Daniel 1:2 - Kashibo-Kakataibo Biblia

² Usa ꞌain ka Diosanbi Nabucodonosornën ꞌapu Joaquím ñatankin binun ꞌamiakëxa, ꞌamikëxun bianan ka anuxun Dios rabiti xubunua ꞌikë ami xëatia ꞌakë ñukama kamaira bikinmabia binun bimiakëxa. Bimianan ka Nabucodonosornën aín suntárukamabëtan ñatankia bikë unikama aín me Babilonianu buánkëxa, ꞌimainun ka ami xëatia ꞌakë upibu anuxun Dios rabiti xubunua bikë akamaribi anuxun atun dioskama rabiti xubunu nankëxa;

Daniel 1:2 Iomraidhean Croise

Génesis 10:10

Usa ꞌain ka Nimrod ax ꞌapu ꞌain ëma chabu Babel, Érec, Acad ꞌimainun Calné, ënë ëmakamax ka Sinar menu ꞌiakëxa.

Génesis 11:2

Usai ꞌi ka auküaxa bari urukë a menu uni chikíkiani ꞌura kuankin me barikin Sinar kakë amia mërakëxa, mërakin ka me sapan upí anubi tsótisa mëratankëx anubi tsóti bërukankëxa.

Esdras 1:7

Usakian unikaman ꞌamainun ka ꞌapu Ciro an anuxun Dios rabiti xubu Jerusalénnu ꞌikë anua Nabucodonosornën bibiankin buánxun anuxun atun dioskama rabiti xubunu nan ñukama a ꞌinánun ꞌinámiakëxa.

Isaías 42:24

¿Uin kara Israel unikama Jacobnën rëbúnkikama a raíri ꞌanan bibiankin ain menu buánun ꞌamiakëx? ¿An usakin ꞌakë ax kara asérabi Nukën ꞌIbun ꞌamikëma ꞌiakëx? Atux ka ami ꞌuchakëxa, usai ꞌikin ka an kakësokinbi ꞌakëma ꞌikën, ꞌianan ka ain bana ax kikësokinbi ꞌaíma ꞌianan, an ꞌunánmikësa okinbi ꞌaisama tankankëxa.

Daniel 5:13

Usa ꞌain ka Daniel aín unikaman ꞌapunu buánkëxa buankëka ꞌapun ñukákëxa: —¿Mix kaina Daniel, ꞌën papa Nabucodonosornëan ꞌapu ꞌixun ñatanbëtsinkin Judánua bëa a ꞌain?

Daniel 5:18

Dios manámi ꞌikë kushiira an ka, min papa Nabucodonosor, axa ꞌapu ꞌaish chaiira ꞌikëa kamabi menu ꞌikë unin uisakinbi kakëma ꞌinun ꞌimiakëxa.

Habacuc 1:16

Usa ꞌain ka an tsatsa bikë unikaman atun rika rabianan, atun mishkitikama aribi ñuina xaroxunkin, asábi ka kakin a kupí kananuna upí pitiñu ꞌianan, ꞌitsaira pitiñu ꞌai kiax kia.

Deuteronomio 32:30

¿Uisaxun kara achúshi unira ꞌixunbi mil uni abámiakëx? ¿ꞌIanan kara rabë́ratsu ꞌixunbi diez mil uni abámiakëx? ¡Nukën ꞌIbun ꞌakinkinbi ënkëka usakin mitsu ꞌakëxa!

Jueces 2:14

usokëbë Israel unikamami nishkin ka Nukën ꞌIbun an ñu mëkamakë unikaman atun ñu mëkamanun ꞌamianan, a rapasu ꞌikë unikaman an ꞌakinti ꞌaíma aín kupitanuma ꞌanun ꞌamiakëxa.

Jueces 4:2

usokin ꞌaia iskin ka Nukën ꞌIbun achúshi cananeo uni Jabín kakë ꞌapu ax ka Hasor kakë ëmanu ꞌain, abë ꞌakanankin ꞌanun ꞌamiakëxa. A unin suntárunën kushi ka Sísara kakë uni ꞌiakëxa, ax ka Haróset-goím kakë ëma anu tsókë ꞌiakëxa.

1 Samuel 5:2

buánxun ka Dagón kakë diosan xubunu atsímiakëxa, atsímixun ka a dios rapasu nankëxa.