Apocalipsis 7:12 - Kashibo-Kakataibo Biblia

¹² Rabiquin ca caxa: Ësai ca ꞌiti ꞌicën. Mix cuëënun ca camabi unicama ꞌimainun ángelcamanribi mi rabiti ꞌicën. Camabi unicaman ꞌApu ꞌianan, camabi ñu ꞌunáncë ꞌicë cananuna —asábi ca —quiquin mi rabin. Min cushix ca chaira ꞌicën. Mixmi cëñútimoi usabi ꞌia cananuna xënibua ꞌaínbi mi rabiti ꞌain. Usaquin cananuna ꞌati ꞌain.

Nukën 'Ibu Diosan ain unikama 'inan ain bana

¹² Rabiquin ca caxa: Ësai ca 'iti 'icën. Mix cuëënun ca camabi unicama 'imainun ángelcamanribi mi rabiti 'icën. Camabi unicaman 'Apu 'ianan, camabi ñu 'unáncë 'icë cananuna —asábi ca —quiquin mi rabin. Min cushix ca chaira 'icën. Mixmi cëñútimoi usabi 'ia cananuna xënibua 'aínbi mi rabiti 'ain. Usaquin cananuna 'ati 'ain.

Apocalipsis 7:12 Iomraidhean Croise

Salmos 100:4

Anuxun a rabiti xubu ain xëpútikama anu kamina rikuatsinti ꞌain, rikuatsini kamina anun rabi kantati aín bana anun kantakin rabikin asábi ka ¡kakin upíokin sinánkin aín anë rabiti ꞌain!

Salmos 107:22

Usa ꞌain ka ñuina ꞌaxun xaroxuni an ꞌa ñukama, a sinani kuëënkin rabikanti ꞌikën.

Salmos 116:17

Usa ꞌain kana, ꞌëmi ñukama ꞌaxunkë a kupín ñuina rëxun xaroxunkin, asabika kakin min anë rabikin mi ñukáti ꞌain.

Salmos 72:19

aín anë upíira ax ka xënibua ꞌaínbi sinánkë ꞌiti ꞌikën. ¡Usa ꞌain ka aín kushi ax xënibua ꞌaínbi kamabi menu ꞌikë unikaman ꞌunánkë ꞌiti ꞌikën! ¡Usa ka ꞌiti ꞌikën ashi!

Salmos 89:52

Dios ax ka chuámarua xënibua ꞌaínbi ꞌiti ꞌikën. ¡Usai ka ꞌiti ꞌikën!

Salmos 95:2

Usai ꞌi kuëëni kananuna a ꞌuramanuax ꞌikësai kantai, anun kantati ain bana ꞌakë anun kantai ꞌasabi ka kai kuëënti ꞌain.

Jonás 2:9

ꞌaínbi kana ꞌën mi asábi ka kai kuëënkin rabiti ꞌain rabikin, kana ñuina ꞌatankëxun xaroxunti ꞌain; usakin ꞌakin kana uisokin ꞌaxunuxun karana mi ka usabi okin ꞌati ꞌain: ¡Mixëshi kamina axa ië́mianankë Dios a ꞌain!

Mateo 6:13

Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain. Nun ñu ꞌatima ꞌati ꞌicëbi camina nu usa ñu ꞌaxunma ꞌanun nu ië́miti ꞌain. Mix cushiira ꞌaish xënibua ꞌaínbi ꞌApu ꞌicë ca camabi unin mi rabiti ꞌicën. Usai ꞌinun min ꞌimiti cana cuëënin.

1 Corintios 14:16

Unin cuacëma banan banaquinmi Nucën Papa Dios rabiabi ca min bana cuaquinma an Nucën Papa Diosan bana upí oquin ꞌunáncëma unicaman mibëtan Nucën Papa Dios rabiti sinántima ꞌicën.

2 Corintios 4:15

Nun tëmëraquinbi mitsu bana ñuixuncëx camina ꞌitsaxira Nucën Papa Diosan nuibaquin ꞌaquincëx ainan ꞌaish cuëënin. Usai ꞌiquin camina mitsun ꞌitsaxuinra Nucën Papa Dios —asábi ca —caquin a rabin, Nucën Papa Dios cuëënun.

Colosenses 2:7

A upí oquin ꞌunánan uisa cara ax ꞌicë quixun ꞌunani camina aín unían mitsu cacësabi oi, ami upiti catamëcanti ꞌain. Usai ꞌiquin camina camabi nëtën Nucën Papa Dios —asábi ca —quixun cati ꞌain.

Colosenses 3:17

Uisa ñu caramina ꞌain, a upí oquin ꞌanan camina banairibi upiti banaquin mitsux Nucën ꞌIbu Jesúsnan ꞌixun a ꞌaxuncësa oquin ꞌati ꞌain. ꞌAnan camina Cristonan ꞌixun Nucën Papa Dios —asábi ca —cati ꞌain.

Judas 1:25

Axëshi Nucën Papa Dios ꞌixun Nucën ꞌIbu Jesucristo cupí nu ainan ꞌinun ië́micë, ax ca cushiira ꞌianan upíira ꞌaish ꞌApuira ꞌicën. Ax uisa ñubi uniocëma pan ꞌaish usabi ꞌiá ꞌaish ca ax usabi ꞌia. Usabi ca ax ꞌicën. Ashi, Judas.

Apocalipsis 1:18

ꞌËx cana axa bamatimoi tsócë a ꞌain. Bamatancëx baísquia ꞌaish cana bamatëcëntimoi tsotin. Ui unicamax cara uiti nëtën tsóti ꞌicë, uisa nëtën cara bamati ꞌicë quixun cana ꞌën mëníoin. Bamatancëx cara aín ꞌucha cupí anuax uni tëmëracë anu cuanti ꞌicë, cara anua aín ꞌucha tërë́ncë uni ꞌicë anu cuanti ꞌicë quixun cana mëníoin.

Apocalipsis 19:4

Usai ꞌimainun ca mëcën rabë́ ꞌimainun taë rabë́ ꞌimainun rabë́ ꞌimainun rabë́ caniacëcë unicama ꞌimainun axa ꞌitsa bëruñu rabë́ ꞌimainun rabë́ ñu, axribia bamatimoi tsócë, acaman ca aín bëmánon meu bësuquin Nucën Papa Dios, ꞌApuira, a rabi cuëënquin caxa: —Usai ca ꞌiti ꞌicën. Miishi cananuna munuma banaquin rabin.