Apocalipsis 6:12 - Kashibo-Kakataibo Biblia

¹² Usai ꞌicëbëtan ca Carnero ꞌicësaribitia unin ꞌucha cupí bama, an anun quirica tacáshcacë ñu itsiribi pëóshaxa. Pëóshcëbë ca mecama shaíquiaxa. Usai ꞌicëbë ca bari bëánquiaxa, chupa tunánsa ꞌinun. ꞌImainun ca ꞌuxë imi iscësa ꞌiaxa.

Nukën 'Ibu Diosan ain unikama 'inan ain bana

¹² Usai 'icëbëtan ca Carnero 'icësaribitia unin 'ucha cupí bama, an anun quirica tacáshcacë ñu itsiribi pëóshaxa. Pëóshcëbë ca mecama shaíquiaxa. Usai 'icëbë ca bari bëánquiaxa, chupa tunánsa 'inun. 'Imainun ca 'uxë imi iscësa 'iaxa.

Apocalipsis 6:12 Iomraidhean Croise

Isaías 50:3

ꞌËn kana naíkamëꞌ ëo uni ñukë ꞌain unix masánuituti chupan mapukësa ꞌitánun ꞌimiti ꞌain, usakin kana ꞌën ꞌimiti ꞌain.”

Joel 2:10

Usa ꞌain ka an ꞌimikëx me shaíkia, ꞌimainun ka naíribi shaíkiti ꞌikën, ꞌianan ka bari ꞌimainun ꞌuxë bë́ankiti ꞌikën, ꞌimainun ka ꞌispakamanribi pëkima nëtë́ti ꞌikën.

Joel 3:15

A nëtë ꞌikëbëtan ka bari, ꞌuxë ꞌimainun ꞌispa akaman pë́katima ꞌikën.

Amós 1:1

Ënë banax ka Amós kakë uni an ñuina bërúankë Tecoanu ꞌikë uni a Diosan usokin ka Israel kama ꞌati ꞌikë kixun, rabë́ baritia anúan me shaíkiti ꞌisama pain ꞌain ká bana ꞌikën, usa ꞌain ka a barikaman Ozías ax Judá menu ꞌapu ꞌimainun Jeroboam Joásnën bëchikë axribi Israel menu ꞌapu ꞌiakëxa.

Amós 8:9

“A nëtë́an ꞌiti ñui ka Dios ësai kiaxa, ꞌën kana maníti xamánruibia bë́ankinun bari ꞌimiti ꞌain, ꞌimianan kana nëtë xabá ꞌikëbia bë́ankikin me mapunun ꞌimiti ꞌain.

Mateo 11:21

—Corazín ëmanuax ucë unicama ꞌimainun Betsaidanuax ucë unicama, mitsu cana asérabi cain, mitsun ëmanuxun ꞌën cushínbi ꞌën ñu ꞌacësaribi oquin Tiro ꞌimainun Sidón anuxun ꞌën ꞌá ꞌain ca anu ꞌicë unicama aín ꞌuchacama ëni ꞌëmi sinan ꞌitsíanxa. Aín ꞌucha cupí masá nuituti sinanati ca chupa chëquicë pañuanan chimaputan mashiquia ꞌitsíanxa.

Mateo 24:29

Usoquin canan ca ësaquinribi Jesusan aín ꞌunánmicë unicama cacëxa: —Usaía tëmërai anun uni bënë́ti nëtëcama ꞌicëbë ca bari bëánquinuxun ꞌaia, ꞌuxë́nribi ca pëcanuxunma ꞌaia. ꞌIsparibi ca rëucunuxun ꞌaia, naícamëꞌëo shaíquicëbë ca anua ꞌicë ñucamaxribi shaíquinuxun ꞌaia.

Mateo 24:7

Bëtsi menu ꞌicë unicamax ca bëtsi menu ꞌicë unicamabë nishánani ꞌacánanti ꞌicën. ꞌImainunribi ca bëtsi menu ꞌicë ꞌapun suntárucama bëtsi menu ꞌicë suntárucamabë ꞌacánanti ꞌicën. Bëtsi bëtsi nëtënu ꞌicë unicamax ca a piti ñuñuma ꞌinuxun ꞌaia. Bëtsi bëtsi mecamax ca shaíquinuxun ꞌaia.

Mateo 27:45

Usa ꞌain ca bari xamárucëbëbi me bëánquiacëxa. Bëánquiax ca rabë́ ꞌimainun achúshi hora bari pëquitëcëancëxa.

Mateo 27:54

Me shaíquimainuan usai bëtsi ñuribi ꞌia isi ca suntárunën cushibëtan an unínma Jesús i curúsocënua nanpatia quixun a bërúancë suntárucamaxribi ꞌaisamaira racuë́acëxa. Racuëti ca —ënë unix ca asérabi Diosan Bëchicë ꞌiaxa —quiax quiacëxa.

Mateo 28:2

Cuanxa bëbacëbëbi ca mecama cushíinra shaíquiacëxa. Shaíquicëbëtan ca ángelnën Nucën ꞌIbu Diosan xucëx uquin, anúan anu Jesús ꞌicë quini xëpucë maxax cha taranacëxa. Usotancëx ca anu tsóbuacëxa.

Marcos 15:33

Usa ꞌain ca bari xamárucëbëbi me bëánquiacëxa. Bëánquiax ca rabë́ ꞌimainun achúshi hora ꞌicëbë bari pëquitëcëancëxa.

Apocalipsis 11:13

Usai ꞌicëbë ca me ꞌaisamaira shaíquiaxa. Shaíqui ca Jerusalén ëma nëbë́tsi rabë́, mëcën rabë́ oquin tëacësa ꞌaíshbi amo ꞌicë achúshi rurucubuaxa. Rurucubucëbë ca ꞌaisamaira uni siete mil bamaxa. Acama bamacëbëtan ca bamacëma unicaman racuë́quin, Nucën Papa Dios naínu ꞌicë rabiaxa.

Apocalipsis 16:18

Usai ꞌicëbë ca caná mëriti banacëbë bëtsi ñuribi sharámainun mecama shaíquiaxa, uisa nëtë́nbia unin tansamaira oi.

Apocalipsis 16:8

Usai ꞌicëbëtan ca bëtsi ángelnënribi aín xanpanu ꞌicë ñu tutucaquin barinu anpë́ncaxa. Anpë́ncacëbëtan ca cushiira pëquiquin, barin ꞌitsisan unicama xaronun Nucën Papa Diosan ꞌimiaxa.

Apocalipsis 8:12

Usai ꞌicëbëtan ca bëtsi ángelnënribi aín manë banañu banoxa. Banocëbë ca bari, ꞌuxë ꞌimainun ꞌispacamaribi ꞌitsa ꞌaíshbi nëbë́tsi rabë́ ꞌimainun achúshi oquin tëacësa ꞌaíshbi amo ꞌicë achúshi bënamëti pëquicëma ꞌicën. Usa ꞌain ca nëtë ꞌimainun imë́ribi nëbë́tsi rabë ꞌimainun achúshi oquin tëacësa ꞌaíshbi amo ꞌicë achúshi bari, ꞌuxë, ꞌispacaman pëcacëma ꞌiaxa.

Apocalipsis 8:5

Usai ꞌicëbëtan ca ángelnën anuxun sanutanun tsëpasa ñu nëënti, anua tsisu rëquirucë biquin, a xanpanu ꞌaruquin buácatancëxun menu niaxa. Nicëbëa caná mëriti banacëbë ca bëtsi ñuribi sharámainun mecama shaíquiaxa.