Daniel 1:9 - Kashibo-Kakataibo Biblia

⁹ Diosan ꞌamikëxun ka an ꞌapun xubu bërúankë aín kushi an Daniel upí sinánñu ꞌikë isakëxa,

Daniel 1:9 Iomraidhean Croise

Génesis 32:28

Ësokian kakëxun ka unin kakëxa: —Bërí ka min anë Jacob kakë ꞌitima ꞌikën. Min anë ka Israel kakë bërí ꞌiti ꞌikën, mix kamina Nukën ꞌIbu Diosbë tananan, ꞌimainun kamina bërámabi bëtsi unikamaribi usaribi okin kanánkën.

Génesis 39:21

Usakin José sipuakë ꞌaínbi ka Nukën ꞌIbu abë ꞌixun bërúankin ꞌakiankëxa, ꞌakinkëx ka upí nuituñu ꞌiakëxa, usa ꞌikë ka an sipu bërúankë aín kushi an ꞌunánkëxa,

1 Reyes 8:50

ꞌAkianan kamina min kaisa unikama atúxa mimi ꞌuchakë ꞌikëbi mëníoxunkin bana kuakëma unibu ꞌikëbi atux ꞌuchakëkama tërënxunti ꞌain. Usakin ꞌanan kamina axa atumi nishkë unikama atúan nuibakin ꞌakinun sinánmiti ꞌain.

Nehemías 1:11

Dios ꞌën mi ñukákëxun kamina kuati ꞌain, ꞌimainun kamina min unikaman ñukákëxunribi kuati ꞌain, usa ꞌain kamina an mishi rabitisa tankë unikaman ñukákëxun kuati ꞌain. ꞌImainun kana ësokinribi mi ñukatin ꞌapuan ꞌën kakëxun ꞌëmi upíokin sinánkin ꞌakinun kamina sinánmiti ꞌain.”

Nehemías 2:4

Kakëxun ka —¿Añu karana mi ꞌaxúnti ꞌain? —kixun ꞌapun ñukákin ꞌë kakëxa. Usakin kakëx Dios naínu ꞌikë abë pain banatankëxun kana,

Job 5:15

Diosan ka ñuñuma uni ꞌimainun bëtsi unikaman ꞌatimaira okë abi ië́miti ꞌikën;

Job 5:16

ax ka an uni ñuumara ka kixun bëtsi unin iskëkama a ꞌakinkë a ꞌikën, ¡ꞌianan ka uni ꞌatima sinánñuirakama bëtsi ꞌatima onux bananun ꞌimima!

Daniel 1:10

ꞌaínbi ka aín kushi an Daniel kakëxa: —ꞌËx kana ꞌën ꞌIbu ꞌianan ꞌën ꞌapumi rakuë́tin. An ka mitsunmi pianan xëati a ñuikin ꞌë kaxa, usa ꞌain ka an mitsu uni bënábu raírinën ꞌakësa okin pima chumínbutia iskin mitsu kupín ꞌapun ꞌuchoxun bamanun ꞌë ꞌimiti ꞌikën.

Hechos 7:10

Marucëxuan unin buáncëxa Egiptonu ꞌiabi ca Nucën Papa Diosan abë ꞌixun ꞌaquinquin bërúancëxa. Usoquian ꞌacë́xa upí sinánñu ꞌixun upí oquin bana cuacë ꞌicë nuibaquin ca Egiptonu ꞌicë ꞌapu Faraón, an anu ꞌicë unicaman cushi ꞌimianan an aín xubunu ꞌicë ñucama bërúantiribi ꞌimiacëxa.