Apocalipsis 7:3 - Kashibo-Kakataibo Biblia

³ —Nun an Nucën Papa Dios quicësabi oquin ꞌacë unicama ꞌunánti oquin atun bëmánancama cuënëocëma pan ꞌain camina mecama ꞌimainun parúnpapacama ꞌimainun icamaribi ꞌatimotima ꞌain.

Nukën 'Ibu Diosan ain unikama 'inan ain bana

³ —Nun an Nucën Papa Dios quicësabi oquin 'acë unicama 'unánti oquin atun bëmánancama cuënëocëma pan 'ain camina mecama 'imainun parúnpapacama 'imainun icamaribi 'atimotima 'ain.

Apocalipsis 7:3 Iomraidhean Croise

Éxodo 12:13

Ñuinakan imi ax ka anúnmi mitsun xubu xëkuë anumi ꞌikë a ꞌunántiokin shiti ꞌiti ꞌikën. Usakin ꞌakin ꞌën egipcio unikaman rëkuë́n bëchikëkama këñúmikëbëbi ka mitsun bëchikëkama achúshirabi bamatima ꞌikën, imin xubu xëkuë shikë a isi ꞌëx amotan inúkëbë ka këñutima ꞌikën.

Éxodo 12:23

Usokin ꞌakë ka Nukën ꞌIbun egipcio unikaman rëkuë́n bëchikë bamatanun këñumi inúkinbi xubu xëkuë imin shikë isi ka a ꞌurama oíma amotan kuainti ꞌikën. Usa ꞌain ka Nukën ꞌIbun an uni bamamitia xukë aín ángel mitsun xubunu atsínun ꞌimitima ꞌikën.

Isaías 54:17

ꞌaínbi ka uínbi anun ꞌakanankin ñu anun masókin ꞌati uniokëma ꞌikën. Mitsun kamina an usa ka atux ꞌikë kixun mitsu ꞌuchokëkama a uisa bananbi bananun kimitima ꞌain. Ësokin kana axa ꞌëmi katamëkë unikama ꞌamiti ꞌain: usokin ꞌakin ka atun ñusmoti ꞌikën.” Ësai ka Nukën ꞌIbu asérabi kiakëxa.

Isaías 6:13

ꞌIanan ka cien uni buankëbëa mapai rabë́ uni bërúkë akamaxribi këñúkë ꞌiti ꞌikën, usakin ꞌakëx ka i unin bëríbi tëakëx ꞌikësai ꞌain buru ishi bërúkë usairibi ꞌiti ꞌikën” (ꞌaínbi ka aín mo bërúkë axa upíira ꞌinun kotëkënkë, usaribiti anuax an kuëënkësa okían ꞌati unikama mëratëkënti ꞌikën).

Daniel 3:17

Nukamanu rabikë Dios an ka numi tsi rëkirukë mëu nianan uisa kaina mix ꞌapu ꞌixun nu oisatani, usakin min ꞌaiabi nu ië́miti ꞌikën.

Daniel 3:26

Ësai kiküatsini aí ka ꞌapu Nabucodonosor tsi rëkirukë xëkuë a ꞌurama oi munuma banai kiakëxa: —¡Sadrac, Mesac ꞌimainun Abed-negó, Dios kushiira naínu ꞌikë aín unikama anuax chikíküatsini ka ënu ukan! Usakin kakëx ka uni bënákama ax tsi rëkirukë anuax chikíküatsini uakëxa,

Daniel 6:16

Usa ꞌain ka ꞌapun bëtankëxuan Daniel anua paru ꞌinúankama ꞌikë kini anu ninun kixun ain unikama kakëxa. ꞌAínbi ka usakin ꞌakëma pan ꞌain ꞌapun Daniel kakëxa: —¡Min Dios ax kikësabi okinmi aín bana tankin ꞌaxunkë an ka mi ië́miti ꞌikën!

Malaquías 3:18

Usa ꞌain kamina mitsun amiribishi uisa ñux kara upí ꞌikë, uisa ñux kara upíma ꞌikë a ꞌunankanti ꞌain, ꞌimainun kana uin kara Dios ꞌikë asérabi ꞌë rabia, uin kara ꞌë rabima akamaribi ꞌunánkanti ꞌain.

Mateo 24:22

Anúan paë tani nëtë́xa cëñúcëbëma ca usabi ꞌi camabi unix bamati ꞌicën. Usa ꞌaínbi ca Nucën Papa Diosan, ainan ꞌinun an caíscë unicama nuibaquin, atu cupí anúan unin paë tanquin tëmërati nëtëcama sënë́nmiti ꞌicën.

Mateo 24:31

Manë banañu bana ocëbë uquin cana ꞌën ángelcama xuti ꞌain, ꞌënan ꞌinun ꞌën caíscë unicama camabi menua ꞌëbëa ꞌinun ꞌë timëxunun.

Juan 12:26

Axa ꞌënan ꞌiisa tancë unin ca ꞌëx cuëëncësabi oquin ꞌati ꞌicën. Usoquin ꞌai ca uinu carana ꞌëx ꞌain, anuribi ax ꞌiti ꞌicën. An ꞌëx cuëëncësabi oquin ꞌacë unicama a ca ꞌën Papan nuibaquin ꞌaquinia.

Juan 3:33

Usa ꞌaínbi ca axa aín bana cuati ami catamëcë uni, an —Nucën Papa Diosan banax ca asérabi ꞌicë —quixun sinánan —ca usa ꞌicë —quixun unicama ñuixunia.

Romanos 6:22

Mitsúnmi ñu ꞌatima ꞌatëcënxunma ꞌanun Nucën Papa Diosan ꞌimicë ꞌixun camina ax cuëëncësabi oquin ꞌain. Usoquin ꞌaia ca Nucën Papa Diosan mitsu an iscëxmi upí ꞌinun ꞌimia. ꞌImianan ca nëtë́timoimi abë ꞌinun mitsu ꞌimia.

Apocalipsis 13:16

Usaquin ꞌanan ca camabi uni, ꞌapu unicama ꞌimainun ꞌapuma unicamaribi, ñuñu unicama ꞌimainun ñuñuma unicamaribi, an uni ñu mëëxuncëma unicama ꞌimainun an uni ñu mëëxuncë unicamaribi, camabi aín mëcën mëqueu parúnpapanuax uax ꞌirucë ñuinacanꞌëonan ꞌinun ꞌunántioquin cuënëocë ꞌinun ꞌamiaxa. ꞌAmianan ca aín mëcën mëqueu ꞌunántiocëma ꞌicë, aín bëmánanu ꞌunántioquin cuënëomiaxa.

Apocalipsis 13:17

ꞌUnántioquin cuënëocë bana ax ca parúnpapanuax uax ꞌirucë ñuinacanꞌëo aín anë ꞌiaxa. Aín anë ꞌacëma ꞌain ca aín número cuënëocë ꞌiaxa. Ui unicamax cara ꞌunántioquin cuënëocëma ꞌicë an ñu maruanan ñu biti ca ꞌaíma ꞌiaxa.

Apocalipsis 14:1

Usaquin istancëxun istëcënquin cana Carnero ꞌicësaribitia unin ꞌucha cupí bama, a matá me Sión cacë, anua Jerusalén ꞌicë, anu nicë isan. ꞌËn iscëx ca abë ꞌaisamaira uni, ciento cuarenta y cuatro mil (144,000) unicama, axa aín bëmánanu Cristonën anë ꞌimainun Nucën Papa Diosan anënribi cuënëocë, a unicamax ꞌiaxa.

Apocalipsis 14:9

Usai ꞌicëbë ai ca bëtsi ángelribi munuma banai ësai quiaxa: —Uicaman cara parúnpapanuax uax ꞌirucë ñuinacanꞌëo ꞌimainun a tanquian a iscësa oquin unin ꞌacë ñu a rabicë cupí aín bëmánanu cuënëocë unicama, ꞌimainun aín bëmánanu cuënëocëma ꞌaish aín mëcë́nu cuënëocë ꞌicë

Apocalipsis 19:2

Ax aín sinan upíira ꞌixun ca uisa cara oti ꞌicë usoquin ꞌaia. Ñu ꞌatima cuëënquinma ca usoquin ꞌaia. Usa ꞌixun ca Babilonia ëmanu ꞌicë unicama, an camabi menu ꞌicë unicama ꞌatima ñu ꞌanun ꞌunánmianan ami sinánxma ꞌinun ꞌunánmicë cupí acama ꞌuchoquin castícanxa. Usaquin ꞌaquin ca an aín unicama ꞌacë unicama cupiaxa.

Apocalipsis 20:4

Acama istancëxun cana anu tsóti cha bëtsi bëtsi isan. Anu ca an uni raíri ñu upí cara ꞌaxa, ñu upíma cara ꞌaxa quixun isti, acama tsócë ꞌiaxa. Acama isanan cana axa —ꞌëx cana Jesúsnan ꞌai —quiquin bana ñuixuncë cupí tëbíscacë unicama, ꞌimainun axa Nucën Papa Diosan bana cuacë cupí tëbíscacë unicama, acaman ñunshínribi isan. Acamax ca ꞌitsa maxcáñu ꞌianan ꞌitsa matúxca ñuinacanꞌëo a rabima, ꞌianan a tanquin unin ꞌacë ñu a rabima, ꞌianan ainan ꞌinun ꞌunántioquin aín bëmánan ꞌimainun aín mëcën cuënëocëma ꞌiaxa. ꞌËn iscëx ca acamax bama aíshbi baísquiaxa. Baísquitancëx ca Cristobë mil baritia ꞌapu ꞌiaxa.

Apocalipsis 22:4

Rabianan ca anuax abë isananti ꞌicën. Usa ꞌaish ca Nucën Papa Diosan anë atun bëmánanu cuënëocë ꞌiti ꞌicën.

Apocalipsis 6:6

Isquin cana ꞌitsa bëruñu rabë́ ꞌimainun rabë́ ñu, axribia bamatimoi tsócë, acama nëbë́tsinuaxa banaia cuan, piti ñu cupíira ꞌaían ësai quia: —Achúshi nëtën ñu mëëtancëxun bicë curíquinën camina achúshi kiloishi trigo biti ꞌain. A biquinma camina rabë́ ꞌimainun achúshi kilo cebada biti ꞌain. Usa ꞌaínbi ca i bimin xëni ꞌimainun vinoribi aín cupí usabi ꞌiti ꞌicën.

Apocalipsis 7:1

Usaquin istancëxun cana rabë́ ꞌimainun rabë́ ángel isan. Achúshinëx ca aucüaxa bari urucë anu nicë ꞌiaxa. Bëtsix ca ami bari cuabúcë anu nicë ꞌiaxa. Bëtsíxa baca rëbumi ꞌimainun ca bëtsix baca tsipúmi ꞌiaxa. A ángelcaman ca suñun me bëcanan parúnpapa bëcaisama oquin bëaranan iribi bëcaisama oquin bëaraxa.

Apocalipsis 7:2

Usaquin bëaranan mecamacëñun anu ꞌicë ñucama, ꞌimainun parúnpapacëñun anu ꞌicë ñucamaribi ꞌatimonun ca Nucën Papa Diosan a ángelcama aín cushi ꞌinánxa. Acama istancëxun cana bëtsi ángel aucüaxa bari urucë anuax aia isan. An ca uquin axa bamatimoi tsócë, Nucën Papa Diosan unicama, anun Cristonën anë ꞌimainun Nucën Papa Diosan anë aín bëmánanu cuënëoti ñu bëaxa. Usa ꞌixun ca a ángelnën munuma cuëncëni banaquin rabë́ ꞌimainun rabë́ ángelcama a caxa:

Apocalipsis 9:4

Tsin cuínuax chiquitia ca Nucën Papa Diosan a chanpucama caxa: Menu ꞌicë basi, imaxu, chucu, ro, i acama camina ꞌatimotima ꞌain. A ꞌaquinma camina, ax ca ꞌënan ꞌicë quixun ꞌunánun aín bëmánanu ꞌën anë ꞌaquin ꞌunántiocëma uni acama cuni ꞌatimoti ꞌain.