

Mateo 21:9

Usobiani ca sharáquiani unicama cuancëxa, raírinëxa rëcuë́nmainun ca raírinëxribi Jesús caxu cuanquin a rabi cuëëni sharati quicancëxa: —Davitan rëbúnqui Nucën ꞌIbu ax ca upíira ꞌicën. Nucën ꞌIbu Diosan xucëx ca ënëx bërí aia. A ca camabi unin rabiti ꞌicën. Nucën ꞌIbu Dios, naínu ꞌicë, aribinu cuëënquin rabinun ca ꞌacan.

1 Samuel 10:24

Usa ꞌikëa iskaniabi ka Samuelnën atu ñukákin kamabi kakëxa: —¿Nukën ꞌIbun mitsun ꞌapu ꞌinun kaískë uni a kaina iskanin? ¡Ënë unisaribi israel uni achúshi ka ꞌaíma ꞌikën! ¡Axëshi ka nun ꞌapu ꞌiti ꞌikën! Kixun ka israel unibunën kakëxa.