Apocalipsis 8:3 - Kashibo-Kakataibo Biblia

³ Usa ꞌain ca bëtsi ángelribi, aín curi xanpa tuíanx uax, anua Nucën Papa Dios ꞌicë a bëmánon ꞌicë anuxun sanutanun tsëpasa ñu nëënti, curi ꞌacëribi, a rapasu niracëaxa. Usai ꞌia ca aín unicaman a rabianan ñucácë banacamabëa aín cuin tëxë́quianx ꞌirutanuan nëënun Nucën Papa Diosan ꞌitsaira tsëpasa ñu a ángel ꞌinánxa.

Nukën 'Ibu Diosan ain unikama 'inan ain bana

³ Usa 'ain ca bëtsi ángelribi, aín curi xanpa tuíanx uax, anua Nucën Papa Dios 'icë a bëmánon 'icë anuxun sanutanun tsëpasa ñu nëënti, curi 'acëribi, a rapasu niracëaxa. Usai 'ia ca aín unicaman a rabianan ñucácë banacamabëa aín cuin tëxë́quianx 'irutanuan nëënun Nucën Papa Diosan 'itsaira tsëpasa ñu a ángel 'inánxa.

Apocalipsis 8:3 Iomraidhean Croise

Éxodo 40:26

ꞌAtankëxun ka kuri ꞌakë anuxun sanuira ñu xaroti aribi xubusa okin ꞌakë ꞌukëmëu kata itsi, upíira kakë chupan bëpankë anu nankëxa,

Isaías 6:6

Usai ꞌëx kikëbëbi ka unikama achúshi tsi rëkirukësa ꞌaish ꞌëmi kikuatsini nuankuatsini uaxa. Ukin ka xëta rabë́ okin ꞌakë anun tsi ëxku ënxaira achúshi anuxun ñuina xaroti ꞌakë anua bitsínkin bëaxa,

Amós 9:1

Usokin a ñukama istankëxun kana Dios. Anuxun ñuina xaroti rapasu nikë isan, iskëxun ka ësokin ꞌë kaxa: “Anuxun ꞌë rabiti xubu akamina aín ꞌirakantikama manámi ꞌikë a tinkati ꞌain, usakin ꞌakëbë ka anu nankë ikama ax shaíkiti ꞌikën; ¡shaíki ka ikama ax túukibuti ka unin maxkánu aín sanikama pakëti ꞌikën! Usokin ꞌakëbëa bamakëmakama atux abáti sinanx kuaniabi kana manë xëtokën ꞌakin rëtëti ꞌain: usokin ꞌakëbë ka axa abáti sinanx abákë axbi achúshirabi ië́tima ꞌikën;

Malaquías 1:11

Kamabi me kuainakëanu tsókë unikaman ka ꞌë rabia; ꞌimainun ka kamabi menuxun ꞌë rabikin ro sanuira xaronan ñu upíirabukama aribi a isi ꞌëx kuëëntisabi okin upíokin ꞌaia.

Lucas 1:10

Usa ꞌain ca Zacaríasnën tsëpasa ñu xaromainun judíos unicaman ëmánxun Nucën Papa Dios abë banaquin rabiacëxa.

Romanos 8:34

¿Uin cara nu ꞌuchoti ꞌic? Cristo bamacëbia Nucën Papa Diosan baísquimicë, an ca aín nëtënu abë ꞌApu ꞌaish aín mëqueu ꞌixun, nu Nucën Papa Dios ñucáxunia. Ñucáxuncë ꞌixun ca an asérabi nu ꞌuchotima ꞌicën.

Hebreos 7:25

Ui unicaman cara a cupí abë upí ꞌiisa tanquin Nucën Papa Dios ñucatia, a ca Jesusan xënibua ꞌaínbi Nucën Papa Diosnan ꞌinun ië́mia. A unicama Nucën Papa Dios ñucáxunux ca bamatimoi tsotia.

Hebreos 9:4

Tabernáculo nëbë́tsi rabë́ oquin bëpáncë chupa rapasu ca anuxun tsëpasa ñu sanutanun xaroti nancë ꞌiacëxa, a Cata Upíira cacë, a rapasu. A Cata Upíira cacë, anu ca bunánti, curin ratacacacë ꞌaish anúnribi aín namë́nu rocë ꞌiacëxa. A bunántinu ca curi ꞌacë chumu, anu maná cacë piti ñu ꞌitsamashi purucë, ꞌimainun Aaronën tsati ꞌaíshbi coo, a ꞌimainun maxax parúsha rabë́, anu usai ca aín uni ꞌiti ꞌicë quixun Nucën Papa Diosan cuënëo, acama ꞌiacëxa.

Apocalipsis 10:1

Bëtsi ángel cushiira, axribia naínuax aia cana isan. Ax ca nëtë cuin mëu nicësa ꞌianan aín maxcá manámi nónbai ꞌimainun aín bëmánan bari pëquicësa ꞌiaxa. ꞌIanan ca aín quisi rabë́ tsi rëquiruia iscësa ꞌiaxa.

Apocalipsis 14:18

Buania chiquícëbë ca ángel itsi, an ñu tsi nëënmianan tsi bënánti cushiñu, ax anuxun sanutanun tsëpasa ñu nëënti anuan chiquíaxa. Chiquítancëxun ca munuma banaquin axa manë cuënucëñu ángel caxa: —Uvas bimicama ca pëcëti sënë́anxa. Usa ꞌain camina min manë cuënucë, anun tëaquin uvas bimicama biti ꞌain, bixun camina timëti ꞌain.

Apocalipsis 5:8

Bicëbë ca ꞌitsa bëruñu rabë́ ꞌimainun rabë́ ñu, axribia bamatimoi tsócë, acama ꞌimainun mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicamaribi, Carnero ꞌicësaribitia unin ꞌucha cupí bama ami bësucë ꞌaish a rabi rantin purúanxa. A caniacëcë unicaman ca arpa cacë ñu a ꞌai cuëëni cantati, a ꞌimainun curi ꞌacë manë xanpa anua sanutanun nëënti tsëpasa ñu ꞌicë, acama tuíanxa. A xanpanuax cuin tëxë́quianxa ꞌirucë, ax ca aín unicaman Nucën Papa Dios rabianan ñucácë banacama a ꞌiaxa.

Apocalipsis 6:9

Usai ꞌicëbëtan ca Carnero ꞌicësaribitia unin ꞌucha cupí bama, an anúan quirica tacáshcacë ñu itsiribi pëóshaxa. Pëóshcëbëtan cana Nucën Papa Diosan bana cuanan, a banax ca asérabi ꞌicë quiax quicë cupí unin ꞌacë́xa bama unicaman ñunshin, anuxun ñuina xaroti bucúncë maxax, a tëmúcüa isan.

Apocalipsis 7:2

Usaquin bëaranan mecamacëñun anu ꞌicë ñucama, ꞌimainun parúnpapacëñun anu ꞌicë ñucamaribi ꞌatimonun ca Nucën Papa Diosan a ángelcama aín cushi ꞌinánxa. Acama istancëxun cana bëtsi ángel aucüaxa bari urucë anuax aia isan. An ca uquin axa bamatimoi tsócë, Nucën Papa Diosan unicama, anun Cristonën anë ꞌimainun Nucën Papa Diosan anë aín bëmánanu cuënëoti ñu bëaxa. Usa ꞌixun ca a ángelnën munuma cuëncëni banaquin rabë́ ꞌimainun rabë́ ángelcama a caxa:

Apocalipsis 8:4

Angelnëan tuíncë xanpa anuax ca sanu cuínbë, aín unicaman a rabianan ñucácë bana, ax anu Nucën Papa Dios ꞌicë anu cuaruaxa.

Apocalipsis 8:5

Usai ꞌicëbëtan ca ángelnën anuxun sanutanun tsëpasa ñu nëënti, anua tsisu rëquirucë biquin, a xanpanu ꞌaruquin buácatancëxun menu niaxa. Nicëbëa caná mëriti banacëbë ca bëtsi ñuribi sharámainun mecama shaíquiaxa.

Apocalipsis 9:13

Banoíma ꞌixun ca a rabë́ ángel achúshinën aín manë banañu banoxa. Banocëbëtan cana anua Nucën Papa Dios ꞌicë a bëmánon ꞌicë anuxun sanutanun tsëpasa ñu nëënti, curi ꞌacë, aín cuëbícamanu i, vaca matúxcasa ꞌitánun ꞌacë, rabë́ ꞌimainun rabë́, anuaxa banaia cuan.