Daniel 1:7 - Kashibo-Kakataibo Biblia

⁷ anuxun ka an ꞌapun xubu bërúankë aín kushi an atu aín anë bëtsiokin anëakëxa: Anëkin ka Daniel Beltsasar kakin anëanan; Ananías, Sadrac kakin anëanan; Misael, Mesac kakin anëanan; Azarías aribi Abed-negó; kakin anëakëxa.

Daniel 1:7 Iomraidhean Croise

Génesis 41:45

Usa ꞌain ka ꞌapu faraónën bëtsiokin anëkin José egipcionu ꞌikë anën anëakëxa Safenat-panéah kakin anëtankëxun, ka Asenat akëñun ꞌain xanu ꞌiti birakamiakëxa, ax ka Potifera kakë Sacerdotenën bëchikë xanu ꞌiakëxa, ax ka On kakë ëma anu tsókë uni ꞌiakëxa, usakian ꞌakëx ka José Egipto menu ꞌapu ꞌiakëxa.

2 Reyes 24:17

Usokin ꞌatankëxun ka Babilonianu ꞌikë ꞌapu an Matanías ꞌapu anëanan Joaquín aín piaka a chikíankëxa usoxun ka aín anë itsi Sedequías kakin anëkin nankëxa.

Daniel 1:19

Anuax ka a uni bënákamabë ꞌapu banakëxa, ꞌaínbi ka a uni bënákamanu achúshi uni bënábi axa Daniel, Ananías, Misael ꞌimainun Azarías akamabë sënë́nkë ꞌaíma ꞌiakëxa, usa ꞌain ka akamax ꞌapu ñu mëëxuni anubi bërúakëxa.

Daniel 1:3

usakin ꞌamianan ka an ꞌapun xubu bërúankë unikaman kushi Aspenaz a kakëxa, ꞌapun bakë bëchikëkama ꞌimainun kamina uni ñu ꞌunanbu atun bakë bëchikë,

Daniel 2:26

Kixuan kakëxun ka ꞌapun Daniel ꞌikëbi, Beltsasar kakinribi anëkë a kakëxa: —¿Min kaina ꞌën namákë ñuixunkin uisokin namákë kara ax ꞌikë kixun ꞌë katima ꞌain?

Daniel 2:49

Usakin ꞌimikëxun ka Danielnën abëa ꞌikë unikama ñuikin kakëxa, kakëxun ka ꞌapun Sadrac, Mesac, ꞌimainun Abed-negó akama Babilonianu ꞌikë ëma cha anu ꞌikë ñukama an bërúanti anëakëxa. Usakin ꞌamainun ka Danielnëx anua ꞌapu ꞌikë aín xubu anubi tikiakëxa.

Daniel 4:5

ꞌAínbi kana achúshi imë́ ꞌuxi ꞌibúxunbi ꞌatimakin namán, namáxun ꞌën bëtsiokin sinánkëkama anunbi ꞌitsaira rakuëan.

Daniel 4:8

Usai atux pain uan ka Daniel kakin anëkë ꞌikëbi Beltsasar kakinribi anëkë axribi ꞌën dios rabi ukësa kuatsini uakëxa, ꞌaíshbi ka ax Dios upíira aín bëru ñunshinan aín tsóti ꞌakinkë ꞌiakëxa, usa ꞌikë kana ꞌën namákë ñuixunkin ësokin kan:

Daniel 5:12

usa ꞌikë ka Daniel a min papan Beltsasar kakin anëakëxa, ax ka an kikë bana a ꞌinumikin sinánñuira ꞌixun uisakin namákë kara a ꞌimainun ꞌunántisama bana abi kuaisabiokin ñuianan ñu ꞌaisama inuti abi ñuikë ꞌiakëxa. Usa ꞌain kamina Daniel kuëënti ꞌain, an ka uisai kara kënëkënu kuënëokë ax kia kixun mi ñuixunti ꞌikën.